ಚಾಟ್ ತೆರೆಯದೆಯೇ ಓದಿರಿ WhatsApp ಮೆಸೇಜ್, ಇಲ್ಲಿದೆ ಸುಲಭ ಟ್ರಿಕ್

ನವದೆಹಲಿ: ಮೆಸೇಜಿಂಗ್ ಅಪ್ಲಿಕೇಶನ್ ವಾಟ್ಸಾಪ್ ಜನರ ಜೀವನವನ್ನು ಸುಲಭಗೊಳಿಸಿದೆ. ಆದರೆ ಈ ಅಪ್ಲಿಕೇಶನ್ ನಿಮ್ಮ ಜೀವನದಲ್ಲಿ ಗೌಪ್ಯತೆಯನ್ನು ಸಹ ತೆಗೆದುಹಾಕಿದೆ. ಉದಾಹರಣೆಗೆ, ನೀವು ವಾಟ್ಸಾಪ್ (Whatsapp) ಮೂಲಕ ಆನ್‌ಲೈನ್‌ನಲ್ಲಿ ಕಾಣಬಹುದು. ನಿಮ್ಮ ಸ್ಟೇಟಸ್ ನವೀಕರಣವು ನಿಮ್ಮ ಮನಸ್ಥಿತಿಯನ್ನು ತೋರಿಸುತ್ತದೆ. ನಿಮ್ಮ ಸಂದೇಶವನ್ನು ವಾಟ್ಸಾಪ್‌ನಲ್ಲಿ ಯಾರಾದರೂ ಓದುತ್ತಾರೋ ಇಲ್ಲವೋ, ಅದು ಕೂಡ ಸುಲಭವಾಗಿ ತಿಳಿಯುತ್ತದೆ. ಅಂತೆಯೇ ನೀವು ಬೇರೆಯವರು ಕಳುಹಿಸುವ ಸಂದೇಶವನ್ನು ಓದಿದ್ದೀರೋ? ಇಲ್ಲವೋ? ಎಂಬುದೂ ತಿಳಿಯುತ್ತದೆ. ಆದರೆ ಚಾಟ್ ತೆರೆಯದೆ ನೀವು ಇತರರ ಸಂದೇಶಗಳನ್ನು ಹೇಗೆ ಓದಬಹುದು ಎಂದು ಇಂದು ನಾವು ನಿಮಗೆ ಹೇಳಲಿದ್ದೇವೆ.

ಅಂತಹ ಸಂದೇಶಗಳನ್ನು ಓದುವ ಅವಶ್ಯಕತೆ ಏಕೆ?
ವಾಸ್ತವವಾಗಿ ವಾಟ್ಸಾಪ್ ಅನ್ನು ಈಗ ವೈಯಕ್ತಿಕವಾಗಿ ಮತ್ತು ವೃತ್ತಿಪರವಾಗಿ ಬಳಸಲಾಗುತ್ತಿದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಆಗಾಗ್ಗೆ ವೃತ್ತಿಪರ ಸಂದೇಶಗಳನ್ನು ಪಡೆಯುತ್ತೀರಿ, ಅದನ್ನು ನೀವು ತಕ್ಷಣ ನೋಡಲು ಬಯಸುತ್ತೀರಿ. ಆದರೆ ಹಲವು ಮಂದಿ ಅದಕ್ಕೆ ಪ್ರತಿಕ್ರಿಯಿಸಲು ಇಷ್ಟಪಡುವುದಿಲ್ಲ. ಏಕೆಂದರೆ ಆ ಸಂದೇಶವು ಕೆಲವು ಉದ್ದೇಶಕ್ಕಾಗಿರಬಹುದು. ಅಂತೆಯೇ ವೈಯಕ್ತಿಕ ಸಂಬಂಧಗಳಲ್ಲಿ ನೀವು ಕೆಲವು ಬಾರಿ ಕೆಲವು ಸಂದೇಶಗಳನ್ನು ಓದಲು ಬಯಸುವುದಿಲ್ಲ. ಇದರಿಂದ ನಿಮಗೆ ವಿರಾಮ ಸಿಗುತ್ತದೆ. ಅನೇಕ ಬಾರಿ ಜನರು ಅಧಿಸೂಚನೆಗಳಿಲ್ಲದೆ ಸಂದೇಶಗಳನ್ನು ಓದಲು ಬಯಸುತ್ತಾರೆ.

ಇಲ್ಲಿದೆ ಸುಲಭ ಟ್ರಿಕ್:
ಇದಕ್ಕಾಗಿ, ನೀವು ಕಂಪ್ಯೂಟರ್ ಸಹಾಯವನ್ನು ತೆಗೆದುಕೊಳ್ಳಬೇಕು. ಮೊದಲಿಗೆ ನೀವು web.whatsaap.com ಗೆ ಹೋಗಬೇಕು. ಇಲ್ಲಿ ನೀವು ನಿಮ್ಮ ವಾಟ್ಸಾಪ್ ಅನ್ನು ಕ್ಯೂಆರ್ ಕೋಡ್ ಮೂಲಕ ಪ್ರವೇಶಿಸಬೇಕು. ನೀವು ಓದಲು ಬಯಸುವ ಸಂದೇಶ ಅಥವಾ ಚಾಟ್ ಅನ್ನು ಇಲ್ಲಿ ಸಿಂಗಲ್ ಟ್ಯಾಪ್ ಮಾಡಿ. ವಾಸ್ತವವಾಗಿ ಕರ್ಸರ್ ಅನ್ನು ಚಾಟ್‌ನಲ್ಲಿ ಇರಿಸುವ ಮೂಲಕ, ನೀವು ಸಂಪೂರ್ಣ ಸಂದೇಶವನ್ನು ನೋಡಲು ಸಾಧ್ಯವಾಗುತ್ತದೆ. ಅಂದರೆ ಸಂದೇಶವನ್ನು ಓದಲು ನೀವು ಚಾಟ್ ತೆರೆಯುವ ಅಗತ್ಯವಿಲ್ಲ ಮತ್ತು ವೆಬ್ ಆವೃತ್ತಿಯಲ್ಲಿ ನೀವು ಎಲ್ಲಾ ಸಂದೇಶಗಳನ್ನು ಪರಿಶೀಲಿಸಬಹುದು.