Viral Video :‌ ನೆಲದ ಮೇಲೆ ಬಿದ್ದು ಒದ್ದೆಯಾದ ಆಹಾರ ಸೇವಿಸಿದ ವ್ಯಕ್ತಿ, ಊಟದ ಮಹತ್ವ ತಿಳಿಸುವ ದೃಶ್ಯ

Viral Video : ಹಸಿವು... ಭೂಮಿಯ ಮೇಲಿನ ಪ್ರತಿ ಜೀವಿಗೂ ಬದುಕಲು ಆಹಾರ ಬೇಕು. ಪ್ರತಿದಿನ ಅದೆಷ್ಟೋ ಜನ ತಿನ್ನಲು ಅಗಳು ಅನ್ನ ಸಿಗದೇ ಒದ್ದಾಡುತ್ತಾರೆ. ಮತ್ತೆ ಕೆಲವರು ತಿನ್ನುವ ಅನ್ನವನ್ನು ಹೆಚ್ಚಾಗಿ ಬಿಸಾಕುತ್ತಾರೆ. ಆದರೆ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್‌ ಆದ ಈ ವಿಡಿಯೋ ನೋಡಿದ್ರೆ ಕಲ್ಲು ಹೃದಯ ಸಹ ಕರಗುತ್ತದೆ. ಪ್ರತಿಯೊಬ್ಬರು ಕಣ್ಣಂಚಿನಲ್ಲೂ ನೀರು ತುಂಬುತ್ತದೆ. ತಟ್ಟೆ ತುಂಬ ಊಟ ಹಾಕಿಕೊಂಡು ಹೊಟ್ಟೆ ತುಂಬಿದ ಮೇಲೆ ಎಸೆಯುವವರ ಹೃದಯ ಮುಟ್ಟುತ್ತದೆ. ಹಸಿವಾದಾಗ ನೆಲದ ಮೇಲೆ ಅಥವಾ ಕಸದಲ್ಲಿ ಬಿದ್ದಿರುವ ಆಹಾರವನ್ನು ಎತ್ತಿಕೊಂಡು ಬಲವಂತವಾಗಿ ಆಹಾರ ಸೇವಿಸುವವರೂ ಇದ್ದಾರೆ. ಇಂತಹ ಹೃದಯ ವಿದ್ರಾವಕ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಇದನ್ನೂ ಓದಿ : WATCH : ಕಂಠಪೂರ್ತಿ ಕುಡಿದು ರಸ್ತೆ ಮಧ್ಯೆ ಯೋಗಾಸನ.. ನೋಡಿದ್ರೆ ಬಿದ್ದು ಬಿದ್ದು ನಗ್ತೀರಾ!

ಹಸಿವಿನಿಂದ ಬಳಲುತ್ತಿರುವ ಅದೆಷ್ಟೋ ಜನ ತಿನ್ನಲು ಅನ್ನವಿಲ್ಲದೇ, ಆಹಾರ ಖರೀದಿಸಲು ದುಡ್ಡಿಲ್ಲದೇ ಅನೇಕರು ದಿನ ನಿತ್ಯ ಕಣ್ಣೀರು ಹಾಕುತ್ತಿರುತ್ತಾರೆ. ಅನೇಕ ಜನ ದಾರಿ ಮಧ್ಯೆ ಆಹಾರಕ್ಕಾಗಿ ಜನರನ್ನು ಬೇಡಿಕೊಳ್ಳುವುದನ್ನು ನೋಡಿಬಹುದು. ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿದ ನಂತರ ನೀವು ಆಶ್ಚರ್ಯ ಪಡುತ್ತೀರಿ. ಮನುಷ್ಯ ಹಸಿದಿದ್ದರೂ ಅಸಹಾಯಕ. ಜೋರು ಮಳೆಯಲ್ಲಿ, ಜನರು ಮೂಲೆಯಲ್ಲಿ ನಿಲ್ಲಲು ಅಥವಾ ನೆರಳಿನಲ್ಲಿ ನಿಲ್ಲಲು ಸ್ಥಳವನ್ನು ಹುಡುಕುತ್ತಾರೆ, ಒಬ್ಬ ವ್ಯಕ್ತಿಯು ಮಳೆಯಲ್ಲಿ ಒದ್ದೆಯಾದ ರಸ್ತೆ ಬದಿಯಲ್ಲಿ ಸ್ಕೂಟಿ ಅಡಿಯಲ್ಲಿ ಬಿದ್ದಿರುವ ಆಹಾರವನ್ನು ತಿನ್ನಲು ಹವಣಿಸುತ್ತಾನೆ. ಈ ವಿಡಿಯೋ ಇಂಟರ್‌ನೆಟ್‌ನಲ್ಲಿ ವೈರಲ್ ಆದ ಕೂಡಲೇ ಜನರ ಹೃದಯ ಕರಗಿದೆ. ಈ ವಿಡಿಯೋವನ್ನು @Gulzar_sahab ಹೆಸರಿನ ಖಾತೆಯಿಂದ Twitter ನಲ್ಲಿ ಹಂಚಿಕೊಳ್ಳಲಾಗಿದೆ.