‌Viral Video: ಹಂದಿ ಮರಿಗೆ ಹಾಲುಣಿಸಿದ ಹಸು! ಗೋಮಾತೆಯ ಮಾತೃ ಹೃದಯಕ್ಕೆ ತಲೆಬಾಗಿದ ನೆಟಿಜನ್ಸ್!‌

‌Viral Video: ಹಸಿವು ಎಲ್ಲರಿಗೂ ಒಂದೇ.. ತಾಯಿಯೂ ಅಷ್ಟೇ.. ತಾಯಿಯ ಪ್ರೀತಿಗೆ ಸಾಟಿ ಈ ಜಗತ್ತಿನಲ್ಲಿ ಯಾವುದೂ ಇಲ್ಲ ಎಂಬುದು ಎಲ್ಲರಿಗೂ ಗೊತ್ತಿರುವ ಸತ್ಯ. ಅಂತಹ ತಾಯಿಯ ಬಳಿ ಹಸಿವಿನಿಂದ ಬರುವ ಯಾರಿಗಾದರೂ ಹಸಿವು ನೀಗುತ್ತೆ ಎಂಬುದಕ್ಕೆ ಇದು ಸಾಕ್ಷಿಯಾಗಿದೆ. 

ಹೌದು ಹಸಿವಿನಿಂದ ಬಳಲುತ್ತಿದ್ದ ಹಂದಿಯೊಂದಕ್ಕೆ ಹಸು ಹಾಲುಣಿಸಿದ ವಿಚಿತ್ರ ಘಟನೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಎಪಿಯ ಶ್ರೀಕಾಕುಳಂ ಜಿಲ್ಲೆಯಲ್ಲಿ ಈ ಘಟನೆ ಬೆಳಕಿಗೆ ಬಂದಿದೆ. ಜಿಲ್ಲೆಯ ಪಟಪಟ್ಟಣಂನಲ್ಲಿರುವ ರಾಮ ಮಂದಿರದ ಬಳಿ ಹಸುವೊಂದು ವಿಶ್ರಾಂತಿ ಪಡೆಯುತ್ತಿದೆ. 

ಇದನ್ನೂ ಓದಿ-ಬೆಸ್ಟ್ ಫ್ರೆಂಡ್ ಗಂಡನನ್ನೇ ಮದುವೆಯಾದ ಖ್ಯಾತ ನಟಿ !

ಅದೇ ಸಮಯಕ್ಕೆ ಹಸಿವಿನಿಂದ ಬಳಲುತ್ತಿದ್ದ ಹಂದಿ ಮರಿಯು ಯಾವುದೇ ಭಯವಿಲ್ಲದೆ ಹಸುವಿನ ಬಳಿಗೆ ಹೋಗಿ ಹಾಲು ಕುಡಿಯುತ್ತಿದೆ.. ಆದರೆ, ಹಸು ಬೆದರದೆ ವರಾಹಕ್ಕೆ ಹಾಲುಣಿಸಿತು. ಇದೇ ವೇಳೆ ಕೆಲ ಸ್ಥಳೀಯರು ಇದನ್ನೆಲ್ಲ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದಾರೆ. ಸದ್ಯ ಈ ವಿಡಿಯೋ ಸಖತ್‌ ವೈರಲ್ ಆಗುತ್ತಿದೆ.  

ಈ ವಿಡಿಯೋಗೆ ಕಾಮೆಂಟ್‌ಗಳ ಸುರಿಮಳೆಯೇ ಸುರಿದಿದ್ದು, ತಾಯಿ ಎಂದರೇ ಎಲ್ಲರಿಗೂ ಒಂದೇ.. ತಾಯಿ ಪ್ರೀತಿಗೆ ಸರಿಸಾಟಿಯೇ ಇಲ್ಲ.. ಗೋಮಾತೆ ಎಂದು ಕರೆಯುವುದೇ ಈ ಕಾರಣಕ್ಕೆ.. ಭಾರತೀಯ ಸಂಸ್ಕೃತಿ ಹಸಿದವರಿಗೆ ಅನ್ನ ನೀಡುವುದು ಎಂದೆಲ್ಲ ನೆಟ್ಟಿಗರು ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ..