ಸೀರೆಯುಟ್ಟು ಫುಟ್‌ಬಾಲ್‌ ಆಡಿದ ಸಂಸದೆ, ವಿಡಿಯೋ ವೈರಲ್‌

ಸೀರೆ, ಕಾಲಿಗೆ ಸ್ನೀಕರ್ಸ್, ಕಣ್ಣಿಗೆ ಸನ್ ಗ್ಲಾಸ್ ಧರಿಸಿ ತೃಣಮೂಲ ಕಾಂಗ್ರೆಸ್ ಸಂಸದೆ ಮಹುವಾ ಮೈತ್ರಾ ಅವರು ಫುಟ್‌ಬಾಲ್‌ ಆಡಿದ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್‌ ಆಗಿದೆ. ತೃಣಮೂಲ ಕಾಂಗ್ರೆಸ್ 'ಖೇಲಾ ಹೋಬೆ ದಿವಸ್' ಆಚರಿಸಲು ಘೋಷಿಸಿತು. ತಂಡದ ನಾಯಕರು ಕ್ರೀಡೆಯ ಉತ್ತೇಜನಕ್ಕಾಗಿ ಪಶ್ಚಿಮ ಬಂಗಾಳದಾದ್ಯಂತ ಫುಟ್ಬಾಲ್ ಪಂದ್ಯಗಳನ್ನು ಆಯೋಜಿಸಿದರು. ಪಕ್ಷದ ಕಾರ್ಯಕ್ರಮದ ಭಾಗವಾಗಿ ತೃಣಮೂಲ ಸಂಸದೆ ಮಹುವಾ ಮೈತ್ರಾ ಅವರು ಫುಟ್‌ಬಾಲ್ ಆಡಿದ್ದಾರೆ. ಈ ಚಿತ್ರವನ್ನು ಸ್ವತಃ ತೃಣಮೂಲ ಸಂಸದರೇ ಹಂಚಿಕೊಂಡಿದ್ದಾರೆ. ಫೋಟೋದ ಶೀರ್ಷಿಕೆಯಲ್ಲಿ, "ಖೇಲಾ ಹೋಬ್ ದಿವಸ್‌ಗಾಗಿ ಕಿಕ್ಕಿಂಗ್ ಇಟ್ ಆಫ್" ಎಂದು ಬರೆದಿದ್ದಾರೆ.