Dog Attack Viral Video: 11-12 ವರ್ಷದ ಬಾಲಕನ ಮೇಲೆ ಬೀದಿನಾಯಿ ಅಟ್ಯಾಕ್- ವಾಚ್ ವೈರಲ್ ವಿಡಿಯೋ

ಬಾಲಕನ ಮೇಲೆ ಬೀದಿನಾಯಿ ದಾಳಿ ವಿಡಿಯೋ ವೈರಲ್: ಮಕ್ಕಳ ಮೇಲೆ ಬೀದಿ ನಾಯಿಗಳ ದಾಳಿ ಘಟನೆ ಹೊಸದೇನಲ್ಲ. ಈ ಕುರಿತಂತೆ ರಾಜ್ಯ ಸರ್ಕಾರಗಳು ಎಷ್ಟೇ ಕ್ರಮಗಳನ್ನು ಕೈಗೊಳ್ಳುತ್ತಿದ್ದರೂ ಇಂತಹ ಘಟನೆಗಳು ತಪ್ಪುತ್ತಿಲ್ಲ. ಇತ್ತೀಚಿಗೆ ಕೇರಳದಲ್ಲಿ 11-12 ವರ್ಷದ ಬಾಲಕನ ಮೇಲೆ ಬೀದಿ ನಾಯಿ ದಾಳಿ ಮಾಡಿ ತೀವ್ರವಾಗಿ ಗಾಯಗೊಳಿಸಿರುವ ಭಯಾನಕ ವಿಡಿಯೋವೊಂದು ಸಖತ್ ವೈರಲ್ ಆಗುತ್ತಿದೆ. 

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ಈ ಭಯಾನಕವಾದ ವಿಡಿಯೋದಲ್ಲಿ 11-12 ವರ್ಷದ ಬಾಲಕನೊಬ್ಬ ಕಾಂಪೌಂಡ್ ನಿಂದ ಹೊರಬಂದು ಸೈಕಲ್ ಏರಲು  ಮುಂದಾಗುತ್ತಾನೆ. ಈ ಸಂದರ್ಭದಲ್ಲಿ ಇದ್ದಕ್ಕಿದ್ದಂತೆ ಎಲ್ಲಿಂದಲೋ ಓಡಿ ಬಂದ ಬೀದಿ ನಾಯಿಯೊಂದು ಬಾಲಕನ ಮೇಲೆರಗಿ ಆತ ಸುರಕ್ಷಿತ ಸ್ಥಳಕ್ಕೆ ಹೋಗುವವರೆಗೂ ಕಚ್ಚುವ ಮನಕಲಕುವ ದೃಶ್ಯಾವಳಿಗಳನ್ನೂ ಕಾಣಬಹುದು. 

ಇದನ್ನೂ ಓದಿ- Funny Video: ಮಂಗಗಳ ಕೈಗೆ ಸ್ಮಾರ್ಟ್‌ಫೋನ್‌ ಸಿಕ್ರೆ ಹೇಗಿರುತ್ತೆ? ಈ ವಿಡಿಯೋ ನೋಡಿ

ಮಾಧ್ಯಮ ವರದಿಗಳ ಪ್ರಕಾರ, ಭಾನುವಾರ 12 ಸೆಪ್ಟೆಂಬರ್ 2022ರಂದು ಈ ಘಟನೆ ಸಂಭವಿಸಿದೆ ಎಂದು ಹೇಳಲಾಗುತ್ತಿದೆ. ಬೀದಿ ನಾಯಿಯಿಂದ ದಾಳಿಗೊಳಗಾಗಿರುವ ಬಾಲಕನನ್ನು ಏಳನೇ ತರಗತಿಯ ವಿದ್ಯಾರ್ಥಿ ಎಂದು ಹೇಳಲಾಗುತ್ತಿದೆ. ವೀಡಿಯೊದಲ್ಲಿ ಕಂಡು ಬರುವ ದೃಶ್ಯಗಳ ಪ್ರಕಾರ, ಕೆಲವು ಮಕ್ಕಳು ಮನೆಯ ಗೇಟ್‌ನ ಹೊರಗೆ ನಿಂತಿರುವಾಗ  ಹುಡುಗ ಕೂಡ ಬೈಸಿಕಲ್‌ನಲ್ಲಿ ಬರುತ್ತಿದ್ದನು, ಇದ್ದಕ್ಕಿದ್ದಂತೆ ನಾಯಿ ಅವನ ಮೇಲೆ ದಾಳಿ ಮಾಡಿದೆ. ನಾಯಿಯ ಈ ವರ್ತನೆ ಕಂಡು ಮಕ್ಕಳು ಹೆದರಿ ಓಡಿ ಹೋಗಿದ್ದು, ಬಾಲಕ ಏಕಾಂಗಿ ಹೋರಾಟ ನಡೆಸಿದ್ದಾನೆ. 

ಇದನ್ನೂ ಓದಿ- ಅಯ್ಯಯ್ಯೋ…ಗಂಡನ ಮರ್ಯಾದೆ ತೆಗೆಯೋಕೆ ಫುಲ್ ಪೇಜ್ ಜಾಹೀರಾತು ಕೊಟ್ಟ ಪತ್ನಿ!

ನಿರಂತರವಾಗಿ ಬಾಲಕನ ಮೇಲೆ ನಾಯಿ ದಾಳಿ ನಡೆಸುವ ಮತ್ತು ನಾಯಿಯಿಂದ ತಪ್ಪಿಸಿಕೊಳ್ಳಲು ಬಾಲಕನ ಹರಸಾಹಸವನ್ನು ಈ ವೈರಲ್ ವಿಡಿಯೋದಲ್ಲಿ ವೀಕ್ಷಿಸಿ.