Best Mileage Car: ಅದ್ಭುತ ಮೈಲೇಜ್ ನೀಡುವ ಈ ಕಾರಿನ ಮೇಲೆ ಭರ್ಜರಿ ಡಿಸ್ಕೌಂಟ್ ಲಭ್ಯ!

ನವದೆಹಲಿ: ಭಾರತದಲ್ಲಿ ಹಲವು ದಶಕಗಳಿಂದ ಜನರ ಫೆವರಿಟ್ ಆಗಿರುವ ಹಲವು ಕಾರುಗಳಿವೆ. ಇವುಗಳಿಗೆ ಸ್ಪರ್ಧೆಯೊಡ್ಡಲು ಭಾರತೀಯ ಮಾರುಕಟ್ಟೆಗೆ ಅನೇಕ ಕಾರುಗಳು ಲಗ್ಗೆಯಿಟ್ಟವು. ಆದರೂ ಸಹ ಹಿಂದಿನ ಕಾರುಗಳು ತಮ್ಮ ಸ್ಥಾನಮಾನವನ್ನು ಉಳಿಸಿಕೊಂಡಿವೆ. ಇಂತಹ ಕಾರುಗಳ ಪೈಕಿ ಮಾರುತಿ ಸುಜುಕಿ ವ್ಯಾಗನ್ ಆರ್ ಸಹ ಒಂದು. ಕಳೆದ 20 ವರ್ಷಗಳಿಂದ ಈ ಕಾರು ಭಾರತದಲ್ಲಿದೆ.

ಈ ಕಾರಿನ ಮೈಲೇಜ್ ಅತ್ಯುತ್ತಮವಾಗಿದೆ, ಸಾಕಷ್ಟು ಸ್ಥಳಾವಕಾಶವಿದೆ. ಪ್ರೀಮಿಯಂ ವೈಶಿಷ್ಟ್ಯಗಳ ಜೊತೆಗೆ ಬೆಲೆ ಕೂಡ ತುಂಬಾ ಕಡಿಮೆಯಾಗಿದೆ. ಇದಕ್ಕಾಗಿಯೇ ಈ ಕಾರು ದೇಶದಲ್ಲಿ ಫ್ಯಾಮಿಲಿ ಕಾರು ಎಂದು ತುಂಬಾ ಇಷ್ಟವಾಗಿದೆ. ಇದರ ಬೆಲೆ 5.54 ಲಕ್ಷ ರೂ.ಗಳಿಂದ ಆರಂಭವಾಗಿ 7.42 ಲಕ್ಷ ರೂ.ವರೆಗೆ ಇದೆ. ಜೂನ್ ತಿಂಗಳಿನಲ್ಲಿ ದೇಶದಲ್ಲಿ ಅತಿಹೆಚ್ಚು ಮಾರಾಟವಾದ ಕಾರು ಇದಾಗಿದೆ.

ಇದೀಗ ಮಾರುತಿ ಸುಜುಕಿ ವ್ಯಾಗನ್ ಆರ್ ಮೇಲೆ ಭಾರೀ ರಿಯಾಯಿತಿ ಆಫರ್ ಲಭ್ಯವಿದೆ. ಇದೇ ಜುಲೈ ತಿಂಗಳಿನಲ್ಲಿ ಈ ಕಾರು 50 ಸಾವಿರ ರೂ.ವರೆಗೆ ರಿಯಾಯಿತಿ ನೀಡುತ್ತಿದೆ. ಇದಲ್ಲದೆ ಕಂಪನಿಯು ಮ್ಯಾನುವಲ್ ಮತ್ತು ಸಿಎನ್‌ಜಿ ರೂಪಾಂತರಗಳಲ್ಲಿ 25 ಸಾವಿರ ರೂ. ನಗದು ರಿಯಾಯಿತಿ, 20 ಸಾವಿರ ರೂ. ವಿನಿಮಯ ಬೋನಸ್ ಮತ್ತು 4 ಸಾವಿರ ರೂ. ಕಾರ್ಪೊರೇಟ್ ರಿಯಾಯಿತಿಯನ್ನು ಸಹ ನೀಡುತ್ತಿದೆ.

ಇದನ್ನೂ ಓದಿ: ಒಂದಲ್ಲ, ಎರಡಲ್ಲ.. 11 ಕ್ಕೂ ಹೆಚ್ಚು ರೋಗಗಳನ್ನು ಬುಡದಿಂದಲೇ ಗುಣಪಡಿಸುತ್ತೆ 300 ವರ್ಷ ಇತಿಹಾಸವುಳ್ಳ ಈ ಮಾವು!

ಇದಲ್ಲದೆ ಕಂಪನಿಯು ಕಾರಿನ ಸ್ವಯಂಚಾಲಿತ ರೂಪಾಂತರಗಳ ಮೇಲೆ ರೂ 15 ಸಾವಿರ ರೂ. ನಗದು ರಿಯಾಯಿತಿ, 20 ಸಾವಿರ ರೂ. ವಿನಿಮಯ ಬೋನಸ್ ಮತ್ತು 4 ಸಾವಿರ ರೂ. ಕಾರ್ಪೊರೇಟ್ ರಿಯಾಯಿತಿ ಸಹ ನೀಡುತ್ತಿದೆ. ಈ ಕಾರು LX i, VX i, Z x i ಮತ್ತು ZX i plus ಎಂಬ 4 ರೂಪಾಂತರಗಳಲ್ಲಿ ಲಭ್ಯವಿದೆ. ಇದರ ಎರಡೂ ರೂಪಾಂತರಗಳು ಮ್ಯಾನುವಲ್ ಗೇರ್ ಬಾಕ್ಸ್ ಮತ್ತು CNG ಆಯ್ಕೆಯೊಂದಿಗೆ ಲಭ್ಯವಿದೆ.

ಈ ರಿಯಾಯಿತಿ ಕೊಡುಗೆಯೊಂದಿಗೆ ಮಾರುತಿ ಸುಜುಕಿ ವ್ಯಾಗನ್ ಆರ್ ಬಜೆಟ್ ಸ್ನೇಹಿ ಫ್ಯಾಮಿಲಿ ಕಾರು ಹುಡುಕುತ್ತಿರುವವರಿಗೆ ಅತ್ಯುತ್ತಮ ಆಯ್ಕೆಯಾಗಿದೆ. ಕಾರು ಮೈಲೇಜ್, ಸ್ಥಳಾವಕಾಶ, ಕಾರ್ಯಕ್ಷಮತೆ ಮತ್ತು ಬಜೆಟ್ ಸ್ನೇಹಿ ಬೆಲೆಯ ವಿಷಯದಲ್ಲಿ ಹೆಚ್ಚಿನ ಜನರ ಅವಶ್ಯಕತೆಗಳನ್ನು ಪೂರೈಸುತ್ತದೆ. ಆದ್ದರಿಂದ ನೀವು ಬಜೆಟ್ ಸ್ನೇಹಿ ಹೊಸ ಕಾರನ್ನು ಹುಡುಕುತ್ತಿದ್ದರೆ, ಮಾರುತಿ ಸುಜುಕಿ ವ್ಯಾಗನ್ ಆರ್ ನಿಮಗೆ ಉತ್ತಮ ಆಯ್ಕೆಯಾಗಬಹುದು.

ವ್ಯಾಗನ್ಆರ್ ಮೈಲೇಜ್

1-ಲೀಟರ್ ಪೆಟ್ರೋಲ್ MT: 23.56kmpl

1-ಲೀಟರ್ ಪೆಟ್ರೋಲ್ AMT: 24.43kmpl

1.2-ಲೀಟರ್ ಪೆಟ್ರೋಲ್ MT: 24.35kmpl

1.2-ಲೀಟರ್ ಪೆಟ್ರೋಲ್ AMT: 25.19kmpl

1-ಲೀಟರ್ ಪೆಟ್ರೋಲ್-CNG: 34.05 km/kg

ಇದನ್ನೂ ಓದಿ: ರೈಲ್ವೆ ಪ್ರಯಾಣಿಕರ ಗಮನಕ್ಕೆ..! IRCTC ಸರ್ವರ್ ಡೌನ್, ಟಿಕೆಟ್ ಬುಕಿಂಗ್‌ಗೆ ಅಡ್ಡಿ