Video Viral : ಆಂಜನೇಯ ಸ್ತೋತ್ರ ಹೇಳುವ ಈ ಪುಟ್ಟ ಹುಡುಗಿ.. ಕೇಳಿದವರು ಭಕ್ತಿ ಪರವಶರಾಗೋದು ಗ್ಯಾರೆಂಟಿ!

Video Viral : ಕೆಲವು ದಿನಗಳ ಹಿಂದೆ ಟ್ವಿಟರ್‌ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್‌ ಆಗುತ್ತಿದೆ. ತುಂಬಾ ಮುದ್ದಾದ ಚಿಕ್ಕ ಹುಡುಗಿಯೊಬ್ಬಳು ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿಯಲ್ಲಿದ್ದಾಳೆ. ವಿಡಿಯೋದಲ್ಲಿ, ಆ ಹುಡುಗಿಯು ಹನುಮಂತನ ಭಜನೆಗಳನ್ನು ಹಾಡುವುದನ್ನು ಕಾಣಬಹುದು. ಆ ಹುಡುಗಿ ತನ್ನ ಶಾಲೆಯ ಸಮವಸ್ತ್ರವನ್ನು ಧರಿಸಿದ್ದಾಳೆ ಮತ್ತು ಆಂಜನೇಯನ ಭಜನೆಯನ್ನು ಇತರ ಅನೇಕ ಮಹಿಳೆಯರೊಂದಿಗೆ ಕುಳಿತು ಹಾಡುತ್ತಾಳೆ. ಇಷ್ಟು ಚಿಕ್ಕ ವಯಸ್ಸಿನಲ್ಲೇ ಭಜನಾ ಮಂಡಳಿಯನ್ನು ಮುನ್ನಡೆಸುತ್ತಿರುವ ಈ ಪೋರಿ ಜನರಲ್ಲಿ ಅಚ್ಚರಿ ಮೂಡಿಸಿದ್ದಾಳೆ.

ಇದನ್ನೂ ಓದಿ : 6 ಜನ, 2 ಶ್ವಾನ, 2 ಕೋಳಿ ಬೈಕ್‌ ಮಾತ್ರ ಒಂದೇ! ಈ ಸವಾರಿ ಕಂಡು ಹೌಹಾರಿದ ನೆಟ್ಟಿಗರು

ಈ ವೈರಲ್ ವಿಡಿಯೋದಲ್ಲಿ ನೀವು ನೋಡುವಂತೆ, ಚಿಕ್ಕ ಹುಡುಗಿಯೊಬ್ಬಳು ಭಜನಾ ಮಂಡಳಿಯಲ್ಲಿ ಒಂದು ಸ್ಥಳದಲ್ಲಿ ಕುಳಿತುಹಾಡುತ್ತಾಳೆ. ಇತರ ಮಹಿಳೆಯರು ಆಕೆ ಹೇಳುವ ಸಾಲುಗಳನ್ನು ಪುನರಾವರ್ತಿಸುತ್ತಾರೆ. ಶಾಲೆಯಿಂದ ಬಂದ ನಂತರ ಡ್ರೆಸ್ ಕೂಡ ಬದಲಾಯಿಸದೆ, ಭಜನೆ ಹಾಡಲು ಪ್ರಾರಂಭಿಸಿದಂತಿದೆ. ಈ ವೇಳೆ ಪಕ್ಕದಲ್ಲಿ ಕುಳಿತಿದ್ದ ಅಜ್ಜಿ ಬಾಲಕಿಗೆ ಹಣ ನೀಡಲು ಯತ್ನಿಸಿದರೂ ಆಕೆ ಅದನ್ನು ತೆಗೆದುಕೊಳ್ಳಲು ನಿರಾಕರಿಸಿದ್ದಾಳೆ. ಹಿಂದೆ ಕುಳಿತಿದ್ದ ಹೆಂಗಸರೂ ಮಗು ಹೇಳಿದ ಸಾಲುಗಳನ್ನು ಪುನರಾವರ್ತಿಸುತ್ತಿರುವುದು ಕಂಡುಬಂದಿದೆ.