Golden Ships: ಕೊಲಂಬಿಯಾದ ಕ್ಯಾರಿಬೀನ್ ಕಡಲ ತೀರದಲ್ಲಿ ಬಂಗಾರ ತುಂಬಿದ ಹಡಗುಗಳು ಪತ್ತೆ!

ಬೊಗೋಟಾ: ಕೊಲಂಬಿಯಾದ ಕ್ಯಾರಿಬೀನ್‌ ಕಡಲ ತೀರದಲ್ಲಿ 1708ರಲ್ಲಿ ಮುಳುಗಿದ್ದ ಸ್ಯಾನ್‌ ಜೋಸ್‌ ಹಡಗಿನ ಅವಶೇಷಗಳ ಬಳಿ ಎರಡು ಬಂಗಾರ ತುಂಬಿರುವ ಹಡಗುಗಳು ಪತ್ತೆಯಾಗಿವೆ. ಈ ಹಡಗುಗಳಲ್ಲಿ ಬರೋಬ್ಬರಿ 1.32 ಲಕ್ಷ ಕೋಟಿ ರೂ.(17 ಶತಕೋಟಿ ಅಮೆರಿಕನ್ ಡಾಲರ್) ಮೌಲ್ಯದ ಚಿನ್ನವಿರುವುದಾಗಿ ವರದಿಯಾಗಿದೆ. ಬಂಗಾರದಿಂದ ತುಂಬಿರುವ ಈ ಹಡಗುಗಳು ಸುಮಾರು 300 ವರ್ಷಗಳಷ್ಟು ಹಳೆಯದ್ದಾಗಿದೆ ಎಂದು ತಿಳಿದುಬಂದಿದೆ.

ರಿಮೋಟ್ ಕಂಟ್ರೋಲ್ಡ್ ವಾಹನದಿಂದ ವಿಡಿಯೋವನ್ನು ಸೆರೆಹಿಡಿಯಲಾಗಿದ್ದು, ಮುಖ್ಯ ಹಡಗು ಅಪಘಾತದ ಬಳಿ ದೋಣಿ ಮತ್ತು ಸ್ಕೂನರ್ ಅನ್ನು ತೋರಿಸುತ್ತದೆ. ಈ ರಿಮೋಟ್ ಚಾಲಿತ ವಾಹನವನ್ನು ದೇಶದ ಕೆರಿಬಿಯನ್ ಕರಾವಳಿಯಿಂದ 3,100 ಅಡಿ ಆಳಕ್ಕೆ ಕಳುಹಿಸಿ ಚಿತ್ರೀಕರಿಸಲಾಗಿದೆ ಎಂದು ವಾಷಿಂಗ್ಟನ್‌ ಪೋಸ್ಟ್‌ ವರದಿ ಮಾಡಿದೆ.

ಇದನ್ನೂ ಓದಿ: Viral Video: ಉದ್ಘಾಟನೆ ವೇಳೆಯೇ ಕುಸಿದ ತೂಗು ಸೇತುವೆ, ಮೇಯರ್ ಸೇರಿ ಹಲವರು ಚರಂಡಿ ಪಾಲು!

ವಿಡಿಯೋದಲ್ಲಿ ನೀಲಿ ಮತ್ತು ಹಸಿರು ಬಣ್ಣದ ಚಿತ್ರಗಳು, ಸಮುದ್ರದ ತಳದಲ್ಲಿ ಹರಡಿರುವ ಚಿನ್ನದ ನಾಣ್ಯಗಳು, ಮಡಿಕೆಗಳು ಮತ್ತು ಪಿಂಗಾಣಿ ಬಟ್ಟಲಿನ ಚೂರುಗಳು ಇರುವುದು ಕಂಡುಬಂದಿದೆ. ಇದಲ್ಲದೆ ಸಮುದ್ರದ ಆಳದಲ್ಲಿರುವ ಹಡಗಿನ ಪಕ್ಕ ಸಾಕಷ್ಟು ಪಿರಂಗಿಗಳು ಸಹ ಕಂಡುಬಂದಿವೆ.

ಸಮುದ್ರದಡಿಯಲ್ಲಿ ಶತಮಾನಗಳ ಕಾಲ ಕಳೆದರೂ ಸಹ ಒಂದು ಹಡಗಿನ ಬಿಲ್ಲು ಉತ್ತಮವಾಗಿ ಸಂರಕ್ಷಿಸಲ್ಪಟ್ಟಿದೆ ಎಂದು ಚಿತ್ರಗಳು ತೋರಿಸುತ್ತವೆ. ಈಗ ಪತ್ತೆಯಾಗಿರುವ ಚಿನ್ನವನ್ನು ಸಮುದ್ರದಿಂದ ಮೇಲೆ ತರಲು ಯೋಜನೆ ರೂಪಿಸಲಾಗುತ್ತಿದೆ. ಶೀಘ್ರವೇ ನಾವು ಈ ನಿಧಿಯನ್ನು ರಕ್ಷಿಸುತ್ತೇವೆ ಎಂದು ಕೊಲಂಬಿಯಾ ಅಧ್ಯಕ್ಷ ಇವಾನ್‌ ಡ್ನೂಕ್‌ ತಿಳಿಸಿದ್ದಾರೆ.

ನೌಕಾಪಡೆ ಮತ್ತು ಸರ್ಕಾರದ ಪುರಾತತ್ವಶಾಸ್ತ್ರಜ್ಞರು ಶಾಸನಗಳ ಆಧಾರದ ಮೇಲೆ ಇವುಗಳ ಮೂಲ ನಿರ್ಧರಿಸುವ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸ್ಯಾನ್ ಜೋಸ್ ನೌಕಾಘಾತವನ್ನು ನೌಕಾಘಾತಗಳ ಹೋಲಿ ಗ್ರೇಲ್ ಎಂದು ವಿವರಿಸಲಾಗಿದೆ. ಏಕೆಂದರೆ ಹಡಗು ಇದುವರೆಗೆ ಸಮುದ್ರದಲ್ಲಿ ಕಳೆದುಹೋಗಿರುವ ಅತ್ಯಧಿಕ ಪ್ರಮಾಣದ ಬೆಲೆಬಾಳುವ ವಸ್ತುಗಳಲ್ಲಿ ಒಂದನ್ನು ಸಾಗಿಸುತ್ತಿತ್ತು ಎಂದು ತಿಳಿದುಬಂದಿದೆ.

ಇದನ್ನೂ ಓದಿ: Viral Video: ಕುಚೇಷ್ಟೆ ಮಾಡಿದವನಿಗೆ ಒರಾಂಗೂಟಾನ್ ಮಾಡಿದ್ದೇನು ನೋಡಿ..!