Viral Video: ಅತಿವೇಗದಲ್ಲಿ ಸ್ಕೂಟಿಗೆ ಬೈಕ್ ಡಿಕ್ಕಿ, ಭಯಾನಕ ವಿಡಿಯೋ ವೈರಲ್

ಪಾಟ್ನಾ: ಪ್ರತಿದಿನ ಒಂದಲ್ಲ ಒಂದು ಅಪಘಾತಗಳು ಆಗುತ್ತಲೇ ಇರುತ್ತವೆ. ಅತಿವೇಗದ ಚಾಲನೆ ಅಪಾಯಕಾರಿ ಎಂದು ಗೊತ್ತಿದ್ದರೂ ಅನೇಕರು ಬೇರೆಯವರ ಜೀವಕ್ಕೂ ಕುತ್ತು ತರುತ್ತಾರೆ. ಇದಕ್ಕೆ ನಿದರ್ಶನವೆಂಬಂತೆ ಅಪಘಾತದ ಭಯಾನಕ ವಿಡಿಯೋವೊಂದು ಸೋಷಿಯಲ್ ಮಿಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ಅತಿವೇಗದಲ್ಲಿ ಸ್ಕೂಟಿಗೆ ಬೈಕ್ ಡಿಕ್ಕಿ

ಅಂದಹಾಗೆ ಈ ಘಟನೆ ನಡೆದಿರುವುದು ಬಿಹಾರನ ಪಾಟ್ನಾದ ಗಂಗಾ ಪಾತ್‌ವೇ ಬಳಿ. ಅತಿವೇಗದಲ್ಲಿ ಬೈಕ್ ಓಡಿಸಿಕೊಂಡು ಬರುವ ಸವಾರನೊಬ್ಬ ಎದುರಿಗೆ ಬರುತ್ತಿದ್ದ ಸ್ಕೂಟಿಗೆ ಡಿಕ್ಕಿ ಹೊಡೆಸಿದ್ದಾನೆ. ಪರಿಣಾಮ ಬೈಕ್ ಸವಾರ ಮಾಡಿದ ತಪ್ಪಿಗೆ ಸ್ಕೂಟಿ ಸವಾರರು ಆಸ್ಪತ್ರೆಗೆ ದಾಖಲಾಗಿದ್ದಾರೆ.  

ಇದನ್ನೂ ಓದಿ: Viral Video: ಗನ್‌ ತೋರಿಸಿ ದರೋಡೆ ಮಾಡಿದ ಬಾಲಕ, ಭಯಾನಕ ದೃಶ್ಯ ವೈರಲ್‌

ಗಂಗಾ ಪಾತ್‌ವೇನಲ್ಲಿ ನೂರಾರು ವಾಹನಗಳು ಸಂಚರಿಸುತ್ತವೆ. ಸಂಚಾರ ದಟ್ಟನೆ ಇರುವುದರಿಂದ ನಿಧಾನವಾಗಿ ಚಲಿಸಿ ಎಂದು ಸರ್ಕಾರ ಬೋರ್ಡ್ ಹಾಕಿದ್ದರೂ ಇಲ್ಲಿ ಸವಾರರು ಅತಿವೇಗದಲ್ಲಿ ಬೈಕ್ ಚಲಾಯಿಸುತ್ತಾರೆ. ಸವಾರರು ನಿರ್ಲಕ್ಷ್ಯದಿಂದಾಗಿ ಬೇರೆಯವರ ಪ್ರಾಣಕ್ಕೆ ಕುತ್ತುಂಟಾಗಿರುವ ಅನೇಕ ಘಟನೆಗಳು ಇಲ್ಲಿಂದ ವರದಿಯಾಗಿವೆ.

ಇದನ್ನೂ ಓದಿ: ಡಿಸ್ನಿಲ್ಯಾಂಡ್‌ನಲ್ಲಿ ಪ್ರೇಯಸಿಗೆ ಪ್ರಪೋಸ್‌: ಅಡ್ಡಬಂದ ಉದ್ಯೋಗಿ ಮಾಡಿದ್ದೇನು ಗೊತ್ತಾ?