Viral Video: ಎಟಿಎಂನಲ್ಲಿ ಮೂತ್ರ ಮಾಡಿ ಅಡ್ಡ ಮಲಗಿದ ಹಸು: ವಿಧಿಯಿಲ್ಲದೆ ಮೂಗು ಮುಚ್ಚಿಕೊಂಡೇ ಹಣ ಡ್ರಾ ಮಾಡ್ಬೇಕು

ಜಗತ್ತಿನಲ್ಲಿ ಏನಾದರೂ ಸಂಭವಿಸಿದರೆ, ಅದು ಸೆಕೆಂಡುಗಳಲ್ಲಿ ಸಾಮಾಜಿಕ ಮಾಧ್ಯಮ ಅಥವಾ ಸುದ್ದಿ ವೆಬ್‌ಸೈಟ್‌ಗಳಲ್ಲಿ ಕಾಣಿಸಿಕೊಳ್ಳುತ್ತದೆ. ವಿಲಕ್ಷಣ ಏನಾದರೂ ಸಂಭವಿಸಿದರೆ, ಅದು ಖಂಡಿತವಾಗಿಯೂ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಕೂಡ ಆಗುತ್ತದೆ. ಇಂತಹ ಘಟನೆಯೊಂದು ನಡೆದಿದ್ದು ಎಲ್ಲರಿಗೂ ನಗು ತರಿಸುವಂತಿದೆ. 

ಇದನ್ನೂ ಓದಿ: 5G in India: ಈ ತಿಂಗಳಿನಿಂದ ದೇಶದಲ್ಲಿ ಪ್ರಾರಂಭವಾಗಲಿದೆ 5G ಸೇವೆ: ಚಾಲನೆ ನೀಡಲಿದ್ದಾರೆ ಪ್ರಧಾನಿ

ಹಸುವೊಂದು ಎಟಿಎಂ ಬೂತ್ ಅನ್ನು ಗೋಶಾಲೆ ಎಂದು ತಪ್ಪಾಗಿ ಗ್ರಹಿಸಿದೆ. ಹಸುವು ಇತರ ಹಸುಗಳೊಂದಿಗೆ ಇರುವುದು ಬಿಟ್ಟು ಎಟಿಎಂನಲ್ಲಿ ಮಲಗಿಕೊಂಡಿದೆ. ಅಷ್ಟೇ ಅಲ್ಲದೆ, ಸಗಣಿ-ಮೂತ್ರ ಅಲ್ಲೇ ಮಾಡಿದ್ದು, ಎಟಿಎಂ ಪೂರ್ತಿ ಗಬ್ಬು ನಾರುತ್ತಿದೆ.

ಈ ಘಟನೆ ಮಧ್ಯಪ್ರದೇಶದ ರೇವಾ ಗ್ರಾಮದಲ್ಲಿ ನಡೆದಿದೆ. ಪತ್ರಕರ್ತರೊಬ್ಬರು ಟ್ವಿಟ್ಟರ್‌ನಲ್ಲಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಅಲ್ಲಿ ಸ್ಥಳೀಯ ವ್ಯಕ್ತಿಯೊಬ್ಬರು ಎಟಿಎಂ ಯಂತ್ರದಿಂದ ಹಣವನ್ನು ಪಡೆಯಲು ತೊಂದರೆ ಅನುಭವಿಸುತ್ತಿರುವುದನ್ನು ಕಾಣಬಹುದು. ನೆಲದ ಮೇಲೂ ದನದ ಸಗಣಿ ಆವರಿಸಿದ್ದು, ಎಟಿಎಂ ಯಂತ್ರದ ಮುಂದೆ ದನ ಕೂತಿದ್ದು, ಅದರೊಳಗಿನ ಹಣವನ್ನೆಲ್ಲ ತನ್ನದಾಗಿಸಿಕೊಂಡಂತೆ ಕುಳಿತಿದೆ.

ಇತರ ಟ್ವಿಟ್ಟರ್ ಬಳಕೆದಾರರು ವೀಡಿಯೊವನ್ನು ನೋಡಿದ ಮೇಲೆ ಅಸಹ್ಯ ಮತ್ತು ಗಾಬರಿಗೊಂಡಂತೆ ಕಮೆಂಟ್ಗಳನ್ನು ಮಾಡಿದ್ದಾರೆ. "ಹಸುಗಿಂತ ಹೆಚ್ಚಾಗಿ ಎಟಿಎಂ ಸಿಬ್ಬಂದಿ ಎಲ್ಲಿದ್ದಾರೆ ಎಂಬ ಅಂಶವನ್ನು ಗಮನಿಸುವುದು ಮುಖ್ಯ" ಎಂದು ಪ್ರತಿಕ್ರಿಯಿಸಿದ್ದಾರೆ.

https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.