Four Day Working Week: ಈ ಕಂಪನಿ ಕೆಲಸಗಾರರಿಗೆ ಇನ್ಮುಂದೆ ನಾಲ್ಕು ದಿನ ಮಾತ್ರ ಕೆಲಸ: ನಿಮಗೂ ಇದೆಯೇ ಈ ಲಾಭ!

UK 4 Day Work Week With No Pay Cut: ಯುನೈಟೆಡ್ ಕಿಂಗ್‌ಡಂನ ಆರ್ಥಿಕತೆಯು ಇತ್ತೀಚಿನ ದಿನಗಳಲ್ಲಿ ಹಳಿ ತಪ್ಪುತ್ತಿದೆ. ರಿಷಿ ಸುನಕ್ ಸರ್ಕಾರವು ಅದನ್ನು ಮರಳಿ ಟ್ರ್ಯಾಕ್‌ಗೆ ತರಲು ನಿರಂತರ ಪ್ರಯತ್ನಗಳನ್ನು ಮಾಡುತ್ತಿದೆ. ಈ ಬಿಕ್ಕಟ್ಟಿನ ಮಧ್ಯೆ, ಯುನೈಟೆಡ್ ಕಿಂಗ್‌ಡಂನ ನೂರು ಕಂಪನಿಗಳು ಪ್ರಮುಖ ಉಪಕ್ರಮವನ್ನು ಕೈಗೊಂಡಿವೆ.

ಇದನ್ನೂ ಓದಿ: Viral Video: ಜುಟ್ಟು ಎಳೆದಾಡಿಕೊಂಡು ಪರಸ್ಪರರಿಗೆ ಗೂಸಾ ಕೊಟ್ಟ ಹುಡುಗಿಯರು.. ಕಾರಣ ಏನು?

ಇಲ್ಲಿರುವ ಈ ಕಂಪನಿಗಳು ವಾರದಲ್ಲಿ ನಾಲ್ಕು ದಿನ ಖಾಯಂ ಆಗಿ ಎಲ್ಲಾ ಉದ್ಯೋಗಿಗಳಿಗೆ ಸಂಬಳ ಕಡಿತಗೊಳಿಸದೆ ಕೆಲಸದ ಸೂತ್ರವನ್ನು ರೂಪಿಸಿವೆ. ಈ 100 ಕಂಪನಿಗಳು ಸುಮಾರು 2,600 ಉದ್ಯೋಗಿಗಳನ್ನು ನೇಮಿಸಿಕೊಂಡಿವೆ. ವಾರದಲ್ಲಿ 4 ದಿನ ಕೆಲಸ ಮಾಡುವ ಮೂಲಕ ದೇಶದಲ್ಲಿ ಪರಿವರ್ತನೆ ತರಲು ಸಾಧ್ಯವಾಗುತ್ತದೆ ಎಂಬುದು ಅವರ ನಂಬಿಕೆ.

ನಾಲ್ಕು ದಿನಗಳ ಕೆಲಸದ ಪರಿಕಲ್ಪನೆಯ ಪ್ರತಿಪಾದಕರು ಈ ನಾಲ್ಕು ದಿನಗಳ ಕೆಲಸದ ಸೂತ್ರವು ಸಂಸ್ಥೆಗಳನ್ನು ತಮ್ಮ ಉತ್ಪಾದಕತೆಯನ್ನು ಸುಧಾರಿಸಲು ಮತ್ತು ಕಡಿಮೆ ಗಂಟೆಗಳಲ್ಲಿ ಅದೇ ಕೆಲಸವನ್ನು ಮಾಡಲು ಪ್ರೇರೇಪಿಸುತ್ತದೆ ಎಂದು ಹೇಳುತ್ತಾರೆ. ಇದಲ್ಲದೆ, ಉದ್ಯೋಗಿಗಳನ್ನು ಆಕರ್ಷಿಸಲು ಮತ್ತು ದೀರ್ಘಕಾಲದವರೆಗೆ ಉಳಿಸಿಕೊಳ್ಳಲು ಈ ನೀತಿಯು ಉತ್ತ ಮಾರ್ಗವಾಗಿದೆ ಎಂದು ಹೇಳುತ್ತಾರೆ.

ಈ 100 ಕಂಪನಿಗಳಲ್ಲಿ, ಎರಡು ದೊಡ್ಡ UK ಸಂಸ್ಥೆಗಳು ಆಟಮ್ ಬ್ಯಾಂಕ್ ಮತ್ತು ಅವಿನ್. ಈ ಎರಡೂ ಕಂಪನಿಗಳು ಯುಕೆಯಲ್ಲಿ ಸುಮಾರು 450 ಉದ್ಯೋಗಿಗಳನ್ನು ಹೊಂದಿವೆ. ದಿ ಗಾರ್ಡಿಯನ್‌ನೊಂದಿಗೆ ಮಾತನಾಡಿದ ಅವಿನ್‌ನ ಮುಖ್ಯ ಕಾರ್ಯನಿರ್ವಾಹಕ ಆಡಮ್ ರಾಸ್, 'ಹೊಸ ಕೆಲಸದ ಮಾದರಿಗೆ ಬದಲಾಯಿಸುವುದು ನಾವು ಇತಿಹಾಸದಲ್ಲಿ ನೋಡಿದ ಅತ್ಯಂತ ಪರಿವರ್ತನೆಯ ಉಪಕ್ರಮಗಳಲ್ಲಿ ಒಂದಾಗಿದೆ. ಇದರೊಂದಿಗೆ, ಗ್ರಾಹಕ ಸೇವೆಯನ್ನು ಸುಧಾರಿಸುವುದರ ಜೊತೆಗೆ, ಕಡಿಮೆ ಹೊರೆಯೊಂದಿಗೆ ಉದ್ಯೋಗಿಗಳ ಪ್ರತಿಭೆಯನ್ನು ಸಹ ಹೆಚ್ಚಿಸಬಹುದು” ಎಂದರು.

ಇದನ್ನೂ ಓದಿ:  Viral Video: ಸಾರ್ವಜನಿಕರ ಎದುರೆ ವಧುವಿನ ಜೊತೆ ವರ ಮಾಡಿದ ಈ ಕೃತ್ಯ, ನಂತರ ನಡೆದಿದ್ದು ... ತಾಂಡವ

ಈ 100 ಕಂಪನಿಗಳ ಹೊರತಾಗಿ ಪ್ರಪಂಚದ 70 ಕಂಪನಿಗಳು 4 ದಿನ ಕೆಲಸ ಮಾಡುತ್ತಿವೆ. ಇದೀಗ ಅವರ ಬಗ್ಗೆ ಮಾತುಕತೆ ನಡೆಯುತ್ತಿದೆ. ಈ ಕಂಪನಿಗಳಲ್ಲಿ ಸುಮಾರು 3,300 ಮಂದಿ ಕೆಲಸ ಮಾಡುತ್ತಿದ್ದಾರೆ.