ಅದೃಷ್ಟವನ್ನೇ ಬದಲಾಯಿಸಿತು ಸೇಲ್ ನಲ್ಲಿ ಖರೀದಿಸಿದ ಬಟ್ಟಲು..!

ವಾಷಿಂಗ್ಟನ್ : ರಸ್ತೆಬದಿಯ ಸೇಲ್ ನಲ್ಲಿ ಕೇವಲ 35 ಡಾಲರ್ ಅಂದರೆ 2500ಗೆ ಖರೀದಿಸಿದ ಬೌಲ್ ವ್ಯಕ್ತಿಯ ಅದೃಷ್ಟವನ್ನು ರಾತೋರಾತ್ರಿ ಬದಲಾಯಿಸಿದೆ. ಅಮೆರಿಕದ ಕನೆಕ್ಟಿಕಟ್‌ನಲ್ಲಿ (Connecticut) ವಾಸಿಸುತ್ತಿದ್ದ ವ್ಯಕ್ತಿ ಸೇಲ್ ನಲ್ಲಿ ಖರೀದಿಸಿದ ಬೌಲ್ (Bowl), ಚೀನಾದ ಅಮೂಲ್ಯ ಕಲಾಕೃತಿಯನ್ನು ಒಳಗೊಂಡಿದೆ. ಈ ಬೌಲ್ ಈಗ ಸುಮಾರು ಮೂರರಿಂದ ಐದು ಡಾಲರ್ ವರೆಗೆ ಬೆಲೆ ಬಾಳುತ್ತದೆ. ಬಿಳಿ ಬಣ್ಣದ ಬಟ್ಟಲಿನ ಮೇಲೆ ನೀಲಿ ಬಣ್ಣದ ಹೂವುಗಳ ಕಲಾಕೃತಿಯಿದೆ.  6 ಇಂಚು ವ್ಯಾಸದ ಈ ಬೌಲ್ ಅನ್ನು ಶೀಘ್ರದಲ್ಲೇ ಹರಾಜಿಗೆ (Auction) ಇಡಲಾಗುವುದು.

ಜಗತ್ತಿನಲ್ಲಿ ಅಂತಹ 6 ಬಟ್ಟಲುಗಳು ಮಾತ್ರ ಇವೆ : 
ಈ ಬಟ್ಟಲನ್ನು ಖರೀಸಿದ ವ್ಯಕ್ತಿ ಹಳೆಯ ಕಲಾಕೃತಿಗಳನ್ನು ಇಷ್ಟಪಡುತ್ತಾರೆ. ಈ ಕಾರಣದಿಂದ ಕಳೆದ ವರ್ಷ ನ್ಯೂ ಹೆವನ್ (New Haven Area) ಪ್ರದೇಶದ ಸೇಲ್ (sale) ವೊಂದರಲ್ಲಿ ಈ ಬಟ್ಟಲನ್ನು ಖರೀಸಿದ್ದಾರೆ. ಆದರೆ ಖರೀದಿ ವೇಳೆ ಈ ಬೌಲ್ ಇಷ್ಟೊಂದು ಬೆಲೆ ಬಾಳುತ್ತದೆ ಎಂದು ವ್ಯಕ್ತಿಗೆ ತಿಳಿದಿರಲಿಲ್ಲ.. ಈ ಬೌಲ್ (Bowl) ಅತ್ಯಂತ ಅಪರೂಪದ್ದಾಗಿದ್ದು,  ಅಂತಹ 7 ಬೌಲ್ ಗಳನ್ನು ಮಾತ್ರ  ತಯಾರಿಸಲಾಗಿತ್ತು.

ಇದನ್ನೂ ಓದಿ : Coronavirus : ಇಲ್ಲೀಗ ಮಾಸ್ಕ್ ಧರಿಸುವುದು ಅನಿವಾರ್ಯವಲ್ಲ

ಮಾರ್ಚ್ 17ರಂದು ನಡೆಯಲಿದೆ ಹರಾಜು :
ಮಾರ್ಚ್ 17 ರಂದು ನ್ಯೂಯಾರ್ಕ್‌ನಲ್ಲಿ (Newyork) ಈ ಬೌಲ್ ಅನ್ನು ಹರಾಜಿಗೆ ಇಡಲಾಗುವುದು.  ವರದಿಯ ಪ್ರಕಾರ, ಅಮೂಲ್ಯವಾದ ಚೀನೀ ಕಲಾಕೃತಿಗಳನ್ನು ಖರೀದಿಸಿದ ವ್ಯಕ್ತಿಯು ಸೋಥೆಬಿಗೆ ಇಮೇಲ್ ಮೂಲಕ ತನ್ನ ಮಾಹಿತಿಯನ್ನು ಕಳುಹಿಸಿದ್ದಾನೆ. 

ಮಿಂಗ್ ಅವಧಿಯ ಬೌಲ್ : 
ಈ ಬೌಲ್ ಬಗ್ಗೆ ಮಾಹಿತಿ ನೀಡಿದ ಸೋಥೆಬಿ (Sotheby) ಹಿರಿಯ ಉಪಾಧ್ಯಕ್ಷ ಮ್ಯಾಕ್ಅಟೀರ್ (McAteer), ನಾವು ಆ ಬೌಲ್ ಅನ್ನು ನೋಡಿದ ಕೂಡಲೇ ಈ ಬೌಲ್ ನ ವಿಶೇಷತೆಯನ್ನು ಕಂಡು ಕೊಂಡೆವು ಎಂದಿದ್ದಾರೆ. ಈ ಬೌಲ್ 15ನೆಯ ಶತಮಾನದಲ್ಲಿ ತಯಾರಿಸಲ್ಪಟ್ಟಿದೆ.  ಬೌಲ್ನ ಚಿತ್ರಕಲೆ, ಅದರ ಆಕಾರ, ನೀಲಿ ಬಣ್ಣವನ್ನು ಗಮನಿಸಿದರೆ, ಇದು  15 ನೇ ಶತಮಾನದಲ್ಲಿ ತಯಾರಿಸಲ್ಪಟ್ಟ ಬೌಲ್ ಎಂದು ತಿಳಿಯುತ್ತದೆ ಎಂದಿದ್ದಾರೆ. ಈ  ಬಗ್ಗೆ ಯಾವುದೇ ವೈಜ್ಞಾನಿಕ ಪರೀಕ್ಷೆ ನಡೆಸಿಲ್ಲ. ಬೌಲ್ ನ ವಿನ್ಯಾಸ, ಬಣ್ಣ, ಮತ್ತು ಸ್ಪರ್ಶದಿಂದಲೇ ಇದು ಕ್ರಿ.ಶ 1400ರಲ್ಲಿ ಅಂದರೆ ಮಿಂಗ್ ಅವಧಿಯಲ್ಲಿ (Ming period) ತಯಾರಿಸಲ್ಪಟ್ಟ ಬೌಲ್ ಎಂಬ ನಿರ್ಧಾರಕ್ಕೆ ಬರಲಾಗಿದೆ.

ಇದನ್ನೂ ಓದಿ : Indian Driving Licence: ಈ 15 ದೇಶಗಳಲ್ಲಿ ಚಿಂತೆ ಬಿಟ್ಟು ವಾಹನ ಓಡಿಸಿ, ಆದ್ರೆ Indian DL ನಿಮ್ಹತ್ರ ಇರಲಿ

ಹೆಚ್ಚಿನ ಬಟ್ಟಲುಗಳು ಮ್ಯೂಸಿಯಂನಲ್ಲಿವೆ: 
ಈ  ಬೌಲ್ ಅನ್ನು ಕ್ರಿ.ಶ 1400 ರಲ್ಲಿ ಯೋಂಗಲ್ ಚಕ್ರವರ್ತಿಯ ಆಳ್ವಿಕೆಯಲ್ಲಿ ರಚಿಸಲಾಗಿದೆ. ಈ ರೀತಿಯ ಕೇವಲ 6 ಬಟ್ಟಲುಗಳು ಮಾತ್ರ ಉಳಿದಿವೆ. ಈ ಪೈಕಿ 5 ಬಟ್ಟಲುಗಳು ಬೇರೆ ಬೇರೆ ಮ್ಯೂಸಿಯಂಗಳಲ್ಲಿವೆ. ತೈವಾನ್‌ನ ನ್ಯಾಷನಲ್ ಪ್ಯಾಲೇಸ್ ಮ್ಯೂಸಿಯಂನಲ್ಲಿ ಎರಡು, ಲಂಡನ್ ಮ್ಯೂಸಿಯಂನಲ್ಲಿ ಎರಡು ಮತ್ತು ಟೆಹ್ರಾನ್‌ನ ನ್ಯಾಷನಲ್ ಮ್ಯೂಸಿಯಂನಲ್ಲಿ (Musium) ಅಂತಹ ಒಂದು ಬೌಲ್ ಇವೆ.