ನವದೆಹಲಿ: ಇಡೀ ವಿಶ್ವವನ್ನೇ ಭೀತಿಗೆ ಒಳಪಡಿಸಿರುವ  ಕೊರೊನಾವೈರಸ್  (Coronavirus)  COVID-19 ಮಹಾಮಾರಿಗೆ ಲಸಿಕೆ ಅಭಿವೃದ್ಧಿಪಡಿಸಲು ಹೊಸ ಹೊಸ ಪ್ರಯೋಗಗಳು ನಡೆಯುತ್ತಿದೆ. ಈ ಮಧ್ಯೆ, ಚೀನಾದ ವಿಜ್ಞಾನಿಗಳು ನಿರ್ಣಾಯಕ ಎರಡನೇ ಹಂತದ ಕ್ಲಿನಿಕಲ್ ಪ್ರಯೋಗಗಳಿಗೆ ಪ್ರವೇಶಿಸಲು ಮುಂದಾಗಿದ್ದಾರೆ ಎಂದು ಗ್ಲೋಬಲ್ ಟೈಮ್ಸ್ ವರದಿ ಮಾಡಿದೆ.


COMMERCIAL BREAK
SCROLL TO CONTINUE READING

ಯೋಜನೆಯಲ್ಲಿ ಭಾಗಿಯಾಗಿರುವ ವಿಜ್ಞಾನಿಗಳು ಎರಡನೇ ಹಂತದ ಕ್ಲಿನಿಕಲ್ ಪ್ರಯೋಗಗಳಿಗಾಗಿ 84 ವರ್ಷದ ವುಹಾನ್ (Wuhan) ನಿವಾಸಿ ಸೇರಿದಂತೆ 500 ಸ್ವಯಂಸೇವಕರನ್ನು ನೇಮಿಸಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ. 


ಕೋವಿಡ್ 19 (Covid-19) ಗಾಗಿ ಚೀನಾದಲ್ಲಿ ಮೊದಲ ಹಂತದ ಪ್ರಯೋಗವನ್ನು ಮಾರ್ಚ್‌ನಲ್ಲಿ ನಡೆಸಲಾಯಿತು.


ಸಂಬಂಧಿತ ಬೆಳವಣಿಗೆಯೊಂದರಲ್ಲಿ, ವಿಶ್ವ ಆರೋಗ್ಯ ಸಂಸ್ಥೆ (WHO) ಮುಖ್ಯಸ್ಥ ಟೆಡ್ರೊಸ್ ಅಧಾನಮ್ ಘೆಬ್ರೆಯೆಸಸ್ ಸೋಮವಾರ (ಏಪ್ರಿಲ್ 13) ಕರೋನವೈರಸ್ COVID-19 ಹಂದಿ ಜ್ವರಕ್ಕಿಂತ 10 ಪಟ್ಟು ಹೆಚ್ಚು ಮಾರಕವಾಗಿದೆ ಮತ್ತು ಲಸಿಕೆ ಮಾತ್ರ ಕರೋನವೈರಸ್ ಹರಡುವುದನ್ನು ಸಂಪೂರ್ಣವಾಗಿ ತಡೆಯುತ್ತದೆ ಎಂದು ಹೇಳಿದರು.


ಜಿನೀವಾದಿಂದ ವರ್ಚುವಲ್ ಬ್ರೀಫಿಂಗ್ ಅನ್ನು ಉದ್ದೇಶಿಸಿ ಮಾತನಾಡಿದ ಘೆಬ್ರೆಯೆಸಸ್ ಕರೋನವೈರಸ್ ಸಾಂಕ್ರಾಮಿಕವನ್ನು WHO ನಿಕಟವಾಗಿ ಗಮನಿಸುತ್ತಿದೆ, ಇದು ಈಗ 115,000 ಕ್ಕೂ ಹೆಚ್ಚು ಜನರನ್ನು ಬಲಿ ತೆಗೆದುಕೊಂಡಿದೆ ಮತ್ತು 1.8 ದಶಲಕ್ಷಕ್ಕೂ ಹೆಚ್ಚು ಜನರು ಸೋಂಕಿಗೆ ಒಳಗಾಗಿದ್ದಾರೆ.


"COVID-19 ವೇಗವಾಗಿ ಹರಡುತ್ತದೆ ಮತ್ತು ಇದು 2009ರ ಜ್ವರ ಸಾಂಕ್ರಾಮಿಕಕ್ಕಿಂತ 10 ಪಟ್ಟು ಮಾರಕವಾಗಿದೆ" ಎಂದು ಅವರು ಹೇಳಿದರು.