ಅಬ್ಬಬ್ಬಾ ಇಲ್ಲಿ ಪೆಟ್ರೋಲ್‌ ಬೆಲೆ ಮತ್ತೆ ಏರಿಕೆ: 275 ರೂ. ಕ್ಕೆ ತಲುಪಿದ ಇಂಧನ ದರ!

ಆರ್ಥಿಕ ಬಿಕ್ಕಟ್ಟು ಎದುರಿಸುತ್ತಿರುವ ಪಾಕಿಸ್ತಾನ ಸರ್ಕಾರ ಅಂತರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ವಿಧಿಸಿರುವ ಷರತ್ತುಗಳ ಪ್ರಕಾರ ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆಯನ್ನು ತೀವ್ರವಾಗಿ ಹೆಚ್ಚಿಸಿದೆ. ಈ ನಿರ್ಧಾರ ಜಾರಿಯಾದ ನಂತರ ಎಲ್ಲಾ ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆಗಳು ಲೀಟರ್‌ಗೆ ಸುಮಾರು 14 ರಿಂದ 19 ರೂ ಹೆಚ್ಚಳವಾಗಿದೆ. 

ಇದನ್ನೂ ಓದಿ: ಸೀಕ್ರೆಟ್‌ ಆಗಿ ವಿವಾಹವಾದ ಟೀಂ ಇಂಡಿಯಾ ಆಟಗಾರ! ದಂಪತಿ ಸೂಪರ್‌ ಫೋಟೋ ವೈರಲ್‌

ನಗದು ಕೊರತೆಯ ನಡುವೆ ಐಎಂಎಫ್‌ನ 6 ಶತಕೋಟಿ ಡಾಲರ್‌ ಮರುಹೊಂದಿಸಲು ಪಾಕ್‌ ಸರ್ಕಾರ ಈ ಕ್ರಮವನ್ನು ತೆಗೆದುಕೊಂಡಿದೆ. 

ಗುರುವಾರ ಪಾಕಿಸ್ತಾನದ ಹಣಕಾಸು ಸಚಿವಾಲಯ ಹೊರಡಿಸಿದ ಅಧಿಸೂಚನೆಯ ಪ್ರಕಾರ, ಸರ್ಕಾರವು ಪೆಟ್ರೋಲ್‌ಗೆ ಲೀಟರ್‌ಗೆ 10 ರೂಪಾಯಿ ಮತ್ತು ಹೈಸ್ಪೀಡ್ ಡೀಸೆಲ್, ಸೀಮೆಎಣ್ಣೆ ಮತ್ತು ಲೈಟ್ ಡೀಸೆಲ್ ಎಣ್ಣೆ ಮೇಲೆ 5 ರೂಪಾಯಿ ಪೆಟ್ರೋಲಿಯಂ ಸುಂಕವನ್ನು ವಿಧಿಸಿದೆ. ಇದರಿಂದಾಗಿ ಪೆಟ್ರೋಲ್ ದರ 14.85 ರೂ., ಎಚ್‌ಎಸ್‌ಡಿಯಲ್ಲಿ 13.23 ರೂ., ಸೀಮೆಎಣ್ಣೆಯಲ್ಲಿ 18.83 ರೂ., ಎಲ್‌ಡಿಒ ಲೀಟರ್‌ಗೆ 18.68 ರೂ. ಹೆಚ್ಚಳವಾಗಿದೆ. ಒಟ್ಟಾರೆಯಾಗಿ ಪಾಕಿಸ್ತಾನದಲ್ಲಿ ಲೀಟರ್‌ ಪೆಟ್ರೋಲ್‌ಗೆ 248.74 ರೂ., ಹೈಸ್ಪೀಡ್ ಡೀಸೆಲ್ (ಎಚ್‌ಎಸ್‌ಡಿ) ರೂ 276.54, ಸೀಮೆಎಣ್ಣೆ ರೂ 230.26 ಮತ್ತು ಲೈಟ್ ಡೀಸೆಲ್ ಆಯಿಲ್ ರೂ 226.15 ಆಗಿದೆ. 

ಗಮನಾರ್ಹ ವಿಷಯವೆಂದರೆ, ಶಹಬಾಜ್ ಷರೀಫ್ ಅಧಿಕಾರಕ್ಕೆ ಬಂದ ನಂತರ ಇದು ನಾಲ್ಕನೇ ಬಾರಿ ಪೆಟ್ರೋಲಿಯಂ ಉತ್ಪನ್ನಗಳಲ್ಲಿ ಹೆಚ್ಚಳವಾಗುತ್ತಿರುವುದು. ಹಿಂದಿನ ಇಮ್ರಾನ್ ಖಾನ್ ನೇತೃತ್ವದ ಸರ್ಕಾರವು ಸಹಿ ಮಾಡಿದ ಒಪ್ಪಂದಗಳಿಂದ ಹಿಂದೆ ಸರಿದ ನಂತರ ನಾಲ್ಕು ತಿಂಗಳ ಹಿಂದೆ ಸ್ಥಗಿತಗೊಂಡಿದ್ದ ಐಎಂಎಫ್ ಪರಿಹಾರ ಕಾರ್ಯಕ್ರಮವನ್ನು ಪುನಃ ಸ್ಥಾಪಿಸಲು ಈ ಏರಿಕೆ ಮಾಡಲಾಗಿದೆ ಎಂದು ಹಣಕಾಸು ಸಚಿವ ಮಿಫ್ತಾ ಇಸ್ಮಾಯಿಲ್ ಹೇಳಿದ್ದಾರೆ.

ಇದನ್ನೂ ಓದಿ: ನಿವೃತ್ತಿಯ ನಂತರ ರಾಷ್ಟ್ರಪತಿ ಕೋವಿಂದ್ ಗೆ ಲೈಫ್ ಲಾಂಗ್ ಸಿಗಲಿವೆ ಈ ಸೌಲಭ್ಯಗಳು!

ಪರಿಹಾರ ಪ್ಯಾಕೇಜ್ ಅನ್ನು ಮರುಪ್ರಾರಂಭಿಸಲು, ಐಎಂಎಫ್‌ ವಿದ್ಯುತ್ ದರಗಳನ್ನು ಹೆಚ್ಚಿಸುವುದು ಮತ್ತು ಪೆಟ್ರೋಲಿಯಂ ಉತ್ಪನ್ನಗಳ ಮೇಲೆ ಸುಂಕವನ್ನು ವಿಧಿಸುವಂತಹ ಕಟ್ಟುನಿಟ್ಟಾದ ಪೂರ್ವ ಷರತ್ತುಗಳನ್ನು ಹಾಕಿದೆ. ಈ ಷರತ್ತುಗಳನ್ನು ಜಾರಿಗೊಳಿಸಿದ ನಂತರ, ಸಾಲದ ಕಂತು ಮತ್ತು ಕಾರ್ಯಕ್ರಮದ ಪುನರುಜ್ಜೀವನದ ಅನುಮೋದನೆಗಾಗಿ ಐಎಂಎಫ್‌ ತನ್ನ ಕಾರ್ಯಕಾರಿ ಮಂಡಳಿಗೆ ವಿನಂತಿಯನ್ನು ಪ್ರಸ್ತುತಪಡಿಸಲಿದೆ. ಈ ಪ್ರಕ್ರಿಯೆಗೆ ಇನ್ನೂ ಒಂದು ತಿಂಗಳು ಬೇಕಾಗಬಹುದು. ಜೂನ್ 22 ರಂದು, ಪಾಕಿಸ್ತಾನವು ಸ್ಥಗಿತಗೊಂಡ 6 ಶತಕೋಟಿ ಡಾಲರ್‌ ನೆರವು ಪ್ಯಾಕೇಜ್ ಅನ್ನು ಮರುಸ್ಥಾಪಿಸಲು ಮತ್ತು ಇತರ ಅಂತರರಾಷ್ಟ್ರೀಯ ಮೂಲಗಳಿಂದ ಧನಸಹಾಯಕ್ಕಾಗಿ ದಾರಿ ತೆರೆಯಲು ಐಎಂಎಫ್‌ನೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಿದೆ.