ಟ್ರಂಪ್ ಒಪ್ಪಿಕೊಳ್ಳದಿದ್ದರೂ ಜ.20 ರಂದು ಜೋ ಬಿಡನ್‌ಗೆ @POTUS ಖಾತೆ ಹಸ್ತಾಂತರಿಸಲಿದೆ ಟ್ವಿಟರ್..!

ನವದೆಹಲಿ: ಮೈಕ್ರೋ-ಬ್ಲಾಗಿಂಗ್ ಸೈಟ್ ಟ್ವಿಟರ್ ಜನವರಿ 20 ರಂದು ಪ್ರಮಾಣವಚನ ಸ್ವೀಕರಿಸಿದ ಕ್ಷಣದಿಂದ ಚುನಾಯಿತ ಅಧ್ಯಕ್ಷ ಜೋ ಬಿಡೆನ್ ಅವರಿಗೆ ಅಧ್ಯಕ್ಷ-ಪೊಟಸ್ ಖಾತೆಯ ನಿಯಂತ್ರಣವನ್ನು ಟ್ರಂಪ್ ತಮ್ಮ ಸೋಲನ್ನು ಒಪ್ಪಿಕೊಳ್ಳದಿದ್ದರೂ ಸಹಿತ ಹಸ್ತಾಂತರಿಸಲಿದೆ ಎಂದು ಕಂಪನಿ ಹೇಳಿದೆ.@POTUS ಟ್ವಿಟರ್ ಖಾತೆಯು ಅಮೇರಿಕಾದ ಅಧ್ಯಕ್ಷರ ಅಧಿಕೃತ ಖಾತೆಯಾಗಿದೆ ಮತ್ತು ಟ್ರಂಪ್ ಟ್ವೀಟ್ ಮಾಡಲು ಬಳಸುವ @realDonaldTrump ಖಾತೆಯಿಂದ ಪ್ರತ್ಯೇಕವಾಗಿದೆ.

ಹಸ್ತಾಂತರಕ್ಕೆ ಹೊರಹೋಗುವ ಟ್ರಂಪ್ ತಂಡ ಮತ್ತು ಒಳಬರುವ ಬಿಡೆನ್ ತಂಡದ ನಡುವೆ ಯಾವುದೇ ಮಾಹಿತಿ ಹಂಚಿಕೆ ಅಗತ್ಯವಿಲ್ಲ ಎಂದು ಟ್ವಿಟರ್ ಹೇಳಿದೆ, ಆ ಖಾತೆಗಳಲ್ಲಿ ಅಸ್ತಿತ್ವದಲ್ಲಿರುವ ಎಲ್ಲಾ ಟ್ವೀಟ್‌ಗಳನ್ನು ಆರ್ಕೈವ್ ಮಾಡಲಾಗುತ್ತದೆ ಮತ್ತು ಟ್ವಿಟರ್ ಖಾತೆಗಳನ್ನು ಬಿಡೆನ್ ಅವರಿಗೆ ವರ್ಗಾಯಿಸುತ್ತದೆ.'ಜನವರಿ 20, 2021 ರಂದು ಶ್ವೇತಭವನದ ಸಾಂಸ್ಥಿಕ ಟ್ವಿಟರ್ ಖಾತೆಗಳ ಪರಿವರ್ತನೆಯನ್ನು ಬೆಂಬಲಿಸಲು ಟ್ವಿಟರ್ ಸಕ್ರಿಯವಾಗಿ ತಯಾರಿ ನಡೆಸುತ್ತಿದೆ" ಎಂದು ಟ್ವಿಟರ್ ವಕ್ತಾರ ನಿಕ್ ಪ್ಯಾಸಿಲಿಯೊ ಪಾಲಿಟಿಕೊಗೆ ಇಮೇಲ್ ನಲ್ಲಿ ತಿಳಿಸಿದ್ದಾರೆ.

ಹೊಸ ಆಡಳಿತವು ತನ್ನ ಸರ್ಕಾರಕ್ಕೆ ಸಂಬಂಧಿಸಿದ ಖಾತೆಗಳನ್ನು ಹೇಗೆ ಬಳಸಲು ಯೋಜಿಸಿದೆ ಎಂಬುದನ್ನು ಪರಿಶೀಲಿಸಲು ಸಿಬ್ಬಂದಿ ಮುಂದಿನ ತಿಂಗಳುಗಳಲ್ಲಿ ಬಿಡೆನ್-ಹ್ಯಾರಿಸ್ ಪರಿವರ್ತನಾ ತಂಡದ ಪ್ರತಿನಿಧಿಗಳನ್ನು ಭೇಟಿಯಾಗುತ್ತಾರೆ ಎಂದು ಟ್ವಿಟರ್ ದೃಢಪಡಿಸಿದೆ ಎಂದು ದಿ ಹಿಲ್ ವರದಿ ಮಾಡಿದೆ.ಪೊಟಸ್ ಖಾತೆಯು 32 ದಶಲಕ್ಷಕ್ಕೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದೆ ಮತ್ತು ಕಚೇರಿಯಲ್ಲಿದ್ದಾಗ ಸಾರ್ವಜನಿಕರೊಂದಿಗೆ ಸಂವಹನ ನಡೆಸಲು ಬಿಡೆನ್‌ಗೆ ಮತ್ತೊಂದು ಮಾರ್ಗವನ್ನು ಒದಗಿಸುತ್ತದೆ.

ಚುನಾವಣಾ ಅಧಿಕಾರಿಗಳು ಬಿಡುಗಡೆ ಮಾಡಿದ ಫಲಿತಾಂಶಗಳು ಸ್ಪಷ್ಟವಾಗಿ ಅಮೆರಿಕದ ಮಾಜಿ ಉಪಾಧ್ಯಕ್ಷ ಬಿಡೆನ್ ಗೆ ಮುನ್ನಡೆ ಇದ್ದರು ಸಹಿತ 45 ನೇ ಅಮೆರಿಕ ಅಧ್ಯಕ್ಷರಾದ ಟ್ರಂಪ್ ಇದುವರೆಗೆ ನವೆಂಬರ್ 3 ರ ಅಧ್ಯಕ್ಷೀಯ ಸ್ಪರ್ಧೆಯನ್ನು ಬಿಡೆನ್‌ಗೆ ಒಪ್ಪಿಕೊಳ್ಳಲು ನಿರಾಕರಿಸಿದ್ದಾರೆ. ಹಲವಾರು ರಾಜ್ಯಗಳಲ್ಲಿನ ಮತದಾನದ ಫಲಿತಾಂಶಗಳನ್ನು ಪ್ರಶ್ನಿಸಿ ಅವರು ಅನೇಕ ಮೊಕದ್ದಮೆಗಳನ್ನು ಹೂಡಿದ್ದಾರೆ.

ಪ್ರಮುಖ ರಾಜ್ಯಗಳಾದ ಪೆನ್ಸಿಲ್ವೇನಿಯಾ, ಮಿಚಿಗನ್ ಮತ್ತು ವಿಸ್ಕಾನ್ಸಿನ್ ಗಳಲ್ಲಿ ಡೆಮೋಕ್ರಾಟ್ ಪಕ್ಷದ ಪರವಾಗಿ ಫಲಿತಾಂಶ ಬಂದ ಹಿನ್ನಲೆಯಲ್ಲಿ ನವೆಂಬರ್ 7 ರಂದು ನಡೆದ ಯುಎಸ್ ಅಧ್ಯಕ್ಷೀಯ ಚುನಾವಣೆಯಲ್ಲಿ ಬಿಡೆನ್ ಅವರನ್ನು ವಿಜೇತರೆಂದು ಘೋಷಿಸಲಾಯಿತು. ಟ್ರಂಪ್ ಅವರಿಗೆ 232 ಮತಗಳಿದ್ದರೆ ಬಿಡೆನ್ ಅವರಿಗೆ 306 ಮತಗಳನ್ನು ಹೊಂದಿದ್ದಾರೆ. ಶ್ವೇತಭವನಕ್ಕೆ ಪ್ರವೇಶಿಸಲು ಕನಿಷ್ಠ 270 ಚುನಾವಣಾ ಮತಗಳನ್ನು ಹೊಂದಿರಬೇಕು.