Viral Video: 6 ಸಾವಿರ ಅಡಿ ಎತ್ತರದಲ್ಲಿ ಉಯ್ಯಾಲೆ ತೂಗುತ್ತಿದ್ದ ಮಹಿಳೆಯರು, ಮುಂದೇನಾಯ್ತು? ವಿಡಿಯೋ ನೋಡಿ

Viral Video - ಬೆಚ್ಚಿಬೀಳಿಸುವ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಇಬ್ಬರು ಮಹಿಳೆಯರು ಬೆಟ್ಟದ ಒಂದು ತುದಿಯಲ್ಲಿ ಉಯ್ಯಾಲೆ ತೂಗುತ್ತಿದ್ದಾರೆ. ಹೀಗಿರುವಾಗ ಆಕಸ್ಮಿಕವಾಗಿ ಉಯ್ಯಾಲೆಯ ಬ್ಯಾಲೆನ್ಸ್ ಬಿಗಡಾಯಿಸುತ್ತದೆ. ಈ ಬೆಟ್ಟ 6300 ಅಡಿ ಎತ್ತರದಲ್ಲಿದೆ. ಆಕಸ್ಮಿಕ ವಾಗಿ ಉಯ್ಯಾಲೆಯ ಸರಪಳಿ ಹರಿಯುವ ಕಾರಣ ಇದೆಲ್ಲಾ ಸಂಭವಿಸಿದೆ.

ವಾಸ್ತವದಲ್ಲಿ ಈ ಘಟನೆ ರಷ್ಯಾದ (Russia) ದಗಿಸ್ಥಾನ್ (Dagestan) ನಿಂದ ವರದಿಯಾಗಿದೆ. ಟ್ವಿಟ್ಟರ್ ಮೇಲೆ 'ರಾಂಡಂ ಅಂಕಲ್' ಹೆಸರಿನ ಬಳಕೆದಾರರೋಬ್ಬರು ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ದಗಿಸ್ಥಾನನಲ್ಲಿರುವ ಸುಲಾಕ್ ಕೈನ್ಯನ್ ಹೆಸರಿನ ಬೆಟ್ಟದ ಮೇಲೆ ನಿರ್ಮಿಸಲಾಗಿರುವ ಒಂದು ತೂಗುಯ್ಯಾಲೆ ಹತ್ತಿರ ಸಾಕಷ್ಟು ಜನ ನೆರೆದಿದ್ದಾರೆ. ಈ ಸಂದರ್ಭದಲ್ಲಿ ಇಬ್ಬರು ಮಹಿಳೆಯರು ಉಯ್ಯಾಲೆ ಆಡುವ ಮಜದಲ್ಲಿದ್ದಾರೆ. ಇಬ್ಬರು ತುಂಬಾ ಸಲೀಸಾಗಿ ಉಯ್ಯಾಲೆಯಲ್ಲೂ ತೂಗುತ್ತಿದ್ದಾರೆ.

ಇನ್ನೊಂದೆಡೆ ವ್ಯಕ್ತಿಯೊಬ್ಬರು ಹಿಂದಿನಿಂದ ಅವರ ಉಯ್ಯಾಲೆಯನ್ನು (Swing Ride) ದೂಕುತ್ತಿದ್ದಾರೆ. ಹೀಗಿರುವಾಗ ಆಕಸ್ಮಿಕವಾಗಿ ಉಯ್ಯಾಲೆಯ ಒಂದು ಬದಿಯ ಸರಪಳಿ ಮುರಿಯುತ್ತದೆ ಹಾಗೂ ಇಬ್ಬರು ಮಹಿಳೆಯರು ಬೆಟ್ಟದ ಮತ್ತೊಂದು ತುದಿಯಲ್ಲಿರುವ ಪ್ರಪಾತಕ್ಕೆ ಬೀಳುತ್ತಾರೆ. ವಿಡಿಯೋದಲ್ಲಿ ಈ ದೃಶ್ಯವನ್ನು ಮಾತ್ರ ಚಿತ್ರಿಸಲಾಗಿದೆ. ಆದ್ರೆ, ಇಬ್ಬರು ಮಹಿಳೆಯರನ್ನು (Women) ರಕ್ಷಿಸಲಾಗಿದ್ದು, ಇಬ್ಬರಿಗೂ ಕೂಡ ಸಣ್ಣಪುಟ್ಟ ಗಾಯಗಳಾಗಿವೆ ಎನ್ನಲಾಗಿದೆ. 

ಡೈಲಿ ಮೇಲ್ ನಲ್ಲಿ ಪ್ರಕಟಗೊಂಡ ವರದಿಯೊಂದರ ಪ್ರಕಾರ, ಇಬ್ಬರು ಮಹಿಳೆಯರು ಕೆಳಗೆ ಬೀಳುತ್ತಿದ್ದಂತೆ ಜನರು ಅವರನ್ನು ಹಿಡಿದಿದ್ದಾರೆ ಮತ್ತು ಅವರನ್ನು ರಕ್ಷಿಸಿದ್ದಾರೆ. ಎನ್ನಲಾಗಿದೆ. ಮಹಿಳೆಯರು ತುಂಬಾ ಹೆದರಿಕೊಂಡಿದ್ದರು ಮತ್ತು ಅವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ. 

ಇದನ್ನೂ ಓದಿ-ಬ್ರಿಟನ್ ನಲ್ಲಿ ವರ್ಣಭೇದ ನೀತಿಯು ಒಂದು ಬಿಕ್ಕಟ್ಟಾಗಿದೆ- ಬೋರಿಸ್ ಜಾನ್ಸನ್

ಘಟನೆಗೆ ಸಂಬಂಧಿಸಿದಂತೆ ಮಾಹಿತಿ ನೀಡಿರುವ ಸ್ಥಳೀಯ ಆಡಳಿತ ಈ ಉಯ್ಯಾಲೆ ಸುರಕ್ಷಿತ ಸಾಮಗ್ರಿಗಳಿಂದ ನಿರ್ಮಿಸಲಾಗಿರಲಿಲ್ಲ  ಇದೆ ಕಾರಣದಿಂದ ಈ ಘಟನೆ ಸಂಭವಿಸಿದೆ ಹಾಗೂ ಇದೀಗ ಉಯ್ಯಾಲೆಯ ಸುರಕ್ಷತೆತೆಯನ್ನು ಖಚಿತಪಡಿಸಿಕೊಳ್ಳಲಾಗುತ್ತಿದೆ. ಭವಿಷ್ಯದಲ್ಲಿ ಇಂತಹ ಘಟನೆ ಮರುಕಳಿಸದಂತೆ ಎಂಬುದನ್ನು ಕೂಡ ಸುನಿಶ್ಚಿತಗೊಳಿಸಲಾಗುತ್ತಿದೆ.