Crime: പ്രായപൂർത്തിയാകത്ത പെൺകുട്ടിക്ക് നേരെ ലൈംഗിക ചേഷ്ട; യുവാവ് പിടിയിൽ
ഒറ്റയ്ക്ക് പോകുകയായിരുന്ന പെൺകുട്ടിയുടെ അടുത്തെത്തിയ പ്രതി പെൺകുട്ടിയോട് ഓട്ടോയിൽ കയറാൻ ആവശ്യപ്പെടുകയായിരുന്നു.
തിരുവനന്തപുരം: പ്രായപൂർത്തിയാകാത്ത പെൺകുട്ടിയെ പിന്തുടർന്ന് ലൈംഗിക ചേഷ്ടകൾ കാണിച്ച ഓട്ടോ ഡ്രൈവർ അറസ്റ്റിൽ. ആറുകാണി അണമുഖം സ്വദേശി സനു രാജൻ (30) ആണ് പിടിയിലായത്. സ്വകാര്യ ആശുപത്രിയിൽ ഓട്ടം എടുക്കാൻ പോയി മടങ്ങവെ വീരണകാവിന് സമീപമാണ് സംഭവം. ഒറ്റയ്ക്ക് പോകുകയായിരുന്ന പെൺകുട്ടിയുടെ അടുത്തെത്തിയ പ്രതി പെൺകുട്ടിയോട് ഓട്ടോയിൽ കയറാൻ ആവശ്യപ്പെടുകയും പെൺകുട്ടി വിസമ്മതിച്ചപ്പോൾ ലൈംഗിക ചേഷ്ടകൾ കാട്ടി പിന്നാലെ പോവുകയുമായിരുന്നു.
ഭയന്നുപോയ പെൺകുട്ടി ഓടി ബന്ധുവിന്റെ വീട്ടിൽ അഭയം പ്രാപിച്ചു. തുടർന്ന് പെൺകുട്ടിയുടെ അച്ഛനെ വിവരം അറിയിക്കുകയും അച്ഛൻ സ്ഥലത്തെത്തിയപ്പോഴേക്കും ഇയാൾ രക്ഷപ്പെടുകയുമായിരുന്നു. പരാതിയുടെ അടിസ്ഥാനത്തിൽ അന്വേഷണം നടത്തിയെങ്കിലും ആദ്യഘട്ടത്തിൽ പ്രതിയെ തിരിച്ചറിയാൻ കഴിഞ്ഞില്ല. നിരവധി സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിന് ഒടുവിലാണ് വാഹനത്തെയും പ്രതിയെയും കണ്ടെത്താൻ കഴിഞ്ഞത്. വട്ടപ്പാറ രജിസ്ട്രേഷനിൽ ഉള്ളതാണ് ഓട്ടോ എന്ന് തിരിച്ചറിഞ്ഞ് നടത്തിയ അന്വേഷണമാണ് പ്രതിയിലേക്ക് എത്താൻ സഹായകമായത് എന്ന് പോലീസ് വ്യക്തമാക്കി.
Bihar Rape Case: ബിഹാറിൽ ആറാം ക്ലാസുകാരിയെ സ്കൂൾ ഡയറക്ടറുടെ മകൻ പീഡിപ്പിച്ചത് 2 വർഷം!
പട്ന: ബിഹാറിൽ വിദ്യാർത്ഥിനിയെ സ്കൂൾ ഡയറക്ടറുടെ മകൻ രണ്ട് വർഷം പീഡിപ്പിച്ച സംഭവത്തിൽ കൂടുതൽ അന്വേഷണം വേണമെന്ന ആവശ്യം ശക്തമാകുന്നു. 2017 ൽ പെൺകുട്ടി ആറാം ക്ലാസിൽ പഠിക്കുമ്പോഴായിരുന്നു പീഡനം ആരംഭിച്ചത്. ഫീസ് അടയ്ക്കുന്നതിൽ വീഴ്ച വരുത്തിയപ്പോൾ 12 വയസ്സ് മാത്രം പ്രായമുള്ള വിദ്യാർത്ഥിനിയെ സ്കൂൾ പ്രിൻസിപ്പൽ ലൈബ്രറിയിലേക്ക് കൂട്ടിക്കൊണ്ടുപോകുകയും മുറിയിൽ കയറ്റിയ ശേഷം വാതിൽ പുറത്തുനിന്ന് പൂട്ടി ലൈറ്റ് ഓഫ് ചെയ്യുകയുമായിരുന്നു.
ഈ സമയം മുറിയിൽ സ്കൂൾ ഡയറക്ടറുടെ മകനുണ്ടായിരുന്നു. ഇയാൾ പെൺകുട്ടിയെ പീഡിപ്പിച്ച ശേഷം ദൃശ്യങ്ങളെടുത്തു. ഈ സമയം പ്രിൻസിപ്പൽ മുറിക്ക് പുറത്ത് കാവൽ നിന്നു. പെൺകുട്ടിയെ പീഡിപ്പിച്ചശേഷം പ്രിൻസിപ്പലിന്റെ നിർദേശമനുസരിച്ച് ഡയറക്ടറുടെ മകൻ പുറത്തുപോകുകയും മുറിയിൽ നിന്നും രക്ഷപ്പെടാൻ ശ്രമിക്കുന്നതിനിടെ പെൺകുട്ടിയെ പ്രിൻസിപ്പൽ പിടിച്ചുവയ്ക്കുകയും യൂണിഫോമിലെ രക്തക്കറ തുടച്ചുനീക്കുകയും മുടി കെട്ടി വൃത്തിയാക്കുകയും ചെയ്തു.
ശേഷം സംഭവത്തെക്കുറിച്ച് പുറത്തുപറയരുതെന്ന് ഭീഷണിപ്പെടുത്തിയ ശേഷം കുട്ടിയെ ക്ലാസിലേക്ക് അയക്കുകയും ചെയ്തു. സംഭവത്തിൽ ഭയന്ന കുട്ടി പീഡനത്തെ കുറിച്ച് പുറത്തുപറഞ്ഞില്ല. ഈ പീഡനം പിന്നീട് തുടരുകയായിരുന്നു. പുറത്തു പറഞ്ഞാൽ ദൃശ്യങ്ങൾ പ്രചരിപ്പിക്കുമെന്ന് ഭീഷണിപ്പെടുത്തുകയും ചെയ്തിരുന്നു. ഇതിനിടെ അമിത രക്തസ്രാവം കാരണം പെൺകുട്ടി ഒരുമാസത്തോളം കിടപ്പിലാകുകയും തുടർന്ന് സ്കൂളിലേക്ക് പോകാൻ മടിച്ച കുട്ടി ആത്മഹത്യയ്ക്കും ശ്രമിക്കുകയുമുണ്ടായി.
ശേഷം 2018ൽ വിദ്യാർത്ഥി മറ്റൊരു സ്കൂളിലേക്ക് മാറിയപ്പോഴാണ് പീഡന വിവരം സഹോദരനെ അറിയിച്ചത്. ഇതിനെ തുടർന്ന് പോലീസിൽ പരാതി നൽകുകയായിരുന്നു. തുടർന്ന് സമാനമായ അനുഭവമുണ്ടായെന്ന് അറിയിച്ച് കൂടുതൽ പേർ രംഗത്തെത്തുകയുണ്ടായതായി ബിഹാർ കോഷി റെയ്ഞ്ച് ഡിഐജി ശിവ്ദീപ് വാമൻറാവു പറഞ്ഞു. പ്രതിയായ രണ്ടു പേരെയും അറസ്റ്റ് ചെയ്തെന്നും പുതിയ പരാതികളിൽ അന്വേഷണം നടക്കുകയാണെന്നും പോലീസ് അറിയിച്ചിട്ടുണ്ട്. കുറ്റക്കാർക്ക് തക്കതായ ശിക്ഷ ഉറപ്പാക്കണമെന്നും പീഡനത്തിനിരയായ പെൺകുട്ടിക്ക് ആവശ്യമായ സഹായം നൽകണമെന്നും ആവശ്യപ്പെട്ട് ഡൽഹി വനിതാ കമ്മിഷൻ അധ്യക്ഷ ബിഹാർ മുഖ്യമന്ത്രി നിതീഷ് കുമാറിന് കത്തെഴുതിയിട്ടുണ്ട്. ഇത് കൂടാതെ പെൺകുട്ടിക്ക് നീതി ഉറപ്പാക്കണമെന്നാവശ്യപ്പെട്ട് നിരവധിപ്പേർ രംഗത്തെത്തിയിട്ടുമുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...