ശാരീരിക സുഖങ്ങളുടെയും ഐശ്വര്യത്തിന്റെയും അധിപനായ ശുക്രൻ ഓഗസ്റ്റ് 7-ന് കർക്കടക രാശിയിലേക്ക് കടന്നിരിക്കുകയാണ്. അവിടെ വെച്ച് ഗ്രഹങ്ങളുടെ രാജാവായ സൂര്യനെ ശുക്രൻ കണ്ടുമുട്ടുന്നു. ആ സാഹചര്യത്തിൽ ആണ് രാശി പ്രകാരം രണ്ട് ഗ്രഹങ്ങളുടെ സംയോജനം രൂപം കൊള്ളുന്നത്. കർക്കടക മാസത്തിൽ ശുക്രനും സൂര്യനും സംയോജിക്കുന്നതിനാൽ, എല്ലാ രാശികൾക്ക് ശുഭമായും അശുഭമായും ഭവിക്കുന്ന രാജ്ഭംഗ് യോഗയും ഇതിനോടൊപ്പം രൂപം കൊള്ളുന്നു. കർക്കടകത്തിലെ ശുക്രൻ അപചയ സ്ഥാനത്തെത്തി അടുത്ത 56 ദിവസം അങ്ങനെ തന്നെ തുടരും. 


COMMERCIAL BREAK
SCROLL TO CONTINUE READING

ഓഗസ്റ്റ് 7 തിങ്കളാഴ്ച രാവിലെ 10.56 ന് ശുക്രൻ ചിങ്ങം രാശിയിൽ നിന്ന് സംക്രമിച്ച് കർക്കടകത്തിലെത്തി. ഈ സമയത്ത് ചില രാശിക്കാർക്ക് വക്രത്തിലെ ശുക്രൻ ശുഭഫലങ്ങൾ നൽകുകയും ശാരീരിക സുഖങ്ങൾ വർദ്ധിക്കുകയും ചെയ്യുന്നു. അതേ സമയം ചില രാശിക്കാരുടെ ജീവിതത്തിൽ ഉയർച്ചകളും താഴ്ചകളും നേരിടേണ്ടി വന്നേക്കാം. കർക്കടക രാശിയിൽ ശുക്രൻ സംക്രമിക്കുമ്പോൾ, അടുത്ത 56 ദിവസത്തേക്ക് മേടം മുതൽ മീനം വരെയുള്ള എല്ലാ രാശിക്കാരെയും ഇത് എപ്രകാരം ബാധിക്കുന്നു എന്നതിനെക്കുറിച്ച് വിശദമായി നോക്കാം


മേടം


ശുക്രൻ നിങ്ങളുടെ രാശിയിൽ നിന്ന് നാലാം ഭാവത്തിലേക്കാണ് കടക്കുന്നത്. ജീവിതത്തിൽ ഒരുപാട് ഉയർച്ചകളും താഴ്ചക‌ളും നേരിടേണ്ടതായി വരും. ദാമ്പത്യ ജീവിതത്തിൽ നിങ്ങൾക്ക് പല പ്രശ്നങ്ങളും നേരിടേണ്ടി വന്നേക്കാം. ഈ കാലയളവിൽ, പണം ലാഭിക്കാൻ ബുദ്ധിമുട്ടായിരിക്കും, ചെലവുകൾ വർദ്ധിക്കും. വ്യക്തിജീവിതത്തിലും തൊഴിൽപരമായ ജീവിതത്തിലും ചിന്താശേഷിയും മനസ്സിലാക്കാനുള്ള ശക്തിയും ദുർബലമാവുകയും ആരോഗ്യ സംബന്ധമായ പ്രശ്നങ്ങൾ നേരിടേണ്ടിവരുകയും ചെയ്യും.


ഇടവം


ശുക്രൻ നിങ്ങളുടെ രാശിയിൽ നിന്ന് മൂന്നാം സ്ഥാനത്തേക്ക് മാറുന്നു. ഇത് അത്ര ശുഭമായല്ല നിങ്ങൾക്ക് ഭവിക്കുന്നത്. കുടുംബത്തിനുള്ളിൽ പലതരത്തിലുള്ള പ്രശ്നങ്ങൾ നേരിടേണ്ടതായി വരും. സുഹൃത്തുക്കളുമായുള്ള ബന്ധം വഷളായേക്കാം. മത്സര പരീക്ഷകൾക്ക് തയ്യാറെടുക്കുന്ന വിദ്യാർത്ഥികൾ കഠിനാധ്വാനം ചെയ്യണം, എങ്കിൽ മാത്രമേ അവർ വിജയിക്കുകയുള്ളു. ഈ കാലയളവിൽ സഹോദരങ്ങൾക്ക് ശാരീരിക അസ്വാസ്ഥ്യങ്ങൾ ഉണ്ടാകാം, അത്  കാരണം നിങ്ങൾക്ക് ഒരുപാട് വിഷമതകൾ അനുഭവിക്കേണ്ടി വരും. കരിയറിൽ ശ്രദ്ധയോടെയും ചിന്തയോടെയും തീരുമാനങ്ങൾ എടുക്കേണ്ടത് ആവശ്യമാണ്, തിടുക്കത്തിൽ തീരുമാനങ്ങൾ എടുക്കുന്നത് ഒഴിവാക്കുക.  


മിഥുനം


ശുക്രൻ നിങ്ങളുടെ രാശിയിൽ നിന്ന് രണ്ടാം ഭാവത്തിലേക്ക് കടക്കുന്നു. അത് നിങ്ങളുടെ മൊത്തം ജീവിതത്തിൽ അസ്വസ്ഥതയുണ്ടാക്കും. അതേസമയം, കുടുംബാംഗങ്ങളിൽ നിന്ന് പ്രശ്നങ്ങൾ ഉണ്ടാകാം. നിങ്ങൾ സ്ഥലം മാറുന്നതിനെക്കുറിച്ച് പദ്ധതിയിടുകയാണെങ്കിൽ, ഈ തീരുമാനം തൽക്കാലം മാറ്റിവയ്ക്കുന്നതാണ് നല്ലത്. സാമ്പത്തികപരമായും ഏറെ കഷ്ടതകൾ അനുഭവിക്കേണ്ടി വരുന്ന സമയമാണ്. ഈ കാലയളവിൽ നിങ്ങളുടെ ചെലവുകൾ പരമാവധി നിയന്ത്രിക്കുക, അല്ലാത്തപക്ഷം നിങ്ങളുടെ ജീവിതത്തിൽ നിരവധി പ്രശ്നങ്ങൾ ഉണ്ടാകാം. അതേസമയം സഹോദരങ്ങൾ ഉണ്ടെങ്കിൽ അവരിൽ നിന്ന് പൂർണ്ണ പിന്തുണ ലഭിക്കും. ഇതുമൂലം നിങ്ങൾക്ക് മനസ്സമാധാനം ഉണ്ടാകും. 


ALSO READ: സോളാർ ട്രാൻസിറ്റ്: ഈ രാശിക്കാരുടെ കൈകളിലേക്ക് ഇനി പണത്തിന്റെ കുത്തൊഴുക്ക്


കർക്കിടകം


നിങ്ങളുടെ രാശിയുടെ അധിപനായ ശുക്രൻ ഒന്നാം ഭാവത്തിൽ സഞ്ചരിക്കുന്നു. ഈ സമയത്ത്, പ്രണയ ജീവിതത്തിൽ ചില ദുരന്തങ്ങൾ ഉണ്ടായേക്കാം. കുട്ടികളുടെ തൊഴിൽ, വിദ്യാഭ്യാസം എന്നിവയുമായി ബന്ധപ്പെട്ട കാര്യങ്ങളിൽ രക്ഷിതാക്കൾ വിഷമിച്ചേക്കാം. ഒപ്പം അരക്ഷിതാവസ്ഥയും മനസ്സിൽ വരുന്നു. ഈ കാലയളവിൽ സാമ്പത്തിക വെല്ലുവിളികൾ നേരിടേണ്ടി വന്നേക്കാം, അതുമൂലം കടം വാങ്ങാനുള്ള സാഹചര്യം ഉണ്ടാകാം. 


ചിങ്ങം


ശുക്രൻ നിങ്ങളുടെ രാശിയിൽ നിന്ന് പന്ത്രണ്ടാം ഭാവത്തിലേക്ക് കടക്കുന്നു. മാത്രമല്ല ആത്മവിശ്വാസം കുറയാൻ സാധ്യതയുണ്ട്. ഇക്കാരണത്താൽ, പ്രൊഫഷണൽ ജീവിതത്തിൽ പ്രശ്നങ്ങൾ ഉണ്ടാകാം. നിങ്ങൾ ഏതെങ്കിലും തരത്തിലുള്ള നിക്ഷേപങ്ങൾക്ക് പദ്ധതിയിടുകയാണെങ്കിൽ, വിദഗ്ദ്ധോപദേശം സ്വീകരിക്കുകയോ നിക്ഷേപ പദ്ധതി 56 ദിവസത്തേക്ക് മാറ്റിവയ്ക്കുകയോ ചെയ്യുക. ഈ കാലയളവിൽ, നിങ്ങളുടെ അമ്മയുമായുള്ള നിങ്ങളുടെ ബന്ധം അൽപ്പം വഷളായേക്കാം. ഇതുമൂലം കുടുംബ സ്ഥിതി അല്പം മോശമാകും.


കന്നി


ശുക്രൻ നിങ്ങളുടെ രാശിയിൽ നിന്ന് പതിനൊന്നാം ഭാവത്തിലേക്ക് കടക്കുന്നു. ദാമ്പത്യ ജീവിതത്തിൽ ചില പ്രശ്നങ്ങൾ നേരിടേണ്ടിവരും. ആർക്കും പണം കടം കൊടുക്കാൻ പറ്റിയ സമയമല്ല, പണം തിരികെ ലഭിക്കാനുള്ള സാധ്യത കുറവാണ്. നിങ്ങൾക്ക് അനാവശ്യമായി യാത്ര ചെയ്യേണ്ടി വന്നേക്കാം, ഇത് പണം പാഴാക്കാൻ ഇടയാക്കും. ഈ സമയത്ത് നിക്ഷേപം ഒഴിവാക്കി സമ്പാദ്യത്തിൽ ശ്രദ്ധ കേന്ദ്രീകരിക്കുക. നിങ്ങൾക്ക് അറിയാവുന്ന ആളുകളുമായി ഏതെങ്കിലും തരത്തിൽ മോശമായ പ്രശ്നങ്ങൾ ഉണ്ടാകാൻ സാധ്യതയുണ്ട്. അതുകൊണ്ട് മനസ്സിൽ ആശയക്കുഴപ്പം ഉണ്ടാകും. എന്നാൽ മതപരമായ പ്രവർത്തനങ്ങൾ ചെയ്യുന്നതിലൂടെ മനസ്സമാധാനം ഉണ്ടാകും.


തുലാം


നിങ്ങളുടെ രാശിയിൽ നിന്ന് 10-ലേക്ക് ശുക്രൻ സഞ്ചരിക്കുന്നു. ഈ സമയത്ത്, നിങ്ങളുടെ ആരോഗ്യം ശ്രദ്ധിക്കുകയും ആർക്കും പണം കടം കൊടുക്കാതിരിക്കുകയും ചെയ്യുക. വ്യക്തിപരമായ ജീവിതത്തിൽ ഉയർച്ച താഴ്ചകളും സഹോദരങ്ങൾക്ക് ആരോഗ്യപ്രശ്നങ്ങളും നേരിടേണ്ടി വന്നേക്കാം. ഈ കാലയളവിൽ മത്സര പരീക്ഷകൾക്ക് തയ്യാറെടുക്കുന്ന വിദ്യാർത്ഥികൾക്ക് അവരുടെ പഠനത്തിൽ നിരവധി പ്രശ്നങ്ങൾ നേരിടേണ്ടിവരുന്നു. അമ്മയുമായി ചില തർക്കങ്ങൾ ഉണ്ടാകാൻ സാധ്യതയുണ്ട്, ഇത് കുടുംബ സ്ഥിതി വഷളാകാൻ സാധ്യതയുണ്ട്.


വൃശ്ചികം 


ശുക്രൻ നിങ്ങളുടെ രാശിയിൽ നിന്ന് ഒമ്പതാം ഭാവത്തിലേക്ക് കടക്കുന്നു. ഈ സമയത്ത്, വിവാഹം, പണം അല്ലെങ്കിൽ പ്രധാനപ്പെട്ട കാര്യങ്ങളിൽ ഏർപ്പെടുന്നത് ഒഴിവാക്കുക. കാരണം അത്തരം ഫലങ്ങൾ നിങ്ങൾക്ക് നിരവധി പ്രശ്നങ്ങൾ ഉണ്ടാക്കും. ബിസിനസ്സുകാർക്കും വ്യാപാരികൾക്കും കഠിനാധ്വാനത്തിലൂടെ മാത്രമേ വിജയിക്കൂ. ഈ കാലയളവിൽ നിങ്ങളുടെ അയൽക്കാരുമായുള്ള ബന്ധം വഷളായേക്കാം, അതിനാൽ ഏതൊരു സാഹചര്യത്തിലും നിങ്ങളുടെ സംസാരം പരമാവധി നിയന്ത്രിക്കുക. വിദ്യാർത്ഥികൾ ആണെങ്കിൽ എന്തിനെക്കുറിച്ചും ഉത്കണ്ഠ പെടേണ്ടി വരും.  പക്ഷേ നിങ്ങൾ ആ സാഹചര്യങ്ങൾ ബുദ്ധിപരമായി നേരിടും.


ALSO READ: ശനി വക്രി: പണമെണ്ണി തളരും..! ഈ രാശിക്കാർക്ക് ഇനി കുബേരയോ​ഗം


ധനു രാശി 


നിങ്ങളുടെ രാശിയിൽ നിന്ന് എട്ടാം ഭാവത്തിലേക്ക് ശുക്രൻ സഞ്ചരിക്കുന്നു. ഈ സമയത്ത്, നിങ്ങൾ വിദേശ യാത്രയ്ക്ക് പദ്ധതിയിടുകയാണെങ്കിൽ, യാത്ര റദ്ദാക്കിയേക്കാം. നിങ്ങൾക്ക് മാതാപിതാക്കളോടൊപ്പം തീർത്ഥാടനത്തിന് പോകുവാൻ സാധ്യതയുണ്ട്. അത് നിങ്ങളുടെ മനസ്സിന് ശാന്തിയും സമാധാനവും നൽകും. സഹോദരങ്ങളുമായി നല്ല ബന്ധം ഉണ്ടാകും. കുടുംബത്തിലെ പല കാര്യങ്ങളിലും സഹകരണം ഉണ്ടാകും. വ്യക്തിജീവിതത്തിലും ഔദ്യോഗിക ജീവിതത്തിലും നിങ്ങൾക്ക് നിരവധി വെല്ലുവിളികൾ നേരിടേണ്ടിവരും. നിങ്ങളുടെ സംസാരവും പെരുമാറ്റവും നിയന്ത്രിക്കുക, അല്ലാത്തപക്ഷം നിങ്ങളുടെ ജോലി ഫലപ്രദമല്ലായിരിക്കാം.


മകരം


നിങ്ങളുടെ രാശിയിൽ നിന്ന് ഏഴാം സ്ഥാനത്തേക്ക് ശുക്രൻ സഞ്ചരിക്കുന്നു. ഈ സമയത്ത്, പ്രിയപ്പെട്ടവരുമായി ആശയവിനിമയം നടത്തുമ്പോൾ നിങ്ങളുടെ സംസാരം നിയന്ത്രിക്കുക, അല്ലാത്തപക്ഷം ബന്ധം വഷളായേക്കാം. പലതരത്തിലുള്ള നഷ്ടങ്ങൾ സംഭവിക്കാൻ സാധ്യത ഉണ്ടാകും. ഈ സമയത്ത്, വിദ്യാർത്ഥികൾക്ക് അക്കാദമിക് മേഖലയിൽ ഉയർച്ച താഴ്ചകൾ നേരിടേണ്ടിവരും. മാതാപിതാക്കളിൽ നിന്ന് എതിർപ്പുകളും തർക്കങ്ങളും ഉണ്ടാകാം. ഉദ്യോഗസ്‌ഥർക്ക് ഉദ്യോഗസ്‌ഥർ മൂലം ജോലിയിൽ ചില പ്രശ്‌നങ്ങൾ നേരിടാം.


കുംഭം 


ശുക്രൻ നിങ്ങളുടെ രാശിയിൽ നിന്ന് ആറാം ഭാവത്തിലേക്ക് കടക്കുന്നു. ഈ സമയത്ത്, സാമ്പത്തിക തീരുമാനങ്ങൾ ശ്രദ്ധാപൂർവ്വം എടുക്കുക, അല്ലാത്തപക്ഷം നഷ്ടം ഉണ്ടാകും. വാഹനമോടിക്കുമ്പോൾ ശ്രദ്ധിക്കുക, ചർച്ചകളിൽ നിന്ന് വിട്ടുനിൽക്കുക. ജീവനക്കാർ സ്വന്തം ബിസിനസിൽ ശ്രദ്ധ കേന്ദ്രീകരിക്കുകയും മറ്റുള്ളവരുടെ കാര്യങ്ങളിൽ ഇടപെടുന്നത് ഒഴിവാക്കുകയും വേണം, അല്ലാത്തപക്ഷം ജോലിസ്ഥലത്ത് നിങ്ങളുടെ പ്രതിച്ഛായയ്ക്ക് മങ്ങലേൽക്കും. നിങ്ങളുടെ ചെലവുകൾ നിയന്ത്രണത്തിലാക്കുക, അല്ലാത്തപക്ഷം കടം വാങ്ങേണ്ടി വന്നേക്കാം. ഈ കാലയളവിൽ നിങ്ങൾ ഒരു പുതിയ ബിസിനസ്സ് ആരംഭിക്കാൻ ആഗ്രഹിക്കുന്നുവെങ്കിൽ, ഈ തീരുമാനം ഒക്ടോബർ 1 ലേക്ക് മാറ്റിവയ്ക്കുന്നതാകും ഉചിതം.


മീനരാശി


ശുക്രൻ നിങ്ങളുടെ രാശിയിൽ നിന്ന് അഞ്ചാം ഭാവത്തിലേക്ക് കടക്കുന്നു. ഈ സമയത്ത് നിങ്ങൾക്ക് ദാമ്പത്യ ജീവിതത്തിൽ ഉയർച്ച താഴ്ചകൾ നേരിടേണ്ടിവരും. സുഹൃത്തുക്കളോട് രഹസ്യ കാര്യങ്ങൾ പറയുന്നത് ഒഴിവാക്കുക അല്ലെങ്കിൽ നിങ്ങൾ കുഴപ്പത്തിലായേക്കാം. യാത്രാവേളയിൽ വൈകാരിക പ്രശ്‌നങ്ങൾ കാരണം വിദ്യാർത്ഥികൾക്ക് ചില അക്കാദമിക് ബുദ്ധിമുട്ടുകൾ നേരിടേണ്ടി വന്നേക്കാം. നിങ്ങളുടെ സാമൂഹിക പ്രതിച്ഛായ നശിപ്പിക്കുന്ന ജോലികളിൽ നിന്ന് വിട്ടുനിൽക്കുക. ഈ കാലയളവിൽ, വ്യാപാരികൾക്ക് ഏതെങ്കിലും ഉപഭോക്താവിന്റെയോ ബിസിനസ്സ് പാർട്ടിയുടെയോ നഷ്ടം നേരിട്ടേക്കാം.


 



ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...



ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക. 

 

ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ.