Akshaya Tritiya 2024: അക്ഷയ തൃതീയ ദിനത്തിൽ അറിയാതെ പോലും ഇക്കാര്യങ്ങൾ ചെയ്യരുത്! ലക്ഷ്മി ദേവിയുടെ കോപം നിങ്ങളെ ദരിദ്രനാക്കും

ഹിന്ദു കലണ്ടർ അനുസരിച്ച്, വൈശാഖ മാസത്തിലെ ശുക്ല പക്ഷത്തിലെ തൃതീയ തിഥിയിലാണ് അക്ഷയ തൃതീയ ആഘോഷിക്കുന്നത്. ഹിന്ദു മതത്തിൽ അക്ഷയ തൃതീയ ഉത്സവം വളരെ പ്രാധാന്യത്തോടെയാണ് ആഘോഷിക്കുന്നത്. ഈ ദിവസം ലക്ഷ്മി ദേവിയെ ആരാധിക്കുന്നതും ദാനധർമ്മങ്ങൾ ചെയ്യുന്നതും ശുഭകരമാണ്. ഈ ദിവസം ലക്ഷ്മി ദേവിയെ ആരാധിക്കുന്നത് ഐശ്വര്യവും സമ്പത്തും നൽകും. ഈ വർഷം അക്ഷയ തൃതീയ മെയ് പത്തിനാണ്.

അക്ഷയതൃതീയ നാളിൽ അബദ്ധത്തിൽ പോലും പഴകിയ ഭക്ഷണങ്ങൾ കഴിക്കരുത്. മാംസവും മദ്യവും ഒഴിവാക്കണം. ഇത്തരത്തിൽ ചെയ്യുന്നത് അശുഭകരമാണ്. ഇത് വലിയ ദോഷങ്ങൾക്ക് കാരണമാകും. അക്ഷയ തൃതീയ ദിനത്തിൽ സാത്വികമായ ഭക്ഷണങ്ങൾ മാത്രമേ കഴിക്കാവൂ. ഇത് ലക്ഷ്മി ദേവിയുടെ അനു​ഗ്രഹം ലഭിക്കാൻ ഇടയാക്കും.

അക്ഷയ തൃതീയ നാളിൽ സമ്പത്തിൻ്റെ ദേവതയായ ലക്ഷ്മി ദേവിയെ ആരാധിക്കുന്നു. ശുചിത്വം പാലിക്കുന്നിടത്ത് ലക്ഷ്മി ദേവി കുടികൊള്ളുന്നുവെന്നാണ് വിശ്വാസം. ഇക്കാരണത്താൽ, അക്ഷയ തൃതീയയിൽ വീടിൻ്റെ ശുചിത്വം ശ്രദ്ധിക്കേണ്ടത് പ്രധാനമാണ്. വീട്ടിൽ മാലിന്യങ്ങൾ വയ്ക്കരുത്.

അക്ഷയ തൃതീയ ദിവസം തുളസി ഇലകൾ പറിക്കരുത്. ഈ ദിവസം മഹാവിഷ്ണുവിനെ ആരാധിക്കുന്നത് മംഗളകരമായി കണക്കാക്കപ്പെടുന്നു. ഇക്കാരണത്താൽ, അക്ഷയതൃതീയയിൽ തുളസിയിലകൾ പറിക്കരുത്. ഈ ദിവസം തുളസിയെ പൂജിക്കുകയും വൈകുന്നേരം തുളസിത്തറയിൽ നെയ് വിളക്ക് തെളിയിക്കുകയും വേണം. അക്ഷയ തൃതീയ നാളിൽ ആർക്കും പണം കടം കൊടുക്കരുത്. ഇത് വീട്ടിൽ ദാരിദ്ര്യം ഉണ്ടാകുന്നതിന് കാരണമാകും.