Shani Dev: എന്തുകൊണ്ടാണ് ശനിദേവന്റെ വിഗ്രഹം വീട്ടിൽ സൂക്ഷിക്കാത്തത്? ഇതാണ് കാരണം

ഹിന്ദുവിശ്വാസത്തിൽ ശനിയെ നീതിയുടെ ദേവനായാണ് കാണുന്നത്. കർമ്മ ദാതാവായാണ് ശനിയെ കാണുന്നത്. ശനിദേവൻ ഓരോ വ്യക്തിക്കും അവന്റെ കർമ്മത്തിന്റെ ഫലം നൽകുന്നുവെന്ന് വിശ്വസിക്കപ്പെടുന്നു. ശനിദേവനെ ആരാധിക്കുന്നത് ഭാ​ഗ്യം കൊണ്ടുവരുന്നു. ശനിദേവനെ പ്രീതിപ്പെടുത്തുന്നത് ഉചിതമായ ദിവസമായി ശനിയാഴ്ച കണക്കാക്കപ്പെടുന്നു.

സനാതന ധർമ്മത്തിൽ ദേവീദേവന്മാരെ ആരാധിക്കുന്നു. ഭക്തർ ദേവീദേവന്മാരുടെ ചിത്രങ്ങളോ വി​ഗ്രഹങ്ങളോ വീടുകളിലോ ക്ഷേത്രങ്ങളിലോ സൂക്ഷിക്കുകയും ദിവസവും ഭക്തിയോടെ ആരാധിക്കുകയും ചെയ്യുന്നു. എന്നാൽ, ശനിദേവന്റെ വി​ഗ്രഹം വീട്ടിൽ സൂക്ഷിക്കുന്നത് അശുഭകരമായാണ് കണക്കാക്കുന്നത് ഇതിന്റെ കാരണം എന്തെന്ന് അറിയാമോ?

ഇതിന് പിന്നിൽ ഒരു കഥയുള്ളതായി പുരാണങ്ങളിൽ പറയുന്നു. ശനിദേവൻ ശ്രീകൃഷ്ണ ഭക്തനാണ്. ശനി എപ്പോഴും തന്റെ ദൈവത്തെ ആരാധിക്കുന്നതിൽ മുഴുകിയിരുന്നു. ഒരിക്കൽ ശനിദേവന്റെ ഭാര്യ ശനിദേവനെ കാണാൻ പോയി. ആ സയമത്തും ശനിദേവൻ കൃഷ്ണഭക്തിയിൽ ലയിച്ചിരുന്നു. ഭാര്യ പലതവണ ശ്രമിച്ചിട്ടും ശനിദേവന്റെ ഏകാ​ഗ്രത തകർക്കാൻ സാധിച്ചില്ല. ഇത് കണ്ട ഭാര്യ ശനിദേവനെ ശപിച്ചു.

ശനിദേവന്റെ ദൃഷ്ടി ആരുടെയെങ്കിലും മേൽ പതിച്ചാൽ അവർക്ക് ശുഭഫലങ്ങളൊന്നും ഉണ്ടാകില്ലെന്നും അവർക്ക് ഒരിക്കലും നല്ല ഫലങ്ങൾ ഉണ്ടാകില്ലെന്നും ശപിച്ചു. ശാപത്തിന് ശേഷം ശനിദേവന് തെറ്റ് മനസ്സിലായെങ്കിലും ശാപം തിരിച്ചെടുക്കാൻ ഭാര്യയ്ക്ക് ശക്തിയുണ്ടായിരുന്നില്ല.

ഇതിന് ശേഷം ശനിദേവൻ കണ്ണുകൾ താഴ്ത്തിയാണ് നടക്കുന്നതെന്നാണ് വിശ്വാസം. തന്റെ നോട്ടം ആരുടെ മേലും പതിക്കാതിരിക്കാനും ആർക്കും അശുഭകരമായ കാര്യങ്ങൾ സംഭവിക്കുകയും ചെയ്യാതിരിക്കാനാണ് കണ്ണുകൾ താഴ്ത്തി നടക്കുന്നത്.

അതിനാൽ ശനിദേവന്റെ ദൃഷ്ടിപതിയാതെ നോക്കണം. വി​ഗ്രഹമോ ചിത്രമോ സ്ഥാപിക്കുമ്പോൾ ദൃഷ്ടി പതിയാതിരിക്കാനും ശ്രദ്ധിക്കണം. അതുകൊണ്ടാണ് മിക്ക ക്ഷേത്രങ്ങളിലും ശനിദേവന്റെ വി​ഗ്രഹത്തിന് പകരം ശിലാരൂപത്തെ ആരാധിക്കുന്നത്. ശനിദേവന്റെ കണ്ണുകളിലേക്ക് ഒരിക്കലും നോക്കരുതെന്നും എപ്പോഴും പാദ ദർശനം മാത്രം നടത്തി അനു​ഗ്രഹം തേടണമെന്നുമാണ് വിശ്വാസം.