Indications of Wealth Gain: സമ്പത്തിന്‍റെ വരവിനെ സൂചിപ്പിക്കും സൂര്യാസ്തമയത്തിന് ശേഷമുള്ള ഈ അടയാളങ്ങൾ

Indications of Wealth Gain: ഹൈന്ദവ വിശ്വാസത്തില്‍ ലക്ഷ്മി ദേവിയെ സമ്പത്തിന്‍റെയും ഐശ്വര്യത്തിന്‍റെയും  മഹത്വത്തിന്‍റെയും സന്തോഷത്തിന്‍റെയും സമൃദ്ധിയുടെയും ദേവതയായി കണക്കാക്കുന്നു. അതുകൊണ്ട് തന്നെ ലക്ഷ്മി ദേവിയുടെ അനുഗ്രഹം നിലനിൽക്കുന്ന വീടിന് ഒരിക്കലും സാമ്പത്തിക പ്രതിസന്ധി ഉണ്ടാകില്ല. 

ലക്ഷ്മി ദേവി കുടികൊള്ളുന്ന വീട്ടിൽ ഒരിക്കലും സമ്പത്തിന് ഒരു കുറവും ഉണ്ടാകില്ല. എന്നാൽ, ലക്ഷ്മി ദേവിയുടെ   സ്വഭാവം ചഞ്ചലമാണ്. അതുകൊണ്ട് ദേവി ഒരിടത്ത് സ്ഥിരമായി ഇരിക്കുന്നില്ല. ലക്ഷ്മി ദേവി നമ്മുടെ വീട്ടില്‍ സ്ഥിരമായി വസിക്കണമെന്ന് ആഗ്രഹിക്കുന്നവരാണ് ഏവരും. അതിനായി പല നടപടികളും ജ്യോതിഷത്തില്‍ നിര്‍ദ്ദേശിച്ചിട്ടുണ്ട്.  

നമ്മുടെ വീടുകളില്‍ ലക്ഷ്മി ദേവിയുടെ ആഗമനം അല്ലെങ്കില്‍ സമ്പത്തിന്‍റെ വരവ് സൂചിപ്പിക്കുന്ന ചില അടയാളങ്ങള്‍ ജ്യോതിഷത്തില്‍ പറയുന്നുണ്ട്. സൂര്യാസ്തമയത്തിന് ശേഷം ഈ അടയാളങ്ങൾ വീട്ടിൽ കണ്ടാൽ, നിങ്ങളുടെ വീട്ടില്‍ ലക്ഷ്മി ദേവി അനുഗ്രഹം ചൊരിയാൻ പോകുകയാണെന്ന് മനസ്സിലാക്കാം, അത്തരം ചില ശുഭസൂചനകളെ കുറിച്ച് മനസ്സിലാക്കാം.

പക്ഷിക്കൂട്:  നിങ്ങളുടെ വീട്ടിൽ പക്ഷികള്‍ കൂട് ഉണ്ടാക്കുന്നത് ശുഭസൂചനയാണ്. ഇത്തരത്തില്‍ കിളികള്‍ കൂട് ഉണ്ടാക്കുന്നതിനർത്ഥം ഉടൻ തന്നെ നിങ്ങൾക്ക് എവിടെ നിന്നെങ്കിലും അപ്രതീക്ഷിത പണം ലഭിക്കുമെന്നാണ്.

സ്വപ്നത്തിൽ ഇവ കാണുന്നത്: ചൂൽ, ശംഖ്, പാമ്പ്, പല്ലി, മൂങ്ങ, ഓടക്കുഴൽ, താമര അല്ലെങ്കിൽ റോസാപ്പൂവ്, കുടം തുടങ്ങിയവ സ്വപ്നത്തിൽ കാണുന്നത് ശുഭമായി കണക്കാക്കുന്നു. ഇത് സമ്പത്ത് നേടുന്നതിന്‍റെ അടയാളമാണ്.

കറുത്ത ഉറുമ്പുകളുടെ കൂട്ടം: വീട്ടിൽ കറുത്ത ഉറുമ്പുകളുടെ കൂട്ടം കാണുന്നത് വളരെ ശുഭകരമായി കണക്കാക്കപ്പെടുന്നു. ഒരു കൂട്ടം കറുത്ത ഉറുമ്പുകളെ കണ്ടാൽ അവയെ ഉപദ്രവിക്കരുത്. പകരം മാവ് അല്ലെങ്കിൽ പഞ്ചസാര പോലുള്ളവ കഴിക്കാൻ നൽകുക. ലക്ഷ്മി ദേവി നിങ്ങളില്‍ പ്രസാദിച്ചിരിക്കുന്നുവെന്നും നിങ്ങളുടെ മേല്‍ ദേവി അനുഗ്രഹം വര്‍ഷിക്കാന്‍ പോകുന്നു എന്നുമാണ് ഉറുമ്പുകളുടെ കൂട്ടം നല്‍കുന്ന സൂചന. 

പല്ലിയെ കണ്ടാൽ: പല്ലിയെ കണ്ടാൽ ആളുകൾ പേടിക്കും. എന്നാൽ, പല്ലിയെ വീട്ടില്‍ കാണുന്നത് വളരെ ശുഭകരമായി കണക്കാക്കപ്പെടുന്നു. പ്രത്യേകിച്ച് സൂര്യാസ്തമയത്തിനു ശേഷം വീട്ടിൽ മൂന്ന് പല്ലികളെ ഒരുമിച്ച് കാണുന്നത് ലക്ഷ്മി ദേവിയുടെ ആഗമനത്തിന്‍റെ ശുഭ സൂചനയാണ്.