IRCTC Travel Insurance Update: IRCTC പോർട്ടലിൽ ട്രെയിൻ ടിക്കറ്റ് ബുക്ക് ചെയ്യുന്നവര്‍ക്ക് 10 ലക്ഷം രൂപയുടെ ഇൻഷുറൻസ് പരിരക്ഷ!!
IRCTC പോർട്ടലിൽ ട്രെയിൻ ടിക്കറ്റ് ബുക്ക് ചെയ്യുന്ന യാത്രക്കാർക്ക് ഇപ്പോൾ സ്വയമേവ 10 ലക്ഷം രൂപയുടെ ഇൻഷുറൻസ് പരിരക്ഷ ലഭിക്കും. അതായത്, റെയില്‍വേ നല്‍കുന്ന ഇൻഷുറൻസ് പരിരക്ഷ ആവശ്യമില്ലാത്തവർ ഉചിതമായ ബട്ടണിൽ ക്ലിക്ക് ചെയ്ത് ഒഴിവാക്കണം.
IRCTC Railway Travel Insurance: ഒഡീഷയിലെ ബാലസോറിൽ മൂന്ന് ട്രെയിനുകൾ കൂട്ടിയിടിച്ച് മുന്നൂറോളം പേരുടെ മരണത്തിനിടയാക്കിയ സംഭവം രാജ്യത്തെ ഞെട്ടിച്ചിരുന്നു. ഇന്ത്യന്‍ റെയില്‍വേയുടെ തിളക്കമാര്‍ന്ന നേട്ടങ്ങള്‍ ദിനം പ്രതി വാര്‍ത്തകളില്‍ ഇടം പിടിയ്ക്കുന്ന അവസരത്തിലാണ് രാജ്യത്തെ ഞടുക്കിയ ഈ സംഭവം ഉണ്ടാകുന്നത്. എന്നാല്‍ അതോടെ ട്രെയിന്‍ യാത്രയില്‍ ഇൻഷുറൻസ് പരിരക്ഷയും ചര്‍ച്ചയായി മാറിയിരുന്നു.
Also Read: Opposition Meeting Update: പുതിയ സഖ്യത്തിന്‍റെ അദ്ധ്യക്ഷയായി സോണിയ ഗാന്ധിയെ നിര്‍ദ്ദേശിച്ച് പാര്‍ട്ടികള്‍!!
ഇന്നും ആളുകള്‍ ഏറ്റവും സുരക്ഷിതമായതും ആസ്വാദ്യകരവുമായ ഗതാഗത മാർഗമായി ട്രെയിന്‍ യാത്ര കണക്കാക്കപ്പെടുന്നു. എന്നാല്‍, കഴിഞ്ഞ മാസം ട്രെയിന്‍ അപകടം ഏറെ ഭീതി പടര്‍ത്തുന്നതായിരുന്നു. ഈ അവസരത്തില്‍ സുരക്ഷിതമായ ട്രെയിന്‍ യാത്ര ഏവരും ആഗ്രഹിക്കും. എന്നാല്‍, നിങ്ങളുടെ യാത്ര സുരക്ഷിതമാക്കാനുള്ള എല്ലാ ഉറപ്പ് ഇന്ത്യന്‍ റെയില്‍വേ നല്‍കുന്നുണ്ട് എന്നതാണ് വസ്തുത. അതായത്, നിങ്ങളുടെ ട്രെയിന്‍ യാത്രയ്ക്ക് ഇൻഷുറൻസും ഇന്ത്യൻ റെയിൽവേ വാഗ്ദാനം ചെയ്യുന്നു..!!
ഐആർസിടിസിയുടെ ഔദ്യോഗിക വെബ്സൈറ്റ് വഴിയോ മൊബൈൽ ആപ്ലിക്കേഷൻ വഴിയോ ടിക്കറ്റ് ബുക്ക് ചെയ്യുമ്പോൾ ഉപഭോക്താക്കൾക്ക് ഇൻഷുറൻസും തിരഞ്ഞെടുക്കാനുള്ള അവരസരം ലഭിച്ചിരുന്നു. വെറും 0.35 പൈസ പ്രീമിയത്തിലാണ് ഇൻഷുറൻസ് ലഭ്യമായിരുന്നത്. ഐആർസിടിസിയുടെ ഔദ്യോഗിക വെബ്സൈറ്റ് വഴിയോ മൊബൈൽ ആപ്ലിക്കേഷൻ വഴിയോ ടിക്കറ്റ് ബുക്ക് ചെയ്യുന്ന ഇന്ത്യൻ യാത്രക്കാർക്ക് റിസർവേഷൻ നടത്തുമ്പോൾ തന്നെ ട്രിപ്പ് ഇൻഷുറൻസ് തിരഞ്ഞെടുക്കാനുള്ള അവസരം ആണ് ഉണ്ടായിരുന്നത്.
എന്നാല്‍, ഈ നിയമത്തില്‍ മാറ്റം വരുത്തിയിരിയ്ക്കുകയാണ് ഇന്ത്യന്‍ റെയില്‍വേ. അതായത്, IRCTC പോർട്ടലിൽ ട്രെയിൻ ടിക്കറ്റ് ബുക്ക് ചെയ്യുന്ന യാത്രക്കാർക്ക് ഇപ്പോൾ സ്വയമേവ 10 ലക്ഷം രൂപയുടെ ഇൻഷുറൻസ് പരിരക്ഷ ലഭിക്കും. അതായത്, റെയില്‍വേ നല്‍കുന്ന ഇൻഷുറൻസ് പരിരക്ഷ ആവശ്യമില്ലാത്തവർ ഉചിതമായ ബട്ടണിൽ ക്ലിക്ക് ചെയ്ത് ഒഴിവാക്കണം.
കൗതുകകരമെന്നു പറയട്ടെ, 10 ലക്ഷം രൂപയുടെ വ്യക്തിഗത അപകട ഇൻഷുറൻസ് പരിരക്ഷയ്ക്ക് ഈടാക്കുന്ന പ്രീമിയം തുച്ഛമായ രൂപ 0.35 പൈസയാണ്. യാത്രയ്ക്കിടെ ട്രെയിൻ അപകടം മൂലമുള്ള മരണം/വൈകല്യങ്ങൾ/ചികിത്സാ ചെലവുകൾ എന്നിവ ഈ പോളിസി കവർ ചെയ്യുന്നു.
ഈ ഇൻഷുറൻസ് പരിരക്ഷ നൽകുന്നത് രണ്ട് നോൺ-ലൈഫ് ഇൻഷുറർമാരാണ് - എസ്ബിഐ ജനറൽ ഇൻഷുറൻസ് കമ്പനി ലിമിറ്റഡ്, ലിബർട്ടി ജനറൽ ഇൻഷുറൻസ് കമ്പനി ലിമിറ്റഡ് എന്നിവയാണ് ട്രെയിന്‍ യാത്രക്കാര്‍ക്ക് ഇൻഷുറൻസ് പരിരക്ഷ നൽകുന്നത്.
ആർക്കൊക്കെ ഐആർസിടിസി ട്രാവൽ ഇൻഷുറൻസ് തിരഞ്ഞെടുക്കാം? (Who Can Opt for IRCTC Travel Insurance?)
ഐആർസിടിസിയുടെ ഔദ്യോഗിക വെബ്സൈറ്റ് വഴിയോ മൊബൈൽ ആപ്ലിക്കേഷൻ വഴിയോ ടിക്കറ്റ് ബുക്ക് ചെയ്യുന്ന ഇന്ത്യൻ യാത്രക്കാർക്ക് റിസർവേഷൻ നടത്തുമ്പോൾ തന്നെ ട്രിപ്പ് ഇൻഷുറൻസ് എടുക്കാൻ തിരഞ്ഞെടുക്കാം. എന്നിരുന്നാലും, വിദേശികൾക്കും 5 വയസ്സിന് താഴെയുള്ള കുട്ടികൾക്കും ഇതിന് അർഹതയില്ല
IRCTC ട്രാവൽ ഇൻഷുറൻസിന്‍റെ നേട്ടങ്ങൾ എന്തെല്ലാമാണ്? (Benefits Of IRCTC Travel Insurance)
IRCTC ട്രാവൽ ഇൻഷുറൻസ് പോളിസി ഓരോ യാത്രക്കാരനെയും പ്രത്യേക PNR-ന് കീഴിൽ ഒരു റെയിൽ അപകടത്തെത്തുടർന്ന് അല്ലെങ്കിൽ അനിഷ്ട സംഭവങ്ങളെ തുടർന്ന് താഴെപ്പറയുന്ന സംഭവങ്ങളിൽ പരിരക്ഷ നല്‍കുന്നു.
മരണം - 10,00,000 രൂപ വരെ
സ്ഥിരമായ അംഗ വൈകല്യം: 10,00,000 രൂപ വരെ
സ്ഥിരമായ ഭാഗിക വൈകല്യം: 10,00,000 രൂപ വരെ
പരിക്കുകൾക്കുള്ള ആശുപത്രി ചെലവ്: 2,00,000 രൂപ വരെ
മൃതദേഹങ്ങല്‍ വ്യക്തിയുടെ സ്ഥലത്ത് എത്തിയ്ക്കുക 10,000 രൂപ വരെ
കൂടാതെ തീവ്രവാദവും വിനാശകരവുമായ ആക്രമണങ്ങൾ, കവർച്ച അല്ലെങ്കിൽ കൊള്ളയടിക്കൽ, കലാപം, ഏതെങ്കിലും യാത്രക്കാരന്‍റെ ആകസ്മികമായ വീഴ്‌ച തുടങ്ങിയ അനിഷ്ട സംഭവങ്ങളും ട്രാവൽ ഇൻഷുറൻസ് പരിരക്ഷിക്കുന്നു.
ഐആർസിടിസി ട്രാവൽ ഇൻഷുറൻസ് എങ്ങനെ ലഭിക്കും? (How To Avail IRCTC Travel Insurance?)
മുമ്പ് സൂചിപ്പിച്ചതുപോലെ, IRCTC വെബ്സൈറ്റ് വഴിയോ അപേക്ഷയിലൂടെയോ മാത്രം ഇ-ടിക്കറ്റ് ബുക്ക് ചെയ്യുന്ന ഇന്ത്യൻ പൗരന്മാർക്ക് മാത്രമേ ഈ സ്കീം ബാധകമാകൂ. യാത്രക്കാർ ഇൻഷുറൻസ് തിരഞ്ഞെടുക്കുകയാണെങ്കിൽ, ക്ലെയിം/ബാധ്യത ഇൻഷ്വർ ചെയ്ത വ്യക്തിക്കും ഇൻഷുറൻസ് കമ്പനിക്കും ഇടയിലായിരിക്കും. ഇൻഷുറൻസ് കമ്പനികളിൽ ലിബർട്ടി ജനറൽ ഇൻഷുറൻസ് ലിമിറ്റഡും എസ്ബിഐ ജനറൽ ഇൻഷുറൻസ് കമ്പനി ലിമിറ്റഡും ഉൾപ്പെടുന്നുവെന്ന് ഐആർസിടിസി വിജ്ഞാപനത്തിൽ പറയുന്നു.
ഇൻഷ്വർ ചെയ്ത സംഭവം നടന്ന തീയതി മുതൽ 4 മാസത്തിനുള്ളിൽ, ഇൻഷ്വർ ചെയ്തയാളോ അവന്‍റെ/അവളുടെ നോമിനിയോ അല്ലെങ്കില്‍ നിയമപരമായ അവകാശിയോ ക്ലെയിം ഫോമും മറ്റ് രേഖകളുടക്കം ഇൻഷുറൻസ് കമ്പനിക്ക് രേഖാമൂലം സമർപ്പിക്കണം. ഇൻഷുറൻസ് ക്ലെയിമുമായി ബന്ധപ്പെട്ട് ന്യായമായ എല്ലാ വിവരങ്ങളും തെളിവുകളും ഇൻഷുറൻസ് കമ്പനിക്ക് ഇൻഷ്വർ ചെയ്തയാളോ അവന്‍റെ നോമിനിയോ നിയമപരമായ അവകാശിയോ നൽകണം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...