Credit Score | നിങ്ങളുടെ ക്രെഡിറ്റ് സ്കോർ മൈനസാണോ? കൂട്ടാൻ വഴിയുണ്ട്

മികച്ച CIBIL സ്കോർ ഉണ്ടായാൽ മാത്രമെ ഏറ്റവും കുറഞ്ഞ പലിശ നിരക്കിൽ ഭവനവായ്പ, കാർ ലോൺ, വ്യക്തിഗത വായ്പ എന്നിവ ലഭിക്കുകയുള്ളു. ഇന്നത്തെ കാലത്ത് ഒരു നല്ല ക്രെഡിറ്റ് സ്കോർ ഉണ്ടാക്കുക എന്നത് വളരെ ബുദ്ധിമുട്ടാണ്. ഒരു ചെറിയ പിഴവ് പോലും നിങ്ങളുടെ ക്രെഡിറ്റ് സ്കോർ ഗണ്യമായി കുറയ്ക്കും. ഇത്തരത്തിൽ നിങ്ങളുടെ ക്രെഡിറ്റ് സ്കോർ ശക്തിപ്പെടുത്താൻ കഴിയുന്ന വഴികൾ പരിശോധിക്കാം

അനാവശ്യ എൻക്വയറികൾ

നിങ്ങൾ ഏതെങ്കിലും ബാങ്കിലോ NBFC കമ്പനിയിലോ ലോണിനായി അന്വേഷിക്കുമ്പോഴെല്ലാം, നിങ്ങളുടെ ക്രെഡിറ്റ് റിപ്പോർട്ട് ബാങ്കോ, അതാത് NBFCയോ പരിശോധിക്കും. ഇക്കാരണത്താൽ, ആവർത്തിച്ചുള്ള വായ്പാ അന്വേഷണങ്ങൾ ഒഴിവാക്കണം.

കൃത്യസമയത്ത് EMI അടയ്ക്കുക

ഒരു നല്ല ക്രെഡിറ്റ് സ്കോർ നിലനിർത്താനുള്ള എളുപ്പവഴി നിങ്ങളുടെ EMI-കൾ കൃത്യസമയത്ത് അടക്കുക എന്നതാണ്. ഇതിന് നിങ്ങളുടെ ബാങ്ക് അക്കൗണ്ടിൽ നിന്ന് ഓട്ടോ ഡെബിറ്റ് ഓപ്ഷൻ തിരഞ്ഞെടുക്കാം. ഇതുവഴി ഇഎംഐ കൃത്യമായിരിക്കും

കുറഞ്ഞ ക്രെഡിറ്റ് കാർഡ് പരിധി

ക്രെഡിറ്റ് കാർഡ് പരിധിയുടെ 40 ശതമാനം വരെ ഉപയോഗിക്കാം. നിങ്ങളുടെ ക്രെഡിറ്റ് പരിധി കവിഞ്ഞാൽ, നിങ്ങളെ ക്രെഡിറ്റ് ഹാംഗ് ആയി കണക്കാക്കുകയും നിങ്ങളുടെ ക്രെഡിറ്റ് സ്കോർ പ്രതികൂലമായി ബാധിക്കുകയും ചെയ്യും.

സുരക്ഷിതമല്ലാത്ത വായ്പ എടുക്കരുത്

നിങ്ങൾ സുരക്ഷിതമല്ലാത്ത വായ്പകൾ ആവർത്തിച്ച് എടുക്കുകയാണെങ്കിൽ, ഇത് നിങ്ങളുടെ ക്രെഡിറ്റ് സ്കോർ കുറയ്ക്കുകയും ചെയ്യും. ഇതുമൂലം, ബാങ്കുകളുടെ ദൃഷ്ടിയിൽ നിങ്ങളെ സാമ്പത്തികമായി അസ്ഥിരനായ വ്യക്തിയായി കണക്കാക്കുകയും നിങ്ങളുടെ ക്രെഡിറ്റ് സ്കോർ കുറയുകയും ചെയ്യും. ഇക്കാരണത്താൽ, വ്യക്തിഗത വായ്പകൾ വലിയ ആവശ്യം ഉള്ളപ്പോൾ മാത്രമേ എടുക്കാവൂ.

വായ്പ നേരത്തെ തിരിച്ചടയ്ക്കുക

ലോൺ തുടരുകയാണെങ്കിൽ, കാലാവധി പൂർത്തിയാകുന്നതിന് മുമ്പ് അത് മുഴുവൻ തിരിച്ചടച്ചിരിക്കണം. ഇത് ബാങ്കുകളിൽ നിങ്ങളുടെ വിശ്വാസ്യത വർദ്ധിപ്പിക്കും നിങ്ങളുടെ ക്രെഡിറ്റ് സ്‌കോറിൽ നല്ല സ്വാധീനം ചെലുത്തുകയും ചെയ്യുന്നു.