Ladoo Giveaway: ലഡു കൈയിലുണ്ടോ ലഡു....? ട്രെൻഡിങ്ങായി ഗൂഗിൾ പേ ദീപാവലി ഓഫർ

എല്ലാ ഫെസ്റ്റിവൽ സീസണുകളിലും വ്യത്യസ്ത ഓഫറുകളുമായി നമ്മുടെ സോഷ്യൽ മീഡിയ ആപ്പുകളും സൈറ്റുകളും കളം നിറയാറുണ്ട്. അത്തരം ആഘോഷങ്ങളിൽ ​ഏറ്റവും മുൻപന്തിയിൽ തന്നെയാണ് ഗൂ​ഗുൾ പേയുടെ സ്ഥാനം. ഇത്തവണയും പതിവ് തെറ്റിച്ചിട്ടില്ല. 

പതിവിൽ നിന്ന് വ്യത്യസ്തമായ ഒരു ല‍‍ഡു ക്യാംപെയിനുമായാണ് ​ഗൂ​ഗുൾ പേയുടെ ഇത്തവണത്തെ ദീപാവലി ആഘോഷം. അതിന്റെ ഭാഗമായി സോഷ്യൽ മീഡിയ ആകെ ലഡുവിന് വേണ്ടി ആളുകൾ നെട്ടോട്ടം ഓടുകയാണ്. ആറ് ലഡുകൾ സ്വന്തമാക്കുന്നവർക്ക് 1000 രൂപ വരെയുള്ള ക്യാഷ്ബാക്കാണ് സമ്മാനമായി പ്രഖ്യാപിച്ചിരിക്കുന്നത്.

ഒക്ടോബർ ഒന്നു മുതൽ നവംബർ ഏഴ് വരെയാണ് ​ഗൂ​ഗുൾ പേ ദീപാവലി ക്യാംപെയ്ൻ. ലഡു കൊടുത്തും വാങ്ങിയും പൈസ നേടാമെന്നതാണ് ഈ ക്യാംപെയ്ന്റെ പ്രത്യേകത. 50 രൂപ മുതൽ ആയിരത്തൊന്ന് രൂപ വരെ കിട്ടിയവരുണ്ട്. 

കളർ , ഡിസ്കോ, ട്വിങ്കിൾ , ട്രെൻഡി,ഹുഡി,ദോസ്തി എന്നാണ് ലഡ്ഡുവിന്റെ പേരുകൾ. ദീപാവലി സ്പെഷ്യൽ ലഡു കിട്ടാനായി ​ഗൂ​ഗുൾ പേയിൽ മിനിമം 100 രൂപയുടെ ട്രാൻസാക്ഷൻ എങ്കിലും നടത്തണം. മർച്ചന്റ് പേയ്മെന്റ് , മൊബൈൽ റീചാർജിങ് , അല്ലെങ്കിൽ മറ്റുള്ളവർക്ക് പണം അയച്ചു കൊടുക്കുക അങ്ങനെ വിവിധ മാർഗങ്ങളിലൂടെ ലഡു ലഭിക്കും.

മറ്റുള്ളവർക് ലഡു ഗിഫ്റ്റ് ചെയ്യാനും ലഡുവിനായി റിക്വസ്റ്റ് ചെയ്യാനും പറ്റും. അതിനാൽ തന്നെ ചാറ്റ് ബോക്സുകളിൽ എല്ലാം ആളുകൾ ലഡുവിനെ അന്വേഷിച്ച് നടക്കുകയാണ്.