Gold Rate Today : തുടർ വില വർധനയ്ക്കിടെ സ്വർണവില കുത്തനെ ഇടിഞ്ഞു; ഇന്നത്തെ വില നോക്കാം

Gold Price Today 9.12.2023 : സ്വർണം വാങ്ങിക്കാൻ ആഗ്രഹിക്കുന്നവർക്ക് വീണ്ടും ആശ്വാസം നൽകി ഇന്നത്തെ സ്വർണവില. കഴിഞ്ഞ രണ്ട് ദിവസത്തെ വില വർധനയ്ക്ക് പിന്നാലെ ഇന്ന് ഡിസംബർ ഒമ്പതാം തീയതി സംസ്ഥാനത്തെ സ്വർണവിലയിൽ കുത്തനെ ഇടിവാണ് രേഖപ്പെടുത്തിയിരിക്കുന്നത്. കഴിഞ്ഞ ദിവസങ്ങളിൽ തുടർച്ചയായി വില വർധിച്ച് 46,000ത്തിലേക്ക് സ്വർണനിരക്ക് ഇന്ന് തിരികെ 45,000ത്തിൽ എത്തി. ഈ മാസം രേഖപ്പെടുത്തുന്ന ഏറ്റവും കുറഞ്ഞ സ്വർണനിരക്കാണിത്. തുടർച്ചയായി റെക്കോർഡുകൾ സ്ഥാപിച്ച് സംസ്ഥാനത്തെ സ്വർണവില പൊള്ളുന്ന നിലയ്ക്കെത്തിയതിന് പിന്നാലെയാണ് പൊന്നിന്റെ വില ഈ ആശ്വാസ നിരക്കിലേക്ക് തിരികെയെത്തിയിരിക്കുന്നത്. ഇനിയും സ്വർണനിരക്ക് കുറയുമെന്ന പ്രതീക്ഷയിലാണ് വ്യാപാരികളും ഉപയോക്താക്കളും.

ഇന്നത്തെ സ്വർണവില

ഒരു ഗ്രാം സ്വർണത്തിന് ഇന്ന് 55 രൂപയാണ് കുറഞ്ഞത്. പവന് 3440 രൂപ ഇടിഞ്ഞു. ഒരു ഗ്രാം സ്വർണത്തിന്റെ ഇന്നത്തെ നിരക്ക് 5,715 രൂപയാണ്. ഒരു പവന് (എട്ട് ഗ്രാം) ഈടാക്കുന്നത് 45,720 രൂപയുമാണ്.

ഡിസംബർ മാസത്തിലെ സ്വർണവില (പവൻ നിരക്കിൽ)

ഡിസംബർ 1 - 46,160 രൂപ 

ഡിസംബർ 2 - 46,760 രൂപ 

ഡിസംബർ 3- 46,760 രൂപ

ഡിസംബർ 4 - 47,080 രൂപ (ഡിസംബർ മാസത്തിലെ ഏറ്റവും ഉയർന്ന നിരക്ക്. സ്വർണവിലയിൽ രേഖപ്പെടുത്തുന്ന സർവ്വകാല റെക്കോർഡ്)

ഡിസംബർ 5 - 46,280 രൂപ

ഡിസംബർ 6 - 45,960 രൂപ 

ഡിസംബർ 7 - 46,040 രൂപ

ഡിസംബർ 8- 46,160 രൂപ

ഡിസംബർ 9- 45,720 രൂപ (ഡിസംബർ മാസത്തിലെ ഏറ്റവും കുറഞ്ഞ നിരക്ക്)

*മുകളിൽ നൽകിയിരിക്കുന്നത് വില സൂചകം മാത്രമാണ്. ഇതിൽ ജിഎസ്ടി, ടിസിഎസ് തുടങ്ങിയ നികുതികൾ ഉൾപ്പെടുത്തില്ല. പണിക്കൂലി തുടങ്ങിയ ഉൾപ്പെടുത്തി സ്വർണത്തിന്റെ ഇനിയും വർധിക്കുന്നതാണ്. സ്വർണത്തിന്റെ കൃത്യമായ വില അറിയണമെങ്കിൽ ജ്യൂവലറി കടയുമായി ബന്ധപ്പെടുക.

സ്വർണത്തിനൊപ്പം ഇന്ന് വെള്ളിയുടെ വിലയിലും കുത്തനെ ഇടിവ് രേഖപ്പെടുത്തി. ഒരു ഗ്രാം വെള്ളിക്ക് രണ്ട് രൂപയാണ് കുറഞ്ഞത്. ഒരു ഗ്രാം വെള്ളിയുടെ ഇന്നത്തെ വില 78 രൂപയാണ്.