Leave Encashment Tax : സ്വകാര്യ മേഖലയിലെ ജീവനക്കാർക്ക് ആശ്വാസ വാർത്ത; ലീവ് എൻക്യാഷ്മെന്റിന്റെ നികുതി ഇളവ് പരിധി ഉയർത്തി
Leave Encashment Income Tax Exemption : 3 ലക്ഷത്തിൽ നിന്നും 25 ലക്ഷമായിട്ടാണ് നികുതി ഇളവ് പരിധി ഉയർത്തിയിരിക്കുന്നത്
സ്വകാര്യ മേഖലയിൽ ജോലിയിൽ നിന്നും വിരമിക്കുന്ന സ്ഥിരം ശമ്പളക്കാരായ ജീവനക്കാർക്ക് ലീവ് എൻക്യാഷ്മെന്റ് സമയത്ത് നികുതി ഇളവ് പരിധി ഉയർത്തി ധനകാര്യ മന്ത്രാലയം. മൂന്ന് ലക്ഷത്തിൽ നിന്നും 25 ലക്ഷമായി കേന്ദ്രം നികുതി പരിധി ഉയർത്തിയിരിക്കുന്നത്. ഈ പരിധി ഉയർത്തുമെന്ന് കേന്ദ്ര ധനകാര്യ മന്ത്രി നിർമല സീതാരാമൻ 2023 ബജറ്റ് പ്രസംഗത്തിൽ അറിയിച്ചിരുന്നു. 2002ലായിരുന്നു ലീവ് എൻക്യാഷ്മെന്റിന്റെ നികുതി ഇളവ് മൂന്ന് ലക്ഷമാക്കിയത്. അന്ന് സർക്കാർ നൽകുന്ന ഉയർന്ന പ്രതിമാസ അടസ്ഥാന ശമ്പളം 30,000 രൂപയായിരുന്നു
ഈ പ്രഖ്യാപനത്തോടെ, സർക്കാർ ഇതര ശമ്പളമുള്ള ജീവനക്കാരുടെ ലീവ് എൻക്യാഷ്മെന്റിന്റെ നികുതി ഇളവ്, സൂപ്പർആനുവേഷനും അല്ലാതെയും വിരമിക്കുന്ന സമയത്ത് ശേഷിക്കുന്ന സമ്പാദിച്ച ലീവിന്റെ കാലയളവിലേക്ക് ഉയരും.
സർക്കാർ ഇതര ശമ്പളമുള്ള ജീവനക്കാരുടെ റിട്ടയർമെന്റിന് ശേഷമുള്ള ലീവ് എൻക്യാഷ്മെന്റിന്റെ നികുതി ഇളവ് 25 ലക്ഷം രൂപയായി ഉയർത്തിയതായി ധനകാര്യ മന്ത്രാലയം ഔദ്യോഗിക വാർത്തക്കുറിപ്പിലൂടെ അറിയിച്ചു. അതേസമയം ലീവ് എൻക്യാഷ്മെന്റിന്റെ ആകെ തുക 25 ലക്ഷത്തിൽ അധികമാകാൻ പാടില്ല. മുൻ വർഷങ്ങളിലെ പോലെ ഒന്നിലധികം തൊഴിലുടമകളിൽ നിന്ന് ഒരു സർക്കാരിതര ജീവനക്കാരൻ തമ്മിലുള്ള ഇടപാടുകൾക്ക് ഈ പരിധി പ്രത്യേകിച്ചും ബാധകമാണ്.
ഈ നീക്കം സർക്കാരിതര ജീവനക്കാർക്ക് ഗുണം ചെയ്യും, കാരണം കാലാകാലങ്ങളിൽ സഞ്ചിത ലീവ് ബാലൻസുകൾക്കെതിരെ അടച്ച ലീവ് എൻകാഷ്‌മെന്റിന് ഉയർന്ന നികുതി ഇളവുകൾ ലഭിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...