LIC WhatsApp Service: എൽഐസി വാട്ട്‌സ്ആപ്പ് സേവനം എങ്ങിനെ ആക്ടീവ് ചെയ്യാം? ഘട്ടം ഘട്ടമായുള്ള പ്രക്രിയ അറിയാം
LIC WhatsApp Service: എൽഐസി വാട്ട്‌സ്ആപ്പ് സേവനത്തിലൂടെ പോളിസി ഉടമകൾക്ക് പ്ലാനുകളുമായി ബന്ധപ്പെട്ട വിവരങ്ങളും സേവനങ്ങളും ഔദ്യോഗിക എൽഐസി വാട്ട്‌സ്ആപ്പ് ചാറ്റ്‌ബോട്ടിലൂടെ അതിവേഗം നേടാന്‍ കഴിയും.
LIC WhatsApp Service: സ്റ്റേറ്റ് ബാങ്ക് ഓഫ് ഇന്ത്യയ്ക്ക് പിന്നാലെ ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ (Life Insurance Corporation -LIC) യും തങ്ങളുടെ അംഗങ്ങൾക്ക് വാട്ട്‌സ്ആപ്പ് സേവനം ലഭ്യമാക്കിയിരിയ്ക്കുകയാണ്. ഈ സേവനം 24x7 ലഭ്യമാണ്.
എൽഐസി വാട്ട്‌സ്ആപ്പ് സേവനത്തിലൂടെ പോളിസി ഉടമകൾക്ക് പ്ലാനുകളുമായി ബന്ധപ്പെട്ട വിവരങ്ങളും സേവനങ്ങളും ഔദ്യോഗിക എൽഐസി വാട്ട്‌സ്ആപ്പ് ചാറ്റ്‌ബോട്ടിലൂടെ അതിവേഗം നേടാന്‍ കഴിയും. പോളിസി ഉടമകൾക്ക് എൽഐസി വാട്ട്‌സ്ആപ്പിൽ 11-ലധികം സേവനങ്ങല്‍ ലഭിക്കും.
Also Read: 9 Years of PM Modi: ചരിത്രം കുറിച്ച NDA സർക്കാരിന്‍റെ 9 നിർണായക തീരുമാനങ്ങള്‍
വായ്പാ യോഗ്യത, തിരിച്ചടവ് എസ്റ്റിമേറ്റ്, പോളിസി സ്റ്റാറ്റസ്, ബോണസ് വിവരങ്ങൾ, യൂണിറ്റുകളുടെ പ്രസ്താവന, എൽഐസി സേവനങ്ങളിലേക്കുള്ള ലിങ്കുകൾ, പ്രീമിയം അടയ്‌ക്കേണ്ട തീയതികളിലെ അപ്‌ഡേറ്റുകൾ, ലോൺ പലിശ അടയ്‌ക്കേണ്ട തീയതി അറിയിപ്പുകൾ, സർട്ടിഫിക്കറ്റുകൾ എന്നിവ ഉൾപ്പെടെ 11-ലധികം സേവനങ്ങളാണ് ഇപ്പോള്‍ പോളിസി ഉടമകൾക്ക് വാട്ട്‌സ്ആപ്പ് വഴി ലഭിക്കുന്നത്.
എൽഐസി വാട്ട്‌സ്ആപ്പ് സേവനങ്ങൾ എങ്ങനെ സജീവമാക്കാം? (How To Activate LIC WhatsApp services?)
എൽഐസി വാട്ട്‌സ്ആപ്പ് സേവനങ്ങൾ സജീവമാക്കാനായി താഴെപ്പറയുന്ന നടപടിക്രമങ്ങള്‍ സ്വീകരിയ്ക്കുക.
1. എൽഐസിയുടെ ഔദ്യോഗിക വാട്ട്‌സ്ആപ്പ് നമ്പർ നിങ്ങളുടെ ഫോണിൽ സേവ് ചെയ്യുക. എൽഐസി വാട്ട്‌സ്ആപ്പ് സേവനങ്ങളുടെ ഫോൺ നമ്പർ +91 8976862090 ആണ്.
3. ശേഷം നിങ്ങള്‍ LIC യില്‍ രജിസ്റ്റർ ചെയ്തിരിയ്ക്കുന്ന മൊബൈൽ നമ്പറില്‍ നിന്ന് +91 8976862090 എന്ന നമ്പറിലേക്ക് ഒരു 'ഹായ്' അയയ്ക്കുക
4. നിങ്ങൾക്ക് ഇപ്പോൾ 11 സേവനങ്ങളിൽ ഒന്ന് തിരഞ്ഞെടുക്കാനാകും
5. സേവനങ്ങൾ തിരഞ്ഞെടുക്കുന്നതിന് നിങ്ങൾക്ക് നൽകിയിരിക്കുന്ന ഓപ്‌ഷൻ നമ്പർ ഉപയോഗിച്ച് ചാറ്റിൽ മറുപടി നൽകുക --ഉദാ: പ്രീമിയം തീയതിക്ക് 1, ബോണസ് വിവരങ്ങൾക്ക് 2 എന്നിങ്ങനെ...
6. വാട്ട്‌സ്ആപ്പ് ചാറ്റിൽ നിങ്ങളുടെ അന്വേഷണത്തിന്‍റെ വിശദാംശങ്ങൾ എൽഐസി പങ്കിടും
എന്നാല്‍, ഈ സേവനങ്ങൾ ലഭിക്കുന്നതിന്, പോളിസി ഉടമകൾ ആദ്യം എൽഐസിയുടെ ഔദ്യോഗിക സൈറ്റിൽ രജിസ്റ്റർ ചെയ്യണം.
എൽഐസിയുടെ ഔദ്യോഗിക സൈറ്റിൽ രജിസ്റ്റർ ചെയ്യുന്നതിനുള്ള നടപടിക്രമങ്ങള്‍ അറിയാം.
** എൽഐസിയിൽ ഓൺലൈനായി രജിസ്റ്റർ ചെയ്യാം. അതിനായി ആദ്യം www.licindia.in സന്ദര്‍ശിച്ച് "കസ്റ്റമർ പോർട്ടലിൽ" ക്ലിക്ക് ചെയ്യുക.
** ഉപഭോക്തൃ പോർട്ടലിനായി നിങ്ങൾ മുമ്പ് രജിസ്റ്റർ ചെയ്തിട്ടില്ലെങ്കിൽ, "പുതിയ ഉപയോക്താവ്" എന്ന ഓപ്ഷനില്‍ ക്ലിക്ക് ചെയ്യുക
** അടുത്ത സ്ക്രീനിൽ, നിങ്ങൾക്ക് ഇഷ്ടമുള്ള യൂസർ ഐഡിയും പാസ്‌വേഡും തിരഞ്ഞെടുത്ത് സമർപ്പിക്കേണ്ടതുണ്ട്.
** പുതുതായി സൃഷ്‌ടിച്ച ഈ ഉപയോക്തൃ ഐഡിയിലൂടെ ലോഗിൻ ചെയ്‌ത് ‘Basic Services’ - “Add Policy” എന്ന ഓപ്ഷനിൽ ക്ലിക്കുചെയ്യുക.
** നിങ്ങളുടെ ശേഷിക്കുന്ന എല്ലാ പോളിസികളും എൻറോൾ ചെയ്യുക
** ഈ ഘട്ടത്തിൽ നിങ്ങളുടെ എൻറോൾ ചെയ്ത പോളിസികൾക്ക് കീഴിൽ എല്ലാ അടിസ്ഥാന സേവനങ്ങളും ലഭ്യമാകും.
LIC വെബ്സൈറ്റ് പറയുന്നതനുസരിച്ച് പോളിസി ഉള്ള ഏതൊരു ഉപഭോക്താക്കൾക്കും ഈ സേവനങ്ങള്‍ ലഭിക്കാന്‍ അർഹതയുണ്ട്. വളരെ ചെറിയ നടപടി ക്രമത്തിലൂടെ ഉപഭോക്താക്കൾക്ക് LIC ശാഖ സന്ദര്‍ശിക്കുന്നത് ഒഴിവാക്കാം....
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...