ആദായ നികുതി റിട്ടേൺ ലഭിച്ചില്ലേ? റീഫണ്ട് സ്റ്റാറ്റസ് എങ്ങനെ പരിശോധിക്കാം?
മൊത്തം റീഫണ്ടുകളിൽ 59,949 കോടി രൂപ വ്യക്തിഗത ആദായ നികുതിയായും 1,07,099 കോടി രൂപ കോർപ്പറേറ്റ് നികുതിയായും റീഫണ്ട് ചെയ്തതായി വകുപ്പ് ചൂണ്ടിക്കാട്ടി.
രാജ്യത്തുടനീളമുള്ള 1.87 കോടിയിലധികം നികുതിദായകരുടെ ബാങ്ക് അക്കൗണ്ടുകളിലേക്ക് ആദായനികുതി വകുപ്പ് ഇതിനകം 1.67 ലക്ഷം കോടി രൂപ റീഫണ്ട് ചെയ്തിട്ടുണ്ട്. 2022 ഫെബ്രുവരി 7 വരെയുള്ള കണക്കാണിത്. മൊത്തം റീഫണ്ടുകളിൽ 59,949 കോടി രൂപ വ്യക്തിഗത ആദായ നികുതിയായും 1,07,099 കോടി രൂപ കോർപ്പറേറ്റ് നികുതിയായും റീഫണ്ട് ചെയ്തതായി വകുപ്പ് ചൂണ്ടിക്കാട്ടി.
2021 ഏപ്രിൽ 1 മുതൽ 2022 ഫെബ്രുവരി 7 വരെ 1.87 കോടിയിലധികം നികുതിദായകർക്ക് CBDT 1,67,048 കോടി രൂപ റീഫണ്ട് നൽകിയതായാണ് ട്വീറ്റ് ചെയിതിരുന്നത്.
Also Read: Income tax portal issue: ഇൻഫോസിസ് സിഇഒ നേരിട്ട് ഹാജരായി വിശദീകരണം നൽകണമെന്ന് കേന്ദ്രസർക്കാർ
ആദായ നികുതി റീഫണ്ട് നില പരിശോധിക്കുന്നതിനുള്ള ഘട്ടങ്ങൾ:
ആദായനികുതി റീഫണ്ട് നില കണ്ടെത്താൻ നികുതിദായകർ ചുവടെ സൂചിപ്പിച്ച ഘട്ടങ്ങൾ പാലിക്കേണ്ടതുണ്ട്:
ഘട്ടം 1: www.incometax.gov.in എന്ന ഔദ്യോഗിക ആദായനികുതി വെബ്സൈറ്റ് സന്ദർശിക്കുക.
ഘട്ടം 2: യൂസർ ഐഡിയും പാസ്‌വേഡും ഉപയോഗിച്ച് ലോഗിൻ ചെയ്യുക.
ഘട്ടം 3: 'ഇ-ഫയലിംഗ്' വിഭാഗത്തിൽ പോയി 'ഇൻകം ടാക്സ് റിട്ടേൺസ്' ഓപ്ഷൻ തിരഞ്ഞെടുക്കുക.
ഘട്ടം 4: 'വ്യൂ ഫയൽ റിട്ടേൺ' ബട്ടൺ തിരഞ്ഞെടുക്കുക.
ഘട്ടം 5: തുടർന്ന് ITR-ന്റെ വിശദാംശങ്ങൾ നിങ്ങൾക്ക് പരിശോധിക്കാം.
ആദായ നികുതി റിട്ടേണുകൾ ലഭിച്ചില്ലെങ്കിൽ എന്തുചെയ്യണമെന്ന് നോക്കാം:
ഘട്ടം 1: incometax.gov.in എന്ന ഔദ്യോഗിക പോർട്ടൽ സന്ദർശിച്ച് നികുതിദായകർക്ക് അവരുടെ പരാതികൾ രേഖപ്പെടുത്താം.
ഘട്ടം 2: പ്രവൃത്തിദിവസങ്ങളിൽ രാവിലെ 8നും രാത്രി 8നും ഇടയിൽ ഐടി വകുപ്പിന്റെ ടോൾ ഫ്രീ നമ്പർ 1800-103-4455 ൽ വിളിച്ചും പരാതി നൽകാം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...