അമ്മയെ മകൻ ചവിട്ടി കൊന്ന കേസ്; പ്രതിക്ക് ജീവപര്യന്തം തടവും പിഴയും
മദ്യപിക്കാൻ പണം ആവശ്യപ്പെട്ടിട്ട് കൊടുക്കാത്തതിന്‍റെ വൈരാഗ്യത്തിലാണ് മകൻ അമ്മയെ ചവിട്ടിക്കൊന്നത്.
ചിറയിൻകീഴ്: അമ്മയെ ചവിട്ടി കൊന്ന കേസിലെ പ്രതിക്ക് ജീവപര്യന്തം തടവ് ശിക്ഷ വിധിച്ച് കോടതി. മദ്യപിക്കാൻ പണം ആവശ്യപ്പെട്ടിട്ട് കൊടുക്കാത്തതിന്‍റെ വൈരാഗ്യത്തിലാണ് മകൻ അമ്മയെ ചവിട്ടിക്കൊന്നത്. കേസിലെ പ്രതിക്ക് ജീവപര്യന്തം തടവിനോപ്പം ഒരു ലക്ഷം രൂപ പിഴയും വിധിച്ചിട്ടുണ്ട്. തിരുവനന്തപുരം ഏഴാം അഡീഷനൽ സെഷൻസ് കോടതിയാണ് ശിക്ഷ വിധിച്ചത്. സുകുമാരിയമ്മയാണ് സംഭവത്തിൽ കൊല്ലപ്പെട്ടത്.
പടനിലം സ്വദേശി ഗോപകുമാറിനാണ് കേസിലെ പ്രതി. പിഴ തുക കെട്ടിവച്ചില്ലങ്കിൽ രണ്ടുവർഷം അധികം തടവുശിക്ഷ അനുഭവിക്കണമെന്നും കോടതി അറിയിച്ചിട്ടുണ്ട്. 2012 മാർച്ച് അഞ്ചിനായിരുന്നു കേസിനാസ്പദമായ സംഭവം നടന്നത് സുകുമാരിയമ്മയെ മകൻ ഗോപകുമാര്‍ ചവിട്ടി കൊല്ലുകയായിരുന്നു . ദൃക്സാക്ഷികൾ ഇല്ലാതിരുന്ന കേസിൽ ശാസ്ത്രീയ തെളിവുകളുടെയും അയൽവാസികളുടെയും മൊഴികളുടെയും അടിസ്ഥാനത്തിലാണ് പ്രതിക്കെതിരെ പൊലീസ് കുറ്റപത്രം സമര്‍പ്പിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...