Director Joshi House Robbery: സംവിധായകൻ ജോഷിയുടെ വീട്ടിലെ കവർച്ച; പ്രതി ഉഡുപ്പിയിൽ പിടിയിൽ

കൊച്ചി: സംവിധായകന്‍ ജോഷിയുടെ വീട്ടില്‍ കവര്‍ച്ച നടത്തിയ പ്രതി ഉഡുപ്പിയിൽ പിടിയില്‍. ബിഹാര്‍ സ്വദേശിയായ മുഹമ്മദ് ഇര്‍ഷാദിനെയാണ് കര്‍ണാടകയിലെ ഉഡുപ്പിയില്‍ നിന്നും അറസ്റ്റു ചെയ്തത്. ഇന്നലെ പുലര്‍ച്ചെ നടത്തിയ മോഷണത്തിനു ശേഷം മടങ്ങുന്നതിനിടെയാണ് ഇയാള്‍ കർണാടക പോലീസിന്റെ പിടിയിലാകുന്നത്. 

ഇയാളിൽ നിന്നും മോഷ്ടിച്ച ഒരുകോടി വിലവരുന്ന സ്വർണ്ണ വജ്ര ആഭരണങ്ങൾകണ്ടെത്തിയതായാണ് റിപ്പോർട്ട്.  നടപടികള്‍ എത്രയും പെട്ടെന്ന് പൂര്‍ത്തിയാക്കി പ്രതിയെ കൊച്ചിയിലെത്തിക്കുമെന്നാണ് റിപ്പോർട്ട്. സംഭവത്തില്‍ കൂടുതല്‍ വിശദാംശങ്ങള്‍ പോലീസ് പുറത്തുവിട്ടിട്ടില്ല.  12 സംസ്ഥാനങ്ങളിൽ നിരവധി മോഷണക്കേസിലെ പ്രതിയാണ്‌ അറസ്റ്റിലായ ഇർഫാൻ എന്നാണ് റിപ്പോർട്ട്.  

ജോഷിയുടെ കൊച്ചി പനമ്പളളി നഗറിലെ വീട്ടിലാണ് കഴിഞ്ഞ ദിവസമാണ് കവര്‍ച്ച നടന്നത്. ഒരു കോടിയോളം രൂപ വിലമതിക്കുന്ന സ്വര്‍ണ, വജ്രാഭരണങ്ങളും വാച്ചുകളും ഇവിടെ നിന്നും നഷ്ടപ്പെട്ടിട്ടുണ്ട്. പ്രതിയുടെ സിസിടിവി ദൃശ്യം പോലീസിന് കിട്ടിയിരുന്നു. വീടിന്റെ പിന്നാമ്പുറത്തെത്തിയ മോഷ്ടാവ് ജനലിന്റെ സ്ലൈഡിങ് ഡോര്‍ തകര്‍ത്താണ് അകത്തുകടന്നതെന്നാണ് റിപ്പോർട്ട്. ജോഷിയുടെ വീടിനെക്കുറിച്ച് ഇയാള്‍ക്ക് വിവരം ലഭിക്കാന്‍ തക്കവിധത്തില്‍ പ്രാദേശിക സഹായം ലഭിച്ചിട്ടുണ്ടോയെന്ന് പോലീസ് അന്വേഷിക്കുന്നുണ്ട്.

അകത്തെ മുറിയിലെ ലോക്കറില്‍ സൂക്ഷിച്ചിരുന്ന സ്വര്‍ണാഭരണങ്ങളും വജ്ര നെക്ലേസുകളും അടക്കമുളളവ ഇയാൾ മോഷ്ടിച്ചിരുന്നു.  കൂടാതെ മറ്റൊരു മുറിയില്‍ നിന്ന് കുറച്ച് പണവും ഇയാൾ എടുത്തിരുന്നു. വിരലടയാള വിദഗ്ധര്‍ സംഭവ സ്ഥലത്തെത്തി തെളിവുകള്‍ ശേഖരിച്ചിട്ടുണ്ട്. കവര്‍ച്ചയ്ക്ക് പിന്നില്‍ കേരളത്തിന് പുറത്ത് നിന്നുള്ളവരാണോ ഒന്നില്‍ കൂടുതല്‍ പേര്‍ കൃത്യത്തിന് പിന്നിലുണ്ടോ എന്നീ കാര്യങ്ങളും പോലീസ് പരിശോധിക്കുന്നുണ്ട്.  പ്രതിയെ പിടികൂടുന്നതിൽ സിസിടിവി ദൃശ്യങ്ങളാണ്  സഹായിച്ചത്.