Crime News: ടച്ചിങ്ങ്‌സിനെ ചൊല്ലി തർക്കം ഒടുവിൽ കൂട്ടയടി; സംഭവം പത്തനംതിട്ടയിൽ

പത്തനംതിട്ട: ടച്ചിങ്ങ്‌സ് എടുത്തതിനെ ചൊല്ലിയുള്ള തർക്കം ഒടുവിൽ കലാശിച്ചത് കൂട്ടയടിയിൽ. പത്തനംത്തിട്ട കെഎസ്ആർടിസി ബസ് സ്റ്റാൻഡിന് സമീപത്തെഅമല ബാറിന് മുന്നിലാണ് സംഘര്‍ഷം ഉണ്ടയത്. മദ്യപിച്ച് ബാറില്‍ നിന്ന് പുറത്തിറങ്ങിയ ശേഷമാണ് മൂന്നംഗങ്ങൾ ഉൾപ്പെടുന്ന രണ്ട് സംഘങ്ങള്‍ തമ്മില്‍ തര്‍ക്കമുണ്ടായത്. 

സംഭവം നടന്നത് തിങ്കളാഴ്ച രാത്രി 9:15 നായിരുന്നു.  തര്‍ക്കത്തിനിടയില്‍ ഹെല്‍മറ്റ് ഉപയോഗിച്ച് യുവാക്കളുടെ തലയ്ക്കടിച്ചു. ഒരാളുടെ തലയ്ക്ക് പരിക്കേറ്റിട്ടുമുണ്ട്.  പത്തനംതിട്ട സ്വദേശികളായ ഷൈജു, അരുൺ, ശ്യാം എന്നിവര്‍ക്കായിരുന്നു മർദനമേറ്റത്. നന്നുവക്കാട് സ്വദേശികളായ ഷിജു പി. ജോസ്, അഭിലാഷ്, ഷിബു എന്നിവർ ചേർന്നാണ് ഇവരെ മർദിച്ചത്.  മേശ മാറി ടച്ചിങ്സ് എടുത്തതുമായി ബന്ധപ്പെട്ട തർക്കമാണ് കൂട്ടയടിയിലേക്ക് നയിച്ചതെന്നാണ് വിവരം.  ഇവർ ബാറിനുള്ളിൽ അടിയുണ്ടാക്കിയതോടെ ജീവനക്കാർ ഇടപെട്ട് ഇവരെ പുറത്താക്കി. തുടർന്നാണ് ബാറിന് പുറത്തുവെച്ച് ഇവർ പരസ്പരം ഏറ്റുമുട്ടിയതെന്നാണ് വിവരം.

സംഭവം അറിഞ്ഞെത്തിയ പോലീസ് യുവാക്കളെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു. മര്‍ദ്ദനമേറ്റവര്‍ ആശുപത്രിയിലും ബഹളമുണ്ടാക്കിയതായിട്ടാണ് റിപ്പോർട്ട്.  ഇതിനിടയിൽ ഹെൽമറ്റ് ഉപയോ​ഗിച്ച് യുവാക്കളെ ക്രൂരമായി മർദിക്കുന്നതിന്റെ ദൃശ്യങ്ങൾ പുറത്തുവന്നിട്ടുണ്ട്. മർദനമേറ്റ് രണ്ട് യുവാക്കൾ ബോധരഹിതരായി നിലത്തുവീണിരുന്നു. ഹെൽമറ്റ് ഉപയോഗിച്ചുള്ള അടിയേറ്റ് ഒരാളുടെ തലയ്ക്ക് പൊട്ടലുണ്ട്. മൂന്നം​ഗസംഘത്തിലെ ഒരാൾ നിലത്തുവീണ് കിടക്കുന്നതും രണ്ട് യുവാക്കളുടെ തലയിൽ ഹെൽമറ്റ് ഉപയോ​ഗിച്ച് അടിക്കുന്നതും വീഡിയോയിൽ വ്യക്തമാണ്.  ഇതിനു പുറമെ ക്രൂരമായി മർദ്ദിക്കുന്നത് കണ്ട്, ചത്തുപോകത്തേയുള്ളൂ എന്ന് ദൃക്സാക്ഷികൾ പറയുന്നതും വീഡിയോയിലൂടെ നിങ്ങൾക്ക്  കേൾക്കാണ് കഴിയും.