കരാറുകാരന്റെ കൃത്രിമം ചൂണ്ടിക്കാട്ടി; പൊതുമരാമത്ത് ഓവർസീയറെ കരാറുകാരൻ മർദ്ധിച്ചതായി പരാതി

തിരുവനന്തപുരം: ആറ്റിങ്ങൽ നഗരസഭ പൊതുമരാമത്ത് വിഭാഗം ഓവർസീയർ ശ്രീജിത്തിനെ കരാറുകാരൻ മർദ്ദിച്ചു. ഗവ. ടൗൺ യുപി സ്കൂളിലെ പാചക പുരയുടെ നിർമ്മാണ പ്രവർത്തനങ്ങൾ നിരീക്ഷിക്കുന്നതിനിടെയാണ് കോൺട്രാക്ടർ അജിത് ശ്രീജിത്തിനെ മർദ്ദിച്ചത്. പണിക്ക് ഉപയോഗിച്ചിരുന്ന കോൺക്ട്രീറ്റ് മിശ്രിതത്തിന്റെ പോരായ്മ ഓവർസിയർ ശ്രീജിത്ത് ചോദ്യം ചെയ്തതാണ് കരാറുകാരനെ പ്രകോപിപ്പിച്ചത് എന്നാണ് നഗരസഭ പറയുന്നത്. 

നിരവധി തവണ കരാറുകാരനോട് ജോലിയിൽ കൃത്രിമം കാണിക്കരുതെന്ന് ആവശ്യപ്പെട്ടിട്ടും അയാൾ അതു തുടരുകയായിരുന്നു. തുടർന്ന് ശ്രീജിത്ത് മിക്സറിന്റെ സ്വിച്ച് ഓഫ് ആക്കി. കരാറുകാരൻ ശ്രീജിത്തിനെ പിടിച്ചു തള്ളി  മർദ്ദിച്ചു എന്നാണ് ആരോപണം. പരിക്കേറ്റ ശ്രീജിത്ത് വലിയകുന്ന് താലൂക്ക് ആശുപത്രിയിൽ ചികിത്സ തേടി. നഗരസഭ ജീവനക്കാർ പ്രതിഷേധിച്ചു.