Crime News: വയോധികയുടെ വീട്ടിൽ അതിക്രമിച്ചു കയറി മോഷണം; കൊച്ചുമകനും സുഹൃത്തുക്കളും അറസ്റ്റിൽ

ജയ്പൂർ: വയോധികയുടെ വീട്ടിൽ മോഷണം നടത്തിയ കേസിൽ കൊച്ചുമകനും സൂഹൃത്തുക്കളും അറസ്റ്റിൽ. സംഭവം നടന്നത് രാജസ്ഥാനിലെ ഭിൽവാരയിലാണ്.  കേസിൽ മുഹമ്മദ് അഫ്താബ്, സൂരജ് സാൽവി, ആദിൽ ഖാൻ, മുഹമ്മദ് റിയാസ് എന്നിവരാണ് പിടിയിലായത്. രാജസ്ഥാനിലെ ഭിൽവാരയിലാണ് സംഭവം. വയോധികയുടെ വീട്ടിലേക്ക് കൊച്ചുമകനും സംഘവും അതിക്രമിച്ച് കയറി കവർച്ച നടത്തുകയായിരുന്നു എന്നാണ് വിവരം. പ്രതികളെ കുടുക്കിയത് സിസിടിവി ദൃശ്യങ്ങളാണ്.

കവർച്ചാ സംഘം വീട്ടിനകത്തേക്ക് കയറുന്നതും ഇറങ്ങി പോകുന്നതും സിസിടിവി ദൃശ്യത്തിൽ വ്യക്തമായിരുന്നു. ഇതിനിടയിൽ മോഷണത്തിൽ പണവും സ്വർണം, വെള്ളി ആഭരണങ്ങളും നഷ്ടപ്പെട്ടതായി വയോധിക പോലീസിൽ പരാതി നൽകിയിരുന്നു. തുടർന്ന് പോലീസ് നടത്തിയ അന്വേഷണത്തിലാണ് കൊച്ചുമകനും സംഘവും കുടുങ്ങിയത്. 

മോഷണം നടത്താൻ ആസൂത്രണം ചെയ്തതിന് പിന്നിലെ പ്രധാന സൂത്രധാരൻ കൊച്ചുമകൻ അഫ്താബാണെന്ന് ചോദ്യം ചെയ്യലിൽ പ്രതികൾ സമ്മതിച്ചു. പ്രദേശത്ത് മോഷ്ണ കേസുകൾ വർദ്ധിച്ചു വരുന്ന സാഹചര്യത്തിൽ അന്വേഷണം ശക്തമാക്കാൻ പോലീസ് തീരുമാനിച്ചത്.  മാത്രമല്ല കൂടുതൽ വിവരങ്ങൾക്കായി സിസിടിവി ദൃശ്യങ്ങൾ പരിശോധിച്ച് വരികയാണെന്നും പോലീസ് അറിയിച്ചിട്ടുണ്ട്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy