Idukki Dam : ഇടുക്കി ഡാമിൽ നിന്ന് തലയോട്ടി കിട്ടി; പോലീസ് അന്വേഷണം ആരംഭിച്ചു

ഇടുക്കി : ഇടുക്കി അണക്കെട്ടിന്റെ (Idukki Dam) സംഭരണിക്കുള്ളിൽ നിന്ന് മനുഷ്യന്റെ തലയോട്ടി (Human Skull) കണ്ടെത്തി. അയ്യപ്പൻ കോവിലിൽ കോടാലിപ്പാറയ്ക്കും തൂക്കുപാലത്തിനിടയിലാണ് തലയോട്ടി കണ്ടെത്തിയത്.

ജലാശയത്തിൽ മീൻ പിടിക്കാൻ എത്തിയവരാണ് തലയോട്ടി കണ്ടെത്തിയത്. ശേഷം കട്ടപ്പന പോലീസിൽ വിവരമറിക്കുകയും ചെയ്തു. 

പ്രാഥമിക പരിശോധനയിൽ പഴക്കമേറിയ തലയോട്ടിയാണ് കണ്ടെത്തിയരിക്കുന്നത്. മഴക്കാലത്ത് എവിടെ നിന്നെങ്കിലും ഒഴുകി എത്തിയതാകാമെന്നാണ് പോലീസിന്റെ നിഗമനം. 

സംഭവത്തിൽ കേസെടുത്ത് പോലീസ് അന്വേഷണം ആരംഭിച്ചു. കൂടുതൽ പരിശോധനയ്ക്കായി പോലീസ് തലയോട്ടി ശേഖരിക്കുകയും ചെയ്തു.