Kattappana Twin Murder : വിജയനെ കൊലപ്പെടുത്തിയത് ദൃശ്യം മോഡലിൽ; കൊന്ന് കുഴിച്ചുമൂടിയ ആൺകുഞ്ഞ് വിഷ്ണുവിന്റെ സഹോദരിയിൽ നിതീഷിനുണ്ടായത്

ഇടുക്കി : കട്ടപ്പന ഇരട്ടക്കൊലപാതകം കൊല്ലപ്പെട്ട വിജയന്റെ ഭാര്യയ്ക്കും മകനും പങ്കുണ്ടെന്ന് റിപ്പോർട്ട്. വിജയനെയും വിജയന്റെ മകളുടെ നാല് ദിവസം മാത്രം പ്രായമുള്ള നവജാതശിശുവിനെയും കൊലപ്പെടുത്തിയ കേസിൽ ഭാര്യ സുമ, മകൻ വിഷ്ണു എന്നിവരെയും പോലീസ് പ്രതി ചേർത്തേക്കും. കഴിഞ്ഞ ദിവസമാണ് മുഖ്യപ്രതിയായ നിതീഷ് പോലീസിനോട് കുറ്റം സമ്മതം നടത്തിയിരുന്നു. ഇതിന് പിന്നാലെ കേസിന് പിന്നിലുള്ള വാസ്തവം പോലീസ് പുറത്ത് വിടുന്നത്.

കൊല്ലപ്പെട്ട വിജയന്റെ അന്ധവിശ്വാസം മുതലെടുത്താണ് നിതീഷ് വിജയന്റെ കുടുംബത്തിനൊപ്പം ചേർന്നത്. വിജയന്റെ മകളുടെ കൈയ്ക്കുള്ള പ്രശ്നത്തെ മാറ്റാമെന്ന പറഞ്ഞ വിശ്വസിപ്പിച്ചാണ് നിതീഷ് ഇവരുടെ കുടുംബത്തിലേക്കെത്തുന്നത്. പിന്നീട് മകൾക്ക് പ്രത്യേക ശക്തിയുണ്ടെന്നും പുറത്ത് ഇടപഴകയിൽ ആ ശക്തി ക്ഷയിച്ച് പോകുമെന്ന് നിതീഷ് വിജയനെ പറഞ്ഞ് ഭയപ്പെടുത്തി. ഇതെ തുടർന്നാണ് വിജയൻ നിതീഷിന്റെ നിർദേശപ്രകാരം മറ്റ് കുടുംബംഗങ്ങളിൽ നിന്നും അകലം പാലിച്ച് തുടങ്ങിയത്.

ഇങ്ങനെ വിജയന്റെ കുടുംബത്തിൽ കയറി പറ്റിയ നിതീഷിന് വിജയന്റെ മകളിൽ ഒരു കുഞ്ഞുണ്ടാകയും ആ നവജാതശിശുവിനെയാണ് ആദ്യം കൊന്ന് കുഴിച്ചുമൂടിയത്. 2016ലാണ് നിതീഷ് കുഞ്ഞിനെ കൊന്ന് കുഴിച്ചുമൂടിയത്. കൊല്ലപ്പെട്ട വിജയനും ചേർന്നാണ് അന്ന് കുഞ്ഞിനെ ഇവർ മുമ്പ് താമസിച്ച വാടകവീടിന്റെ തൊഴുത്തിൽ കുഴിച്ചുമൂടിയതെന്നാണ് പോലീസ് അറിയിക്കുന്നത്. നാണക്കേഡ് ഭയന്നാണ് ഈ കൃത്യം നടത്തിയത്. അതേസമയം നിതീഷും കുട്ടിയുടെ മാതാവും വിവാഹിതരല്ല.

മോഷണക്കേസിൽ പിടിക്കപ്പെട്ട വിജയന്റെ മകൻ വിഷ്ണുവിന്റെ വീട്ടിൽ പോലീസെത്തിയപ്പോഴാണ് കൊലപാതകത്തിന്റെ ചുരുൾ അഴിയുന്നത്. കൊലയ്ക്ക് പിന്നിൽ ഇപ്പോഴും ആഭിചാരക്രിയയാണെന്നാണ് പോലീസ് സംശയം ഉന്നയിക്കുന്നത്. ഏഴ് മാസങ്ങൾക്ക് മുമ്പ് വിജയനെ കൊലപ്പെടുത്തിയത് മോഹൻലാൽ ചിത്രം ദൃശ്യം മോഡലിൽ ആണ്. വിജയനെ കൊന്ന് വീടിന്റെ തറ മാന്തി മൃതദേഹം മറവ് ചെയ്ത് പിന്നീട് കോൺക്രീറ്റുപയോഗിച്ച് മൂടിയെന്നാണ് പോലീസിന്റെ നിഗമനം.