കായംകുളത്ത് ഡി വൈ എഫ് ഐ പ്രവർത്തകനെ വെട്ടിക്കൊന്ന കേസിൽ മൂന്നുപേർ പിടിയിൽ
ഇന്നലെ വൈകിട്ട് 6.30 ഓടെ പുതുപ്പള്ളി സ്വദേശികളായ യുവാക്കളുടെ ബൈക്ക് പ്രതികളുടെ ബൈക്കിൽ തട്ടിയതുമായി ബന്ധപ്പെട്ട് ഉണ്ടായ തർക്കമാണ് കൊലപാതകത്തിൽ കലാശിച്ചത്
കായംകുളം: കായംകുളത്ത് ഡി വൈ എഫ് ഐ പ്രവർത്തകനെ വെട്ടിക്കൊന്ന കേസിൽ മൂന്നുപേർ പിടിയിൽ. കൃഷ്ണപുരം കാപ്പിൽ ചന്തക്ക് കിഴക്ക് വശം റോഡിൽ ഡി വൈ എഫ് ഐ മേഖല കമ്മിറ്റി അംഗമായ പുതുപ്പള്ളി ഗോവിന്ദമുട്ടം വേലശ്ശേരിൽ വീട്ടിൽ അമ്പാടിയെ(21) വെട്ടിക്കൊലപ്പെടുത്തിയ കേസിലാണ് മൂന്നു പേർ അറസ്റ്റിലായത്. കാപ്പിൽ മേക്ക് സ്വദേശികളായ അമിതാബ് ചന്ദ്രൻ,വിജിത്ത്(വിച്ചു), അക്ഷയ് ചന്ദ്രൻ എന്നിവരെയാണ് പോലീസ് കസ്റ്റഡിയിലെടുത്തത്.
ഇന്നലെ വൈകിട്ട് 6.30 ഓടെ പുതുപ്പള്ളി സ്വദേശികളായ യുവാക്കളുടെ ബൈക്ക് പ്രതികളുടെ ബൈക്കിൽ തട്ടിയതുമായി ബന്ധപ്പെട്ട് ഉണ്ടായ തർക്കമാണ് കൊലപാതകത്തിൽ കലാശിച്ചത്.തർക്കത്തിൽ അമ്പാടിയുടെ സുഹൃത്തായ അനന്തുവിന് മർദ്ദനമേറ്റതറിഞ്ഞ് അന്വേഷിക്കാൻ വന്നതാണ് അമ്പാടിയും കൂട്ടുകാരും.
ALSO READ: Ambadi murder: കായംകുളത്ത് കൊല്ലപ്പെട്ടത് ഡിവൈഎഫ്ഐ നേതാവ്; വെട്ടിയത് ക്വട്ടേഷൻ സംഘം
തർക്കത്തിനിടെ അമിതാബ് ചന്ദ്രൻ കൈയ്യിൽ കരുതിയിരുന്ന കത്തി ഉപയോഗിച്ച് അമ്പാടിയുടെ കഴുത്തിൽ വെട്ടുകയായിരുന്നു. ഈ സമയം വിജിത്ത് കൈയ്യിലുണ്ടായിരുന്ന കത്തി ഉപയോഗിച്ച് അമ്പാടിയുടെ കൂടെയുണ്ടായിരുന്ന അനന്തുവിന്റെ കഴുത്തിനും വെട്ടി. വെട്ടേറ്റ് റോഡിൽ വീണ അമ്പാടിയെ ഓട്ടോറിക്ഷയിൽ കായംകുളം താലൂക്ക് ആശുപത്രിയിൽ എത്തിച്ചെങ്കിലും മരണപ്പെട്ടു.അനന്തു പരിക്കുകളോടെ ചികിത്സയിലാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...