Crime News: മരക്കൊമ്പിനെച്ചൊല്ലി തർക്കം; അയൽവാസിയെ കൊല്ലാൻ ശ്രമിച്ച കാപ പ്രതി പിടിയിൽ

കൊല്ലം: അയൽവാസിയെ വെട്ടിക്കൊല്ലാൻ ശ്രമിച്ച കേസിലെ പ്രതി പോലീസ് പിടിയിൽ. മുക്കം സ്വദേശി ഷാജുവിനെയാണ് ഇരവിപുരം പോലീസ് പിടികൂടിയത്.  

ഷാജുവിന്റെ അയൽവാസിയായ സുനിലിന്റെ വീടിനു മുകളിലേക്ക് ചാഞ്ഞുവളർന്ന മരക്കൊമ്പ് മുറിച്ചു മാറ്റുന്നതിനായി സുനിൽ പഞ്ചായത്തിൽ പരാതി നൽകിയിരുന്നു. ഇതിന്റെ വിരോധത്തിൽ കഴിഞ്ഞ ദിവസം വെളുപ്പിന് ഷാജു വീടിനുമുകളിൽ കിടന്നുറങ്ങുകയായിരുന്ന സുനിലിനെ വെട്ടിക്കൊല്ലാൻ ശ്രമിക്കുകയായിരുന്നു.

സുനിലിനെ അസഭ്യം പറഞ്ഞുകൊണ്ട് വെട്ടുകത്തി കൊണ്ട് കഴുത്തിനുനേരെ വെട്ടുകയായിരുന്നു ഷാജു. ഒഴിഞ്ഞു മറിയതിനെ തുടർന്ന് വെട്ട് സുനിലിന്റെ കാലിൽക്കൊണ്ട് ആഴത്തിൽ മുറിയുകയായിരുന്നു. കഴിഞ്ഞ വര്ഷം കാപ നിയമപ്രകാരം കരുതൽ തടങ്കിൽ കഴിഞ്ഞിരുന്ന ഷാജു മെയ് 25 നായിരുന്നു പുറത്തിറങ്ങിയത്, സംഭവത്തെ തുടർന്ന് സുനിൽ നൽകിയ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത ഇരവിപുരം പോലീസ് കേസ് രജിസ്റ്റർ ചെയ്യുകയായിരുന്നു. തുടർന്ന് ഇൻസ്‌പെക്‌ടർ  വി ഷിബുവിന്റെ നേതൃത്വത്തിലുള്ള അന്വേഷണ സംഘം പ്രതിയെ പിടികൂടുകയായിരുന്നു. 

തിരഞ്ഞെടുപ്പ് പ്രചാരണത്തിനായി പ്രധാനമന്ത്രി ഇന്ന് തമിഴ്നാട്ടിലേക്ക്

ലോക്‌സഭാ തിരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്ര മോദി ഇന്ന് തമിഴ്‌നാട്ടിൽ എത്തും.  ഇന്ന് വൈകുന്നേരം ആറു മണിയോടെ ചെന്നൈയിൽ വിമാനം ഇറങ്ങുന്ന മോദി നഗരത്തിൽ റോഡ് ഷോ നടത്തും. തമിഴിസൈ സൗന്ദർരാജൻ അടക്കം ചെന്നൈയിലെ മൂന്ന് സ്ഥാനാർത്ഥികളും (Lok Sabha Elections 2024) പ്രധാനമന്ത്രിയുടെ റോഡ് ഷോയിൽ പങ്കെടുക്കും. 

തുടർന്ന് നാളെ വെല്ലൂർ, കോയമ്പത്തൂർ, പൊള്ളാച്ചി എന്നിവിടങ്ങളിലെ പൊതുയോഗത്തിൽ പ്രധാനമന്ത്രി പങ്കെടുക്കും. പുതുവർഷം തുടങ്ങിയിട്ട് ഇത് ഏഴാം തവണയാണ് പ്രധാനമന്ത്രി നരേന്ദ്ര മോദി തമിഴ്നാട്ടിലെത്തുന്നത്.  ഈയാഴ്ച തന്നെ വീണ്ടും രണ്ട് ദിവസം കൂടി അതായത് ഏപ്രിൽ 13, 14 തീയതികളിൽ പ്രധാനമന്ത്രി സംസ്ഥാനത്ത് പ്രചാരണം (Lok Sabha Elections 2024) നടത്തുമെന്നാണ് റിപ്പോർട്ട്. 13 ന് പെരമ്പല്ലൂരിലും 14 ന് വിരുദു നഗറിലും പ്രധാനമന്ത്രി പ്രചാരണം നടത്തും.  ഇവിടങ്ങളിൽ യഥാക്രമം സഖ്യകക്ഷിയായ ഇന്ത്യൻ ജനനായക കക്ഷി നേതാവ് പാരിവേന്ദറും നടി രാധിക ശരത്കുമാറുമാണ് ബിജെപി സ്ഥാനാർത്ഥി.