പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച ഗര്‍ഭിണിയാക്കിയ ഒഡിഷ സ്വദേശി അറസ്റ്റിൽ
കഴിഞ്ഞ സെപ്റ്റംബറിലാണ് പെണ്‍കുട്ടിയെ കാണാതായത്.
കുന്നംകുളം: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച്‌ ഗര്‍ഭിണിയാക്കിയ കേസില്‍ ഒഡിഷ സ്വദേശിയെ പൊലീസ് അറസ്റ്റ് ചെയ്തു. ഒഡിഷ ഗഞ്ചാം ജില്ല സ്വദേശി സിബദാസിനെയാണ് (22) പോലീസ് അറസ്റ്റ് ചെയ്തത്. കഴിഞ്ഞ സെപ്റ്റംബറിലാണ് പെണ്‍കുട്ടിയെ കാണാതായത്. തുടര്‍ന്ന് കേസെടുത്ത് അന്വേഷിച്ച്‌ വരുന്നതിനിടയിലാണ് പെണ്‍കുട്ടി ഒഡിഷ സ്വദേശിയായ സിബദാസിനൊപ്പം ആന്ധ്രയിലേക്ക് പോയതായ വിവരമറിയുന്നത്.
ALSO READ: കാമുകിയെ വെട്ടിനുറുക്കി ചുമരിലൊളിപ്പിച്ച യുവാവ് അറസ്റ്റിൽ
പിന്നീട് ആന്ധ്രയിലും ഒഡിഷയിലും പോയി പോലീസ്(Police) നേരിട്ട് അന്വേഷണം നടത്തിയെങ്കിലും പെണ്‍കുട്ടിയെ കണ്ടെത്താന്‍ കഴിഞ്ഞിരുന്നില്ല. ഇതിനിടെ നാട്ടില്‍ തിരിച്ചെത്തിയ പെണ്‍കുട്ടി തുടര്‍ന്ന് അമ്മയോടൊപ്പം പോല സ്റ്റേഷനില്‍ ഹാജരാവുകയും ചെയ്തു.വിശദമായി മൊഴി രേഖപ്പെടുത്തിയതില്‍ പ്രതി പെണ്‍കുട്ടിയെ പ്രലോഭിപ്പിച്ച്‌ കൊണ്ടുപോയി വിജയവാഡയില്‍ വെച്ച്‌ ലൈംഗികമായി പീഡിപ്പിച്ച്‌ ഗര്‍ഭിണിയാക്കിയെന്നായിരുന്നു മൊഴി. പിന്നീട് പലസ്ഥലങ്ങളിലായി ഒളിവിലായിരുന്ന പ്രതിയെ ഏറെ പണിപെട്ടാണ് കുന്നംകുളം സി.ഐയുടെ നേതൃത്വത്തിലുള്ള സംഘം പിടികൂടിയത്.
ALSO READ: കല്ലമ്പലത്തെ യുവതിയുടെ മരണം: കൊലപാതകമെന്ന് ബന്ധുക്കൾ,കേസന്വേഷണം കൂടുതല്‍ ദിശകളിൽ
അതേസമയം കേസിൽ കൂടുതൽ അന്വേഷണം നടത്താനും പോലീസ് ആലോചിക്കുന്നുണ്ട്. അറസ്റ്റിലായ ഒഡീഷ(odisha) സ്വദേശിയുടെ ബന്ധങ്ങൾ. ഇയാൾക്കെതിരെ നേരത്തെ സമാന സ്വഭാവത്തിലുള്ള കേസുകളുണ്ടെങ്കിൽ അത് തുടങ്ങിയ എല്ലാ സാധ്യതകളും പോലീസ് പരിശോധിക്കും. ഒഡീഷ പോലീസിനോടും ഇതിനുള്ള സഹായം കുന്നംകുളം പോലീസ് ആവശ്യപ്പെട്ടേക്കുമെന്നാണ് സൂചന. വർഷങ്ങളായി കേരളത്തിൽ കൂലി പണിയെടുത്താണഅ പ്രതി ജീവിച്ചിരുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...