കട്ടപ്പന കൊങ്ങിണിപ്പടവ് മേഖലയിൽ കുരുമുളക് മോഷണം പതിവാകുന്നു

കട്ടപ്പന: കൊങ്ങിണിപ്പടവ് മേഖലയിൽ കുരുമുളക് മോഷണം പതിവാകുന്നു. കഴിഞ്ഞ രാത്രിയിൽ  150 കിലോയോളം കുരുമുളക് മോഷണം പോയി. കട്ടപ്പന പോലീസ്  അന്വേഷണം ആരംഭിച്ചു. കൊങ്ങിണിപ്പടവ് കരിമരുതുങ്കൽ ബോസിൻ്റെ വീട്ടിൽ നിന്നാണ് കഴിഞ്ഞ  രാത്രിയിൽ കുരുമുളക് മോഷണം പോയത്. ഉണക്കെത്താറായ കുരുമുളക് ചാക്കിൽ കെട്ടി കാർപോർച്ചിലാണ് വച്ചിരുന്നത്. 

അന്യസംസ്ഥാന തൊഴിലാളികളാണ് ഇവിടെ താമസിച്ച് കുരുമുളക് പറിക്കുന്നതുൾപ്പെടെയുള്ള ജോലികൾ ചെയ്യുന്നത്.ഒരു മാസം മുമ്പ് സമീപത്തുള്ള ഉപ്പുമാക്കൽ ജിതിന്റെ വീടിന് മുന്നിൽ ഉണങ്ങാനിട്ടിരുന്ന 25 കിലോയോളം കുരുമുളകും മോഷണം പോയിരുന്നു.
തുടർന്ന് പോലീസിൽ പരാതി നൽകുകയും സമീപത്തെ CCTV കൾ പരിശോധിക്കുകയും ചെയ്തെങ്കിലും  മോഷ്ടാവിനെ കുറിച്ച് സൂചനകൾ ലഭിച്ചില്ല.രണ്ട് മാസം മുമ്പ് പ്രദേശത്തു നിന്നും  TV യും തേങ്ങായും മോഷണം പോയിരുന്നു.

പിന്നീട് നാട്ടുകാർ നടത്തിയ തിരച്ചിലിൽ പ്രദേശത്ത് അന്യ സംസ്ഥാന തൊഴിലാളികൾ താമസിക്കുന്ന വീട്ടിൽ നിന്നും ഇവ കണ്ടെത്തുകയും ചെയ്തു. 6 മാസം മുമ്പ് ഈ ഭാഗത്തു നിന്നും രണ്ട് സൈക്കിളുകളും മോഷണം പോയിരുന്നു.മേഖലയിൽ രാത്രികാലങ്ങളിൽ പോലീസ് പട്രോളിംഗ് ശക്തമാക്കണമെന്നാണ് ആവശ്യം 
സി സി ടി വി ദ്യശ്യങ്ങളടക്കം പരിശോധിച്ച് പോലിസ് അന്വേഷണം ആരംഭിച്ചു.