Punjab Horror: മകൾ ഒളിച്ചോടിയതിൽ പ്രതികാരം; കാമുകന്റെ സഹോദരിയെ കൂട്ടബലാത്സംഗം ചെയ്ത് പിതാവും ബന്ധുക്കളും

ലഖ്നൗ: ഒളിച്ചോടിപ്പോയ മകളെ കണ്ടെത്താനാകാത്തത്തിന്റെ പ്രതികാരം തീർക്കാൻ പിതാവും ബന്ധുക്കളും ചേർന്ന് മകളുടെ കാമുകന്റെ സഹോദരിയെ  കൂട്ടബലാത്സംഗം ചെയ്തു.  ഈ ക്രൂരതയ്ക്കിരയായത് ലഖ്‌നൗ സ്വദേശിനിയായ യുവതിയാണ്.  

സംഭവത്തിൽ ഉത്തർപ്രദേശിലെ ഗോരഖ്പൂർ സ്വദേശിയായ രവീന്ദർ സിംഗ് അടക്കം നാല് പേർക്കെതിരെ പോലീസ് കേസെടുത്തിട്ടുണ്ട് രവീന്ദർ സിംഗിന്റെ മകൾ പഞ്ചാബ് ലുധിയാന സ്വദേശിയായ യുവാവുമായി പ്രണയത്തിലാകുകയും കഹ്‌സീൻജ ഏപ്രിലിൽ കാമുകനൊപ്പം ഒളിച്ചോടിയിരുന്നു.  ഇതിനെ തുടർന്ന് രവീന്ദ്രനും ബന്ധുക്കളും യുവതിയെ ഒരുപാട് അന്വേഷിച്ചെങ്കിലും കണ്ടെത്താനായില്ല. ഇതിൽ പ്രകോപിതരായ രവീന്ദർ സിംഗും മൂന്ന് ബന്ധുക്കളും ചേർന്നാണ് മകളുടെ കാമുകന്റെ സഹോദരിയെ കൂട്ടബലാത്സംഗത്തിനിരയാക്കിയത്.

മെയ് മാസത്തിലായിരുന്നു ഇവർ യുവതിയെ  കൂട്ടബലാത്സംഗം ചെയ്തത്.  തുടർന്ന് ഇവർ ബലാത്സംഗ ദൃശ്യങ്ങൾ ഫോണിൽ പകർത്തുകയും ചെയ്തിരുന്നു. വിവരം പോലീസിനെ അറിയിച്ചാൽ ദൃശ്യങ്ങൾ സോഷ്യൽ മീഡിയയിലൂടെ പുറത്തുവിടുമെന്നും പ്രതികൾ ഭീഷണിപ്പെടുത്തുകയും ചെയ്തിരുന്നു. സംഭവ ശേഷം മനസികാഘാതത്തിലായിരുന്ന യുവതി സുഖം പ്രാപിച്ചതിന് പിന്നാലെ പോലീസിൽ പരാതി നൽകുകയും തുടർന്ന്  ഇവർക്കെതിരെ കേസ് രജിസ്റ്റർ ചെയ്‌തെന്നും പോലീസ് വ്യക്തമാക്കിയിട്ടുണ്ട്.

രവീന്ദർ സിംഗിനെ കൂടാതെ സഹോദരൻ വരീന്ദർ സിംഗ്, മകൻ അമൻ സിംഗ്, സഹായി സന്തോഷ് എന്നിവർക്കെതിരെയാണ് പോലീസ് കേസെടുത്തിരിക്കുന്നത്. പ്രതികളെ ഇതുവരെ അറസ്റ്റ് ചെയ്‌തിട്ടില്ല. തന്റെ  സഹോദരനും രവീന്ദർ സിംഗിന്റെ മകളും കഴിഞ്ഞ ഏപ്രിലിൽ ഒളിച്ചോടിപ്പോയെന്നും ഇതിൽ പകപോക്കുകയാണെന്ന വിവരവും പരാതിയിൽ വ്യക്തമാക്കുന്നുണ്ട്. അതിജീവിത രണ്ടു കുട്ടികളുടെ അമ്മ കൂടിയാണ്.