Pala Temple Theft: ദേവീ ക്ഷേത്രത്തിൽ മോഷണം; സ്വർണ താലികളും, പണവും മോഷ്ടാക്കൾ കവർന്നു
പുലർച്ചെ 5 മണിയോടെ പൂജകൾക്കായി ക്ഷേത്രത്തിലെത്തിയ മേൽശാന്തി ശ്രീകാന്ത് നമ്പൂതിരിയാണ് മോഷണ വിവരം അറിഞ്ഞത്
പാല: മുത്തോലി തെക്കുംമുറി വൈക്കോൽപാടം ദേവീ ക്ഷേത്രത്തിൽ മോഷണം.ക്ഷേത്രത്തിന്റെ വടക്കുഭാഗത്തെ വാതിൽ തകർത്ത് അകത്തു കിടന്ന മോഷ്ടക്കൾ ക്ഷേത്രനടയിലെ കാണിക്കവഞ്ചി കുത്തി തുറന്ന് പണമെടുക്കുകയും ചാക്കിൽ കെട്ടി സൂക്ഷിച്ചിരുന്ന നാണയങ്ങളും മോഷ്ടിക്കുകയായിരുന്നു.
ഒപ്പം അലമാരയിൽ സൂക്ഷിച്ചിരുന്ന സ്വർണ താലികളും മോഷ്ടാക്കൾ എടുത്തിട്ടുണ്ട്.സ്വർണവും പണവുമടക്കം അര ലക്ഷത്തിലധികം രൂപ നഷ്ടപ്പെട്ടതായി ക്ഷേത്ര ഭാരവാഹികൾ അറിയിച്ചു. ഇന്ന് പുലർച്ചെ 5 മണിയോടെ പൂജകൾക്കായി ക്ഷേത്രത്തിലെത്തിയ മേൽശാന്തി ശ്രീകാന്ത് നമ്പൂതിരിയാണ് മോഷണ വിവരം അറിഞ്ഞത്. തുടർന്ന് കിടങ്ങൂർ പോലീസിൽ വിരമറിയിക്കുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...