Valanchery Gang Rape: വീട്ടിൽ അതിക്രമിച്ചുകയറി ഉറങ്ങിക്കിടന്ന യുവതിയെ കൂട്ടബലാത്സം​ഗം ചെയ്ത കേസിൽ 3 പേർ പിടിയിൽ

മലപ്പുറം: വളാഞ്ചേരിയില്‍ വീട്ടി അതിക്രമിച്ചു കയറി യുവതിയെ കൂട്ടബലാത്സംഗം ചെയ്തത കേസിൽ മൂന്നുപേർ അറസ്റ്റിൽ.  ഞായറാഴ്ച രാത്രി വീട്ടില്‍ അതിക്രമിച്ചുകടന്ന മൂന്നംഗസംഘം തന്നെ ബലാത്സംഗം ചെയ്തുവെന്നായിരുന്നു യുവതിയുടെ  പരാതി. 

ആക്രമണം ചെറുക്കുന്നതിനിടെ പരിക്കേറ്റ യുവതിയെ മഞ്ചേരി മെഡിക്കൽ കോളേജ് ആശുപത്രിയിൽ [പ്രവേശിപ്പിച്ചിരുന്നു.  സംഭവത്തിൽ പീടികപ്പടി സ്വദേശികളായ സുനിൽ, ശശി, പ്രകാശൻ എന്നിവരെയാണ് പോലീസ് പിടികൂടിയത്. ഇവരുടെ അറസ്റ്റ് ഉടൻ രേഖപ്പെടുത്തുമെന്നാണ് റിപ്പോർട്ട്. കേസിനാസ്പദമായ സംഭവം നടന്നത് ഈ മാസം 16 നായിരുന്നു.  യുവതി ഈ സമയം ബന്ധുവീട്ടിൽ ആയിരുന്നു. രാത്രി 3 പേർ വീട്ടിൽ അതിക്രമിച്ചു കയറി ഉറങ്ങിക്കിടക്കുകയായിരുന്ന തന്നെ ബലാത്സംഗം ചെയ്തുവെന്നാണ് യുവതി പോലീസിന്  പരാതി നൽകിയത്. 

ഇതിനെ തടുർന്ന് മാനസിക സമ്മർദത്തിൽ ആയിരുന്ന യുവതി സുഹൃത്തിനോടാണ് ഇക്കാര്യം ആദ്യം പറഞ്ഞത്. തുടർന്നാണ് പോലീസിൽ പരാതി നൽകിയത്. വളാഞ്ചേരി പോലീസ് നടത്തിയ പ്രാഥമിക അന്വേഷണത്തില്‍ സംഭവം സ്ഥിരീകരിക്കുകയായിരുന്നു. അതിക്രമം നടത്തിയവരെ കണ്ടാൽ അറിയുമെന്നും യുവതി പോലീസിന് മൊഴി നൽകിയിരുന്നു.  യുവതിയുടെ മൊഴി തിരൂർ ഡിവൈഎസ്പിയുടെ നേതൃത്വത്തിൽ ഉള്ള സംഘമാണ് രേഖപ്പെടുത്തിയത്. മൊഴി എടുക്കുന്നതിനിടെ ശാരീരിക അസ്വാസ്ഥ്യം അനുഭവപ്പെട്ട യുവതിയെ മഞ്ചേരി മെഡിക്കൽ കോളേജിൽ പ്രവേശിപ്പിക്കുകയായിരുന്നു.

ഇതിനെ തുടർന്ന് നടത്തിയ അന്വേഷണത്തിൽ പോലീസ് 3 പേരെ കസ്റ്റഡിയിലെടുത്തിട്ടുണ്ട്, മറ്റൊരാള്‍ക്കായി തിരച്ചില്‍ തുടരുകയാണ്. ആശുപത്രിയില്‍ ചികിത്സയിലുള്ള യുവതിക്ക് ആരോഗ്യപ്രശ്‌നങ്ങളുണ്ട്. അതുകൊണ്ടുതന്നെ വൈദ്യ പരിശോധന അടക്കമുള്ള നടപടികൾ യുവതിയുടെ ആരോഗ്യസ്ഥിതി മെച്ചപ്പെടുന്നത് പ്രകാരം നടത്തുമെന്നാണ് തിരൂർ ഡിവൈഎസ്‌പി അറിയിച്ചത്.