Uzbek Woman Murder : പണത്തിനായി ഉസ്ബെക്കിസ്ഥാൻ യുവതിയെ കൊലപ്പെടുത്തി; കേരളത്തിലേക്ക് കടന്ന 2 പേർ പിടിയിൽ

ബെംഗളൂരു : ഉസ്ബെക്കിസ്ഥാൻ സ്വദേശിനിയായ വനിതയെ കൊലപ്പെടുത്തി രണ്ട് പേർ കേരളത്തിൽ പിടിയിൽ. അസം സ്വദേശികളായ റോബർട്ട്, അമൃത് സോനു എന്നിവരെയാണ് ഇന്നലെ വെള്ളിയാഴ്ച ശേഷാദ്രിപുരം പോലീസ് അറസ്റ്റ് ചെയ്തത്. ബുധനാഴ്ചയാണ് ബെംഗളൂരുവിലെ ഒരു ഹോട്ടലിൽ തമാസിക്കുകയായിരുന്നു 37കാരിയായ ഉസബെക്ക് വനിതയെ ഇരുവരും ചേർന്ന് കൊലപ്പെടുത്തിയത്. 

ബെംഗളൂരുവിലെ ജഗദീഷ് ഹോട്ടലിൽ താമസിക്കുകയായിരുന്നു വിദേശ വനിതയെയാണ് അവിടെ ജോലി ചെയ്യുകയായിരുന്നു രണ്ട് ജീവനക്കാർ ചേർന്ന് കൊലപ്പെടുത്തിയത്. തുടർന്ന് യുവതിയുടെ പക്കൾ ഉണ്ടായിരുന്നു വിദേശ നാണയം ഉൾപ്പെടെ പണവും മൊബൈൽ ഫോണുമായി പ്രതികൾ കടന്നുകളഞ്ഞു. കൃത്യം നടത്തിയതിന് ശേഷം ഇരുവരും കേരളത്തിലേക്ക് കടക്കുകയായിരുന്നു പോലീസ് അറിയിച്ചു.

കേസ് അന്വേഷണത്തിനായി പോലീസ് പ്രത്യേക അന്വേഷണ സംഘത്തെ നിയമിച്ചതായി ബെംഗളൂരു പോലീസ് നേരത്തെ അറിയിച്ചിരുന്നു. പിടികൂടിയ പ്രതികളുടെ പക്കൽ നിന്നും ഉസ്ബെക്കിസ്ഥാൻ കറൻസിയുടെ രണ്ട് 2,000 നോട്ടും ഒരു 5,000ത്തിന്റെ നോട്ടും പോലീസ് കണ്ടെത്തി.

കൃത്യം നടന്ന ദിവസം ശുചീകരണത്തിനായി പ്രതികൾ ഉസ്ബെക്ക് വനിതയുടെ മുറിയിലേക്ക് എത്തി. മുറിക്കുള്ളിൽ ഉണ്ടായിരുന്നു വിദേശ വനിതയുടെ സമ്മതമില്ലാതെ മുറിയിൽ പ്രവേശിച്ചതിന് യുവതി പ്രതികളായ ജീവനക്കാരോടെ ദേഷ്യപ്പെടുകയും തുടർന്ന് മുഖത്തടിക്കുകയും ചെയ്തു. ഇതെ തുടർന്ന് പ്രതികൾ ഉസ്ബെക്ക് യുവതിയെ കൊലപ്പെടുത്താൻ കാരണായതെന്ന് പോലീസ് അറിയിച്ചു. 

കൊലയ്ക്ക് ശേഷം മുറി പുറത്ത് നിന്നും പൂട്ടി പ്രതികൾ രക്ഷപ്പെടുകയായിരുന്നു. സിസിടിവ ദൃശ്യങ്ങൾ പരിശോധിച്ചപ്പോൾ ഉസ്ബെക്ക് വനിതയെ കൊലപ്പെടുത്തിയത് ഹോട്ടൽ ജീവനക്കാർ തന്നെയാണെന്ന് പോലീസ് കണ്ടെത്തി. മാർച്ച് അഞ്ചാം തീയതിയാണ് ഉസ്ബെക്കിസ്ഥാൻ സ്വദേശിനി ബെംഗളൂരുവിൽ എത്തുന്നത്. അന്ന് മുതൽ ഇവർ തമാസിച്ചിരുന്നത് ഈ ഹോട്ടലിൽ ആയിരുന്നു.