Murder Case: തിരുവനന്തപുരത്ത് യുവാവിനെ കുത്തികൊലപ്പെടുത്തി; കൊല്ലപ്പെട്ടത് ഗുണ്ടാ ലിസ്റ്റിലുള്ളയാൾ

തിരുവനന്തപുരം: തിരുവനന്തപുരത്ത് പോലീസിന്റെ ഗുണ്ടാ പട്ടികയില്‍ ഉള്‍പ്പെട്ടയാളെ കുത്തി കൊലപ്പെടുത്തിയാതായി റിപ്പോർട്ട്. ബീമാപള്ളി സ്വദേശി ഷിബിലിയാണ് കൊല്ലപ്പെട്ടത്. ഇയാൾ പോലീസിന്റെ ഗുണ്ടാ പട്ടികയിൽ ഉള്ള ആളാണ്. 

ഇന്ന് പുലര്‍ച്ചെ ഒരു മണിയോടെ പൂന്തുറ ബീമാപള്ളിയിലാണ് സംഭവം നടന്നത്. കൊലപാതകം നടത്തിയ ഹിജാസ്  ഒളിവിലാണെന്ന് പോലീസ് പറഞ്ഞു.  ഇയാൾക്കായി പോലീസ് അന്വേഷണം ഊർജിതമാക്കിയിട്ടുണ്ട്.  

ഇന്നലെ രാത്രിയുണ്ടായ വാക്കുതര്‍ക്കമാണ് കൊലപാതകത്തിന് കാരണമെന്നാണ് പോലീസ് പറയുന്നത്.  ഇടവരും നേരത്തെ പരിചയമുള്ളവരാണ്. ഇന്നലെ രാത്രിയുണ്ടായ തര്‍ക്കത്തിന് തുടര്‍ച്ചയായിട്ടാണ് ഇന്ന് പുലര്‍ച്ചെ ഹിജാസ് ഷിബിലിയെ കുത്തി കൊലപ്പെടുത്തിയത്.

വിവാഹാഭ്യര്‍ത്ഥന നിരസിച്ച 14 കാരിയെ ക്രൂരമായി കൊലപ്പെടുത്തി യുവാവ്

ബിഹാറിലെ മുസാഫര്‍പൂരില്‍ വിവാഹാഭ്യര്‍ത്ഥന നിരസിച്ച 14 കാരിയെ യുവാവ് തട്ടിക്കൊണ്ടു പോയി ക്രൂരമായി കൊലപ്പെടുത്തിയെന്ന് റിപ്പോർട്ട്.  സഞ്ജയ് റായ് എന്ന യുവാവും അഞ്ച് സുഹൃത്തുക്കളും ചേര്‍ന്നാണ് വീട്ടിലേക്ക് അതിക്രമിച്ച് കയറിയാണ് 14 കാരിയെ തട്ടിക്കൊണ്ടുപോയത്. നേരത്തെ 14 കാരിയെ വിവാഹം ചെയ്യണമെന്ന താല്‍പര്യവുമായി ഇയാള്‍ കുടുംബത്തെ സമീപിച്ചിരുന്നു. എന്നാല്‍ ഇതിനോട് 14 കാരി വിയോജിപ്പ് അറിയിച്ചിരുന്നു. ഇതിന് പിന്നാലെ ഗുരുതര പ്രത്യാഘാതങ്ങളെ നേരിടേണ്ടി വരുമെന്ന് യുവാവ് 14കാരിയേയും കുടുംബത്തേയും ഭീഷണിപ്പെടുത്തുകയും ചെയ്തിരുന്നു. 

തുടർന്നാണ് ആഗസ്റ്റ് 11 ന് രാത്രിയില്‍ സഞ്ജയ് റായി സുഹൃത്തുക്കളോടൊപ്പം പെണ്‍കുട്ടിയുടെ വീട്ടിലേക്ക് എത്തിയത്. വീടിന്റെ വാതില്‍ തകര്‍ത്ത് അകത്ത് കയറിയ യുവാവ് 14 കാരിയെ കത്തിമുനയില്‍ നിര്‍ത്തി തട്ടിക്കൊണ്ട് പോവുകയായിരുന്നു. ഇയാളോടൊപ്പം മൂന്ന് മോട്ടോര്‍ സൈക്കിളുകളിലാണ് യുവാക്കളുടെ സംഘം പെൺകുട്ടിയുടെ വീട്ടിലേക്ക് അതിക്രമിച്ച് കയറിയത്.