Alcohol Side Effects: നിങ്ങൾ മദ്യപാനിയാണോ? ചാർമ്മം നശിക്കും, എങ്ങനെയെന്ന് അറിയൂ

മദ്യം ആരോഗ്യത്തിന് ഹാനികരമാണെന്ന് എല്ലാവർക്കും അറിയാം. ഒരു ചെറിയ അളവ് പോലും ആരോഗ്യത്തിന് ഗുരുതരമായ നാശമുണ്ടാക്കുന്നു. മദ്യത്തിൽ നിന്ന് വിട്ടുനിൽക്കാൻ ആരോഗ്യ വിദഗ്ധർ പോലും ഉപദേശിക്കുന്നതിന് കാരണം ഇതാണ്. കാൻസർ, ഹൃദ്രോഗം തുടങ്ങി പല ഗുരുതരമായ രോഗങ്ങൾക്കും മദ്യം കാരണമാകും. എന്നാൽ ഇത് നിങ്ങളുടെ ചർമ്മത്തെയും ബാധിക്കുമെന്ന് അറിയാമോ? നോക്കാം ചർമ്മത്തിന് മദ്യം എങ്ങനെ ദോഷമാകുമെന്ന്...

ചർമ്മത്തിലെ മാറ്റങ്ങളും ചൊറിച്ചിലും

നിങ്ങൾ വളരെക്കാലം മദ്യം കഴിക്കുകയാണെങ്കിൽ, അത് ഹെപ്പറ്റൈറ്റിസ്, സിറോസിസ് പോലുള്ള അവസ്ഥകളുടെ സാധ്യത വർദ്ധിപ്പിക്കുന്നു. ഇത് മഞ്ഞപ്പിത്തം, ഡാർക്ക് സർക്കിൾസ്, ചർമ്മത്തിൽ ചൊറിച്ചിൽ എന്നിവയ്ക്ക് കാരണമാകും.

ത്വക്ക് അണുബാധ, ക്യാൻസർ എന്നിവയ്ക്കുള്ള സാധ്യത

നിങ്ങൾ അമിതമായി മദ്യപിക്കുന്ന ആളാണെങ്കിൽ, ദീർഘകാല ഉപഭോഗം നിങ്ങളുടെ രോഗപ്രതിരോധ ശേഷിയെ ദുർബലപ്പെടുത്തുകയും മറ്റ് രോഗങ്ങൾക്ക് നിങ്ങളെ കൂടുതൽ ഇരയാക്കുകയും ചെയ്യും. കൂടാതെ, ദുർബലമായ പ്രതിരോധശേഷിയും അൾട്രാവയലറ്റ് രശ്മികളോടുള്ള സംവേദനക്ഷമതയും ചർമ്മ കാൻസറിനുള്ള സാധ്യത വർദ്ധിപ്പിക്കുന്നു.

ഉറക്ക പ്രശ്‌നങ്ങൾ

മദ്യപാനവും നിങ്ങളുടെ ഉറക്കത്തെ ബാധിക്കുന്നു, അതുവഴി ഉറക്ക രീതികളെ തടസ്സപ്പെടുത്തുന്നു. ഇത്തരമൊരു സാഹചര്യത്തിൽ ഉറക്കക്കുറവ് മൂലം ഡാർക്ക് സർക്കിൾസ് ഉണ്ടാകുന്നു, ചർമ്മത്തിന്റെ മഞ്ഞനിറം, നിറവ്യത്യാസം, ചുളിവുകൾ തുടങ്ങിയ പ്രശ്നങ്ങൾ വർദ്ധിക്കുകയും ചെയ്യുന്നു. 

നിർജ്ജലീകരണം

മദ്യപാനം നിങ്ങളെ കൂടുതൽ തവണ മൂത്രമൊഴിക്കാൻ പ്രേരിപ്പിക്കുന്നു. ഇത് നിർജലീകരണത്തിന് കാരണമാകും. ഇത് വരണ്ട ചർമ്മം, കണ്ണുകൾ കുഴിഞ്ഞുപോകൽ, ഇലാസ്തികത നഷ്ടപ്പെടൽ, വരണ്ട ചുണ്ടുകൾ എന്നിവയ്ക്ക് കാരണമാകും.