ഒന്നല്ല ഒരുപാടുണ്ട് ഗുണങ്ങൾ, കറ്റാർവാഴ ജ്യൂസിന്റെ ആരോഗ്യ ഗുണങ്ങൾ അറിയാം
വിറ്റാമിൻ സിയുടെ മികച്ച ഉറവിടമാണ് കറ്റാർ വാഴ ജ്യൂസ്. ഒരു വ്യക്തിയുടെ മൊത്തത്തിലുള്ള ആരോഗ്യത്തിന് അത്യന്താപേക്ഷിതമാണ് വിറ്റാമിൻ സി.
കറ്റാർ വാഴയുടെ ആരോഗ്യഗുണങ്ങളെക്കുറിച്ച് നമുക്കെല്ലാവർക്കും അറിയാം. ഇന്ത്യയിൽ ഇത് ധാരാളം കാണാൻ സാധിക്കും. കറ്റാർ വാഴ ഒരു ഔഷധ സസ്യമായാണ് കണക്കാക്കപ്പെടുന്നത്. കറ്റാർ വാഴ ജ്യൂസ് നമ്മുടെ ആരോഗ്യത്തിനും ചർമ്മത്തിനും മുടിക്കും ഗുണം ചെയ്യും. കറ്റാർ വാഴ ജ്യൂസിന്റെ അത്ഭുതകരമായ അഞ്ച് ആരോഗ്യ ഗുണങ്ങളെ കുറിച്ച് അറിയാം.
വിറ്റാമിൻ സിയുടെ മികച്ച ഉറവിടമാണ് കറ്റാർ വാഴ ജ്യൂസ്. ഒരു വ്യക്തിയുടെ മൊത്തത്തിലുള്ള ആരോഗ്യത്തിന് അത്യന്താപേക്ഷിതമാണ് വിറ്റാമിൻ സി. കാരണം ഇത് പ്രകൃതിദത്തമായ ആന്റി ഓക്‌സിഡന്റായതിനാൽ വീക്കം ചെറുക്കാൻ സഹായിക്കുന്നു. ഒരു വ്യക്തിക്ക് ഹൃദയ സംബന്ധമായ അസുഖങ്ങൾ വരാനുള്ള സാധ്യത കുറയ്ക്കുന്നത് മുതൽ രോഗപ്രതിരോധ സംവിധാനത്തിന്റെ പ്രവർത്തനം മെച്ചപ്പെടുത്തുന്നത് വരെ വിറ്റാമിൻ സിക്ക് വിവിധ ഗുണങ്ങളുണ്ട്. സസ്യാഹാരങ്ങളിൽ നിന്ന് ഇരുമ്പ് ആഗിരണം ചെയ്യാനുള്ള ശരീരത്തിന്റെ കഴിവ് വർദ്ധിപ്പിക്കാൻ വിറ്റാമിൻ സി സഹായിക്കുന്നു. ഓറഞ്ച്, പച്ചമുളക്, ബ്രൊക്കോളി, മുന്തിരിപ്പഴം, തക്കാളി ജ്യൂസ് തുടങ്ങിയ ഭക്ഷണങ്ങളിൽ വിറ്റാമിൻ സി അടങ്ങിയിട്ടുണ്ട്.
Also Read: Summer Tips: വേനൽ ചൂടിനെ ചെറുക്കാം, ശരീരം തണുപ്പിക്കാൻ ഇവ കഴിക്കാം
ദിവസം മുഴുവൻ ധാരാളം ദ്രാവകങ്ങൾ കുടിക്കുന്നത് മനുഷ്യനിൽ ജലാംശം നിലനിർത്താൻ സഹായിക്കും. അതേ സമയം, പഞ്ചസാര പാനീയങ്ങൾ, പഴച്ചാറുകൾ എന്നിവയ്‌ക്ക് പകരമായി കുറഞ്ഞ കലോറിയിൽ കറ്റാർ വാഴ ജ്യൂസ് കുടിയ്ക്കാം. എന്നാൽ ജ്യൂസിൽ ചേർത്തിരിക്കുന്ന പഞ്ചസാരയുടെയും മറ്റ് ചേരുവകളുടെയും വിവരങ്ങൾ ലേബലിംഗ് നോക്കി പരിശോധിക്കേണ്ടത് അത്യാവശ്യമാണ്.
2014-ലെ ഗവേഷണമനുസരിച്ച്, കറ്റാർവാഴ ജ്യൂസിന് ആമാശയത്തിലെ അൾസർ കുറയ്ക്കുകയും ദഹനം മെച്ചപ്പെടുത്തുകയും ചെയ്യാനുള്ള കഴിവുണ്ട്. കറ്റാർ വാഴ ജ്യൂസിലെ വിറ്റാമിൻ സി പോലെയുള്ള ധാരാളം ആന്റി-ഇൻഫ്ലമേറ്ററി സംയുക്തങ്ങൾ ഈ ദഹനപ്രഭാവത്തിന് കാരണമായേക്കാം.
മലബന്ധം ഉള്ളവർക്ക് കറ്റാർ വാഴ ജ്യൂസ് പ്രകൃതിദത്ത പോഷകമായി ഉപയോഗിക്കാം. ചെടിയുടെ പുറം ഭാഗത്ത് ആന്ത്രാക്വിനോൺസ് എന്ന സംയുക്തങ്ങൾ അടങ്ങിയിരിക്കുന്നു, ഇവയ്ക്ക് പോഷകഗുണമുള്ള ഫലമുണ്ട്. എന്നാൽ ഇത് കുടിക്കും മുൻപ് ഡോക്ടറെ സമീപിക്കുക.
പ്രീ ഡയബറ്റിസും ടൈപ്പ് 2 പ്രമേഹവും ഉള്ളവരിൽ രക്തത്തിലെ പഞ്ചസാര നിയന്ത്രിക്കുന്നതിൽ കറ്റാർ വാഴ സഹായിക്കുമെന്ന് ചില പഠനങ്ങൾ പറയുന്നു. പക്ഷേ പ്രമേഹത്തിന് കറ്റാർ വാഴ ജ്യൂസ് ഫലപ്രദമാണെന്ന് സ്ഥാപിക്കുന്നതിന് വലിയ പഠനങ്ങൾ ആവശ്യമാണെന്നും അവർ ചൂണ്ടിക്കാട്ടി.
(ഇവിടെ നൽകിയിരിക്കുന്ന വിവരങ്ങൾ പൊതു വിശ്വാസങ്ങളെ അടിസ്ഥാനമാക്കിയുള്ളതാണ്. ഇത് പ്രാവർത്തികമാക്കും മുൻപ് വൈദ്യോപദേശം തേടേണ്ടതാണ്)
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...