Tomato and Skin: ചര്‍മ്മ പ്രശ്നങ്ങള്‍ക്ക് തക്കാളി ഈ വിധത്തില്‍ ഉപയോഗിക്കാം
Tomato and Skin: ചര്‍മ്മത്തിന് ഏറെ ഗുണകരമാണ് തക്കാളി. നിരവധി ചർമ്മ പ്രശ്‌നങ്ങൾ ഇല്ലാതാക്കാൻ തക്കാളി ഫലപ്രദമാണ്.
Tomato and Skincare: തക്കാളി എല്ലാവര്‍ക്കും ഇഷ്ടമുള്ള ഒന്നാണ്. കറികളില്‍ ചേര്‍ക്കാനും സാലഡ് ആയും തക്കാളി നമ്മുടെ തീന്‍മേശയില്‍ സ്ഥാനം പിടിയ്ക്കാറുണ്ട്.
Also Read: Treadmill Vs Walk: ട്രെഡ്മിൽ Vs ഔട്ട്ഡോർ നടത്തം; ഏതാണ് ഗുണകരം
ഇത്തിരി മധുരവും പുളിപ്പും ചേര്‍ന്ന രുചിയാണ് തക്കാളിയെ ഏവര്‍ക്കും പ്രിയമുള്ളതാക്കി മാറ്റുന്നത്. തക്കാളി കഴിയ്ക്കുന്നത് ആരോഗ്യത്തിന് നല്‍കുന്ന ഗുണങ്ങള്‍ ഏറെയാണ്‌. വിറ്റാമിൻ, ധാതുക്കൾ, അയൺ, കാല്‍സ്യം, പൊട്ടാസ്യം, ക്രോമിയം തുടങ്ങിയവ തക്കാളിയില്‍ അടങ്ങിയിരിയ്ക്കുന്നു. ഇത് നമ്മുടെ ആരോഗ്യത്തിന് ഏറെ നല്ലതാണ്.
എന്നാല്‍, നിങ്ങള്‍ക്കറിയുമോ? സൗന്ദര്യ സംരക്ഷണത്തിനും തക്കാളി ഉത്തമമാണ്. ചര്‍മ്മത്തിന് ഏറെ ഗുണകരമാണ് തക്കാളി. നിരവധി ചർമ്മ പ്രശ്‌നങ്ങൾ ഇല്ലാതാക്കാൻ തക്കാളി ഫലപ്രദമാണ്. ചര്‍മ്മത്തില്‍ തക്കാളി എങ്ങനെ ഉപയോഗിക്കാമെന്നും അതിന്‍റെ ഗുണങ്ങൾ എന്തൊക്കെയാണെന്നും അറിയാം...
1. ചർമ്മംത്തിന് സ്വാഭാവിക തിളക്കം ലഭിക്കാന്‍ തക്കാളി ഉപയോഗിക്കാം. തക്കാളി കനം കുറച്ച് അരിഞ്ഞോ, തക്കാളി പേസ്റ്റ് ആക്കി മാറ്റിയോ ഉപയോഗിക്കാം. ഇത്തരത്തില്‍ തയ്യാറാക്കിയ തക്കാളി ചര്‍മ്മത്തില്‍ പുരട്ടുക. 15-20 മിനിറ്റിനു ശേഷം കഴുകിക്കളയാം. എന്നാല്‍, നിങളുടെ ചര്‍മ്മം വളരെ സെൻസിറ്റീവ് ആണെന്ന് ഓർക്കുക. ഇത്തരം സാഹചര്യത്തിൽ ഏതെങ്കിലും തരത്തിലുള്ള അലർജിയോ അസ്വസ്ഥതയോ തോന്നിയാൽ മുഖത്ത് തക്കാളി ഉപയോഗിക്കുന്നത് ഒഴിവാക്കുക.
2. ചുണ്ടിലെ വരണ്ട ചർമ്മം നീക്കം ചെയ്യാന്‍ തക്കാളി ഉത്തമം. നാരങ്ങ നീരും തക്കാളിയും ചേര്‍ത്ത് ചുണ്ടില്‍ പുരട്ടുക. ഇങ്ങനെ ചെയ്താൽ ചുണ്ടുകൾ പിങ്ക് നിറമാകുക മാത്രമല്ല, ചുണ്ടിന് തിളക്കം നൽകാനും സാധിക്കും.
3. ചർമ്മത്തിലെ പാടുകൾ നീക്കം ചെയ്യാൻ തക്കാളി: ചര്‍മ്മത്തിലെ പാടുകള്‍നീക്കം ചെയ്യാന്‍ തക്കാളി സഹായകമാണ്. തക്കാളിയും കറ്റാർ വാഴ ജെല്ലും സമമായി ചേര്‍ത്ത മിശ്രിതം പാടുകള്‍ ഉള്ള ഭാഗത്ത് പുരട്ടുക. ഉണങ്ങിയ ശേഷം തണുത്ത വെള്ളത്തില്‍ കഴുകിക്കളയാം. ഇപ്രകാരം തുടര്‍ച്ചയായി ചെയ്‌താല്‍ ചർമ്മത്തിലെ പാടുകൾ മാറി ഭംഗിയുള്ളതായി മാറും.
4. കണ്ണിനു താഴെയുള്ള കറുത്ത പാടുകൾ നിങ്ങളെ വല്ലാതെ അലട്ടുന്നുണ്ടെങ്കിൽ തക്കാളി ഉപയോഗിച്ചോളൂ. തക്കാളി നീര് കറുത്ത പാടുകൾ ഉള്ള ഭാഗത്ത് പുരട്ടുക. ഉണങ്ങിയതിന് ശേഷം തണുത്ത വെള്ളത്തില്‍ കഴുകാം. ഇപ്രകാരം ദിവസേന ചെയ്യുന്നത് ഉപകാരപ്രദമാണ്.
അതേസമയം, തക്കാളി ചര്‍മ്മത്തില്‍ ഉപയോഗിക്കുമ്പോള്‍ ഒരു കാര്യം ശ്രദ്ധിക്കണം. ഏതെങ്കിലും തരത്തിലുള്ള അസ്വസ്ഥത തോന്നിയാല്‍, ചര്‍മ്മത്തില്‍ തക്കാളി ഉപയോഗിക്കുന്നത് ഒഴിവാക്കുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...