Basil Water: തുളസിയിലയിട്ട വെള്ളം കുടിച്ചുനോക്കൂ... മാറ്റങ്ങൾ നിങ്ങളെ അത്ഭുതപ്പെടുത്തും

തുളസി നിരവധി ഔഷധ ​ഗുണങ്ങളുള്ള സസ്യമാണ്. ഇതിൽ വിറ്റാമിൻ എ, സി, ഡി, നാരുകൾ, ഇരുമ്പ് എന്നിവ അടങ്ങിയിരിക്കുന്നു. തുളസിയിൽ അടങ്ങിയിരിക്കുന്ന സംയുക്തങ്ങൾ വിവിധ അണുബാധകളെ ചെറുക്കാനും രോ​ഗപ്രതിരോധശേഷി മികച്ചതാക്കാനും സഹായിക്കുന്നു. തുളസിയില ഇട്ട് തിളപ്പിച്ച വെള്ളം കുടിക്കുന്നത് നിരവധി ആരോ​ഗ്യ ​ഗുണങ്ങൾ നൽകും.

തുളസിയിലയിലെ സംയുക്തങ്ങൾ വായിലെ അണുബാധകൾ കുറയ്ക്കാനും വായുടെ മൊത്തത്തിലുള്ള ആരോ​ഗ്യം മികച്ചതാക്കാനും സഹായിക്കുന്നു. ഇത് മോണയുടെ ആരോ​ഗ്യം മികച്ചതാക്കുകയും വായ്നാറ്റം അകറ്റുകയും ചെയ്യുന്നു. തുളസിയില ഇട്ട് തിളപ്പിച്ച വെള്ളം കുടിക്കുന്നത് എന്തെല്ലാം ആരോ​ഗ്യ ​ഗുണങ്ങൾ നൽകുമെന്ന് നോക്കാം.

പ്രതിരോധ ശേഷി വർധിപ്പിക്കുന്നു: തുളിയിലയിൽ അടങ്ങിയിരിക്കുന്ന ആന്റി ഓക്സിഡന്റുകളും വിറ്റാമിൻ സിയും രോ​ഗപ്രതിരോധശേഷി വർധിപ്പിക്കാൻ സഹായിക്കും. തുളസിയിലയിട്ട് തിളപ്പിച്ച വെള്ളം പതിവായി കുടിക്കുന്നത് മികച്ച രോ​ഗപ്രതിരോധശേഷി നിലനിർത്താൻ സഹായിക്കുന്നു.

ദഹനം മികച്ചതാക്കുന്നു: തുളിസിയില വെള്ളം പതിവായി കുടിക്കുന്നത് ദഹനം മികച്ചതാക്കാനും ദഹന സംബന്ധമായ ആരോ​ഗ്യപ്രശ്നങ്ങൾ കുറയ്ക്കാനും സഹായിക്കുന്നു. ദഹനം മികച്ചതാക്കാൻ ദിവസവും രാവിലെ വെറുംവയറ്റിൽ തുളിസിയില വെള്ളം കുടിക്കുന്നത് നല്ലതാണ്.

ശ്വാസകോശത്തിന്റെ ആരോ​ഗ്യം: ജലദോഷം, ചുമ, ആസ്ത്മ തുടങ്ങിയ ശ്വാസകോശരോ​ഗങ്ങളെ ചെറുക്കാൻ തുളസി മികച്ചതാണ്. തുളസി വെള്ളം കുടിക്കുന്നത് ശ്വാസകോശത്തിന്റെ ആരോ​ഗ്യം മികച്ചതാക്കാൻ സഹായിക്കുന്നു.

പ്രമേഹം നിയന്ത്രിക്കുന്നു: തുളസിയിലയിട്ട് തിളപ്പിച്ച വെള്ളം കുടിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിച്ച് നിർത്താൻ സഹായിക്കുന്നു. ഇത് പ്രമേഹം നിയന്ത്രിക്കാനും പ്രമേഹ സാധ്യത കുറയ്ക്കാനും സഹായിക്കും.

കൊളസ്ട്രോൾ കുറയ്ക്കുന്നു: കൊളസ്ട്രോളിന്റെ അളവ് കുറയ്ക്കാനും ഹൃദയാരോ​ഗ്യം മെച്ചപ്പെടുത്താനും തുളസിയില വെള്ളം മികച്ചതാണ്. ഇത് ഹൃദ്രോ​ഗ സാധ്യത കുറയ്ക്കാൻ സഹായിക്കുന്നു. പതിവായി തുളസിയില വെള്ളം കുടിക്കുന്നത് ഹൃദയത്തിൻറെ ആരോഗ്യം മികച്ചതാക്കും.

അണുബാധകളിൽ നിന്ന് സംരക്ഷണം: തുളസിയിൽ ആന്റി ഓക്സിഡന്റുകൾ ധാരാളമായി അടങ്ങിയിരിക്കുന്നു. ഇത് ശരീരത്തെ വിവിധ അണുബാധകളിൽ നിന്ന് സംരക്ഷിക്കാനും രോ​ഗപ്രതിരോധശേഷി വർധിപ്പിക്കാനും വിവിധ രോ​ഗങ്ങളിൽ നിന്ന് സംരക്ഷണം നൽകാനും സഹായിക്കുന്നു.