Cashew: അണ്ടിപ്പരിപ്പ് വാരി വലിച്ച് കഴിക്കല്ലേ...; ആരോഗ്യത്തിന് ഹാനീകരം

പ്രോട്ടീൻ സമ്പുഷ്ടമായ ഡ്രൈ ഫ്രൂട്ട് ആണ് കശുവണ്ടി. വിറ്റാമിനുകൾ, ധാതുക്കൾ, നാരുകൾ, ആൻ്റിഓക്‌സിഡൻ്റുകൾ എന്നിവയാൽ സമ്പന്നമാണ്. ‌എന്നാൽ ആരോഗ്യകരവും രുചികരവുമായ കശുവണ്ടി അമിതമായി കഴിച്ചാൽ അത് ആരോ​ഗ്യത്തിന് ഹാനീകരമാണ്. ഉയർന്ന അളവിലുള്ള കലോറി അടങ്ങിയിട്ടുള്ളതിനാൽ കശുവണ്ടി കഴിക്കുന്നതിന് അളവും ഉണ്ട്. 

ഒരു ദിവസം എത്ര കശുവണ്ടി കഴിക്കാം എന്നത് പ്രധാനമാണ്. കാരണം കശുവണ്ടി അമിതമായി കഴിക്കുന്നത് ആരോഗ്യപ്രശ്നങ്ങൾക്ക് കാരണമാകും. ദിവസവും ഒരു പിടി കശുവണ്ടിയിൽ കൂടുതൽ കഴിച്ചാലുണ്ടാകുന്ന ആരോ​ഗ്യ പ്രശ്നങ്ങൾ എന്തെല്ലാമെന്ന് നോക്കാം..

- ഒരുപാട് കശുവണ്ടി കഴിക്കുന്നത്‌ അലർജിക്ക് കാരണമാകും. ഇക്കാരണത്താൽ, ചർമ്മത്തിൽ ചുവന്ന പാടുകൾ അല്ലെങ്കിൽ ചൊറിച്ചിൽ അനുഭവപ്പെട്ടേക്കാം. 

- കശുവണ്ടി ആവശ്യത്തിൽ അധികം കഴിച്ചാൽ ചുണ്ടുകളിൽ അല‍‍‍‍ർജിയും കൂടാതെ ജലദോഷത്തിനും കാരണമാകും. 

- കശുവണ്ടി അധികം കഴിക്കുന്നത് മലബന്ധത്തിന് കാരണമാകും. കശുവണ്ടി കഴിച്ചതിനു ശേഷവും ചിലർ ഗ്യാസ് പ്രശ്നങ്ങൾ നേരിടാറുണ്ട്. 

- വലിയ അളവിൽ കശുവണ്ടി കഴിക്കുന്നത് പെട്ടന്ന് ശരീരഭാരം വർദ്ധിപ്പിക്കും, അതിനാൽ അമിതവണ്ണമുള്ളവർ പരിമിതമായ അളവിൽ കശുവണ്ടി കഴിക്കണം. 

​ഗുണങ്ങൾ

- കണ്ണിന് ഗുണം ചെയ്യുന്ന പോഷകങ്ങളാൽ സമ്പുഷ്ടമാണ് കശുവണ്ടി. കശുവണ്ടി കഴിക്കുന്നത് ഹൃദയാരോഗ്യം മെച്ചപ്പെടുത്തുകയും ക്യാൻസർ പോലുള്ള രോഗങ്ങളെ തടയുകയും ചെയ്യുന്നു. 

- കശുവണ്ടി പല്ലുകൾക്കും മോണകൾക്കും ഗുണം ചെയ്യും, അവ കഴിക്കുന്നത് തലച്ചോറിനെ നല്ല രീതിയിൽ സ്വാധീനിക്കും. എന്നാൽ അമിതമായ അളവിൽ കശുവണ്ടി കഴിച്ചാൽ ഈ ​ഗുണങ്ങൾ ഒന്നും ലഭിക്കില്ല.

(ഇവിടെ നൽകിയിരിക്കുന്ന വിവരങ്ങളും വീട്ടുവൈദ്യങ്ങളും പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഇത് സ്വീകരിക്കുന്നതിന് മുമ്പ് വൈദ്യോപദേശം തേടേണ്ടതാണ്.)