Diabetes Tips: വെറും വയറ്റിൽ പപ്പായ കഴിക്കുന്നത് ഈ 5 ഗുണങ്ങൾ നിങ്ങൾക്ക് നൽകും! എന്നാൽ ഇത്തരക്കാർക്ക് പണികിട്ടും
Papaya Benefits and Side effects: വിറ്റാമിൻ എ, വിറ്റാമിൻ സി, പപ്പൈൻ, ഫൈബർ തുടങ്ങിയ ഘടകങ്ങൾ ഇതിൽ അടങ്ങിയിട്ടുണ്ട്. അതിനാൽ ആരോഗ്യത്തിന് ഏറെ ഗുണം ചെയ്യുന്ന പപ്പായ നിങ്ങളുടെ ഭക്ഷണത്തിൽ പലതരത്തിൽ ഉൾപ്പെടുത്തുന്നത് വളരെയധികം ഗുണം ചെയ്യും.
പോഷകങ്ങളാൽ സമ്പന്നവും, രുചികരവും, ആരോഗ്യകരവുമായ പഴമാണ് പപ്പായ. വിറ്റാമിൻ എ, വിറ്റാമിൻ സി, പപ്പൈൻ, ഫൈബർ തുടങ്ങിയ ഘടകങ്ങൾ ഇതിൽ അടങ്ങിയിട്ടുണ്ട്. അതിനാൽ ആരോഗ്യത്തിന് ഏറെ ഗുണം ചെയ്യുന്ന പപ്പായ നിങ്ങളുടെ ഭക്ഷണത്തിൽ പലതരത്തിൽ ഉൾപ്പെടുത്തുന്നത് വളരെയധികം ഗുണം ചെയ്യും. കൂടാതെ പപ്പായ അതിരാവിലെ വെറും വയറ്റിൽ കഴിക്കുന്നത് ഏറെ ഗുണകരമാണ്. എന്നാൽ ചുവടെ പറയുന്ന തരത്തിലുള്ള അസുഖമുള്ളവർ പപ്പായ വെറും വയറ്റിൽ കഴിക്കരുത്.
വെറും വയറ്റിൽ പപ്പായ കഴിക്കുന്നതിന്റെ ഗുണങ്ങൾ
1. ദഹനം മെച്ചപ്പെടുത്തുന്നു
നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് പ്രസിദ്ധീകരിച്ച ഒരു പഠനപ്രകാരം പപ്പായയിൽ അടങ്ങിയിരിക്കുന്ന പപ്പൈൻ എന്ന എൻസൈം ദഹനം മെച്ചപ്പെടുത്താൻ സഹായിക്കുന്നു.ഈ എൻസൈം ശരീരത്തിലെക്ക്‌ പ്രോട്ടീനുകളെ ആഗിരണം ചെയ്യാൻ സഹായിക്കുന്നു. അതിനാൽ ഭക്ഷണം എളുപ്പത്തിൽ ദഹിക്കപ്പെടുന്നു. വെറും വയറ്റിൽ പപ്പായ കഴിക്കുന്നതിലൂടെ ഈ എൻസൈം കൂടുതൽ ഫലപ്രദമായി ശരീരത്തിൽ പ്രവർത്തിക്കുകയും ഗ്യാസ്, ദഹനക്കേട്, മലബന്ധം തുടങ്ങിയ പ്രശ്നങ്ങളിൽ നിന്ന് നിങ്ങൾക്ക് മോചനം ലഭിക്കുകയും ചെയ്യും.
2. വിഷാംശങ്ങൾ ഇല്ലാതാക്കാൻ മികച്ചത്
ശരീരത്തിൽ അടങ്ങിയിരിക്കുന്ന വിഷാംശങ്ങളെ പ്രകൃതിദത്തമായി ഇല്ലാതാക്കാൻ സഹായിക്കുന്ന ഒരു ഫലമാണ് പപ്പായ. ഇതിൽ അടങ്ങിയിരിക്കുന്ന ഫൈബറും, വിറ്റാമിൻ സിയും ശരീരത്തിലെ വിഷാംശം പുറന്തള്ളാൻ സഹായിക്കുന്നു. അത്തരമൊരു സാഹചര്യത്തിൽ രാവിലെ വെറും വയറ്റിൽ പപ്പായ കഴിക്കുന്നത് ഈ പ്രക്രിയയെ കൂടുതൽ ദുരിതപ്പെടുത്തുന്നു, ഇത് ശരീരത്തിലെ വിഷ വസ്തുക്കളുടെ അളവ് കുറയ്ക്കുകയും നല്ല ആരോഗ്യം നിലനിർത്തുകയും ചെയ്യുന്നു.
ALSO READ: പ്ലാസ്റ്റിക് ബാൻഡ് എയ്ഡുകൾ കാൻസറുണ്ടാക്കും, പുതിയ പഠനം
3. പ്രതിരോധശേഷി വർദ്ധിപ്പിക്കുന്നു
പപ്പായയിൽ വിറ്റാമിൻ സി ധാരാളമായി അടങ്ങിയിട്ടുണ്ട്. ഇത് ശരീരത്തിന്റെ പ്രതിരോധശേഷി വർദ്ധിപ്പിക്കാൻ സഹായിക്കുന്നു. വെറും വയറ്റിൽ പപ്പായ കഴിക്കുന്നതിലൂടെ വിറ്റാമിൻ സി നേരിട്ട് രക്തപ്രവാഹത്തിലേക്ക്പോകുന്നു. ഇത് അണുബാധകളെ ചെറുക്കാൻ ശരീരത്തിനെ പ്രാപ്തമാക്കുന്നു.
4. ശരീരഭാരം കുറയ്ക്കാൻ സഹായിക്കുന്നു
കലോറി കുറഞ്ഞതും നാരുകൾ ധാരാളമായി അടങ്ങിയതുമായ പഴമാണ് പപ്പായ. ഇത് ഭക്ഷണം വേഗത്തിൽ ദഹിപ്പിക്കാനും കൂടുതൽ നേരം വയറു നിറഞ്ഞതായി തോന്നിക്കാനും സഹായിക്കുന്നു. തന്മൂലം അമിതമായി ഭക്ഷണം കഴിക്കുന്നത് ഇല്ലാതാക്കുകയും ശരീര ഭാരം പെട്ടെന്ന് കുറയ്ക്കാൻ സഹായിക്കുകയും ചെയ്യുന്നു.
5. ചർമ്മത്തിന് ഗുണം
ഗവേഷണങ്ങൾ പ്രകാരം പപ്പായയിലെ വിറ്റാമിൻ എ, ആന്റിഓക്സിഡന്റുകൾ എന്നിവ ചർമത്തിന് വളരെ ഗുണം ചെയ്യും. ഈ മൂലകങ്ങൾ ചർമ്മ കോശങ്ങളെ വളർത്താനും ചർമ്മത്തെ ചെറുപ്പമായി നിലനിർത്താനും സഹായിക്കുന്നു. കൂടാതെ പപ്പായ വെറും വയറ്റിൽ കഴിക്കുന്നത് മുഖക്കുരു ചുളിവുകൾ തുടങ്ങിയ ചർമ്മ സമ്പന്നമായ പ്രശ്നങ്ങൾ നിയന്ത്രണവിധേയമാക്കുന്നു.
ഇവർ വെറും വയറ്റിൽ പപ്പായ കഴിക്കുന്നത് ഒഴിവാക്കുക
നിങ്ങൾ ഒരു പ്രമേഹ രോഗിയോ രക്തത്തിലെ പഞ്ചസാര നിയന്ത്രിക്കാൻ ശ്രമിക്കുന്നതോ ആയ ഒരു വ്യക്തിയാണെങ്കിൽ, ഒഴിഞ്ഞ വയറ്റിൽ പപ്പായ കഴിക്കുന്നത് ഒഴിവാക്കേണ്ടത് പ്രധാനമാണ്. കൂടാതെ നിങ്ങൾക്ക് ലാറ്റക്സ് അല്ലെങ്കിൽ പപ്പായ അലർജി ഉണ്ടെങ്കിൽ ഏതെങ്കിലും രൂപത്തിൽ പപ്പായ കഴിക്കുന്നത് നിങ്ങൾക്ക് വിപരീത ഫലം ചെയ്യും.
(ശ്രദ്ധിക്കുക ഇവിടെ നൽകിയിരിക്കുന്ന കാര്യങ്ങൾ പൊതുവായ വിവരങ്ങളുടെയും ഗവേഷണങ്ങളുടെയും അടിസ്ഥാനത്തിലാണ്. സി മലയാളം ന്യൂസ് ഇവ സ്ഥിരീകരിക്കുന്നില്ല.)
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.